اخر اخبار غزه

وش اخر الاخبار =غير الحزن والهم
نبغى تجي أخبار =العز والمغنم
نبغى تعود ديار =نبغى الطفل يسلم
جرح الأسى يندار =بين الشعوب اقتم
لا من نشوف صغار =والعظْم ما تلملم
نبغى ننول الثار =نبغى لهم بلسم
والله العزم ما خار =مير الظلم اجهم
واللي يزيل النار =من صدرنا والغم
ان الله الغفار =في حالنا يعلم
يعلم نريد الثار =في ليليها الأدهم
ما همنا الاعمار =مير الدرب اعتم
مركب حسايف سار= يم العدا تحطم
والله المذله نار =بقلوبنا تلهم
يومن غدا الغدار =باوطاننا ينعم
يومن تربع دار =غزه وثم يسلم
والله جرعنا مرار =كاس المذلة سم
يكفي مزيد أعذار =نبغى الشمل يلتم
نبغى يزول العار =نبغى يفور الدم
وين العرب للجار =وين الذي يهتم
غزه بوسط النار =يقوى عليها الهم
لا فارقت احرار =وحنا بنحسب كم
زرع الشهامه بار =نحصد بداله غم
نجم الشهامه غار =بدر الشجاعة اعتم
ناديت سر وجهار =يا نايمٍ تندم
عز العرب كن طار =يومن يقلي نم
مير الله الجبار =فيهم ترى ارحم
يجبر كسر الصغار =وغزه لنا تسلم
يرجع عزيز الدار =في موطنه ينعم