آخر اشواقي

عنود الليالي;14220آخر ماكتبت اهديها لكم قبل اكتمالها عنوانها :

آخر اشواقي

ياهبوب الشوق ودي له سلام= دامه المشوار عاجز بالقدم

روحي للغالي وقولي له بنام = بحضن طيوفه وأعيشه بالحلم

اغسلي روحه وفيضي بالهيام = لين مايبقى على قليبه ألم

هذا معشوقي ومن بين الأنام = ماخذ احساسي ولو إنه ظلم

بالغلا قلبي وطوقني سهام = من لحظ عينه يصوب لي سهم

أصدق عيونه وتغني عن كلام = واشهد ان القلب منها ماسلم

خده الغافي على جنح الظلام = يكسر الظلما ويهديها عدم

القمر جنبه بيبكي يا حرام = نوره مايسوى ولا مية نجم

مع هبوب الشوق وطيور الحمام = بنثر الاحساس ياروحي ولم

لمني لمة صغير ماينام = غير من صوتك أيا أحلى نغم

منحرم شوفك وبدري عالفطام = مالحق يروي عيونه وانفطم

نادني حتى ولو وسط الزحام = بسمع النبضه واجاوبها نعم

زولك بعيني بيبقى ألف عام = لو تغيب العمر كله وانحرم

مايشوف الا الضمير المستهام = والضمير ان مات مايبقى قيم

فدوتك روحي ولو إني حطام = لو طلبت الروح جاوبتك بتم

ما أعز الروح ياعالي المقام = والا انا روحي تطير واستلم

منية الخاطر أيا كل المرام = ياهديات القدر واغلى النعم

من رأى عينك أيابدر التمام = ينطق احساسه ولو حتى صنم

من عرف مثلك فلا يمكن يضام = من غلاتك صار للدمعه طعم

طاهر الاحساس ياقلب اليمام = يالبياض اللي مسح دمعي ورحم

آخر اشواقي وإحساس الغرام = ينثره قلبي ويبكيه القلم

شعر : عنود الليالي

تحيتي لكم

ناديه حسين;14221هلا عنوده وهلا بأول الاشواق

الاشواق هذي اللي ذبحتنا وصح قلبك وصح السانك

شعر يروي العطشان



ولاعدمنا هذا البوح الشجي

خشان خشان;14222الأخت الأستاذة العنود

شعرك هذا رومانسي جميل مضمونا ولفظا وزادته جمالا انسيابية بحر الرمَل.

وكلما قرأت شعرا مثله تمنيت أن يكون فصيحا.

هذه محاولة لتفصيحه على نفس الوزن :

2 3 4 3 4 3 ه
............ .....2 3 4 3 4 3

مع الاحتفاظ بنكهته المتمثلة بقافيتين مستقلتين للشطرين. محاولا المحافظة على الجو الشعري رغم ما يقتضيه التفصيح من بعض التصرف في الصياغة والمعنى.

ليت المشاركين الكرام - وخاصة الشاعرة - يحاولون استكمال بقية الأبيات قدر الاستطاعة ولو ببيت واحد لكل مشارك.

أيها الأشواق هبّي بالسلامْ = عجزت مني عن السعي القدمْ
هدهديه علّ محبوبي ينامْ = ويوافيني به طيفاً حلُمْ
واغمريه بحنان ٍ وهيامْ = يغسلان القلب من مضّ الألم
إنّ معشوقيَ من بين الأنام = حاز إحساسي وإنْ دوماً ظلمْ
إنه الغالي وكم منه سهامْ = يمّمت قلبي ولم يخطئْ (سهَمْ )
لحظه الصادق يغني عن كلامْ = منه قلبي – ويح قلبي – ما سلمْ
خده الغافي على جنح الظـلامْ= شعّ نورا فانجلت عني الظّلَمْ

الحسين بن علي;14224

شكرا للشاعرة على هذه القصيدة

اضافة الى انسيابية بحر الرمل ، تمتعت القصيدة بوضح اللفظ وظهور المعنى .

لا فض فوك .


وهذا البيت لمسته فتحول فصيحا دون عناء


طاهر الاحساس ياقلب اليمـام

يا بياضا كف دمعي ورحم

برهان المناصير;14226

صح لسانك على هذه الأبيات الرقيقه فعلا قصيدة راااااااائعه

اجبرتني على الكتابة وارجو أن تعذرني صاحب الصفحه

لأنني كدّرت نبعها الصافي بما سأخطه من أبيات لن تليق

بمستوى صفحتها ولكن قد دفعتني رقة الكلمات أن أنثر

ما بصدري من آهات فأرجو المعذرة سلفا .....

يا غرام القلب مع نوح الحمام=امتطي شوقي قبل حبر القلم
خبّر المحبوب عقبه ما ننام=واحلف الأيمان خلّك ما ينم
قلّه من خلك غلا يتبع سلام=لين يرضى به ويرضى بالقسم
وش يفيد الشوق في دنيا الغرام=دام خلك ما درى كم بك نهم
قلّه يا خلّي أبـ حكيلك كلام=لا تصدق جرح ما يشكي الألم
لا تصدق طفل ينسى بالفطام=لا ولا يومٍ تصدق بالعدم
لا تجي يا خل في لحظة هيام=تنزع الفرحه وتزرع بي ندم
ادري ما يومٍ يرمم لي هدام=ادري ما يومٍ بنسمع لك نعم
ادري فيني جرح يدميه الملام=ادري ما يومٍ بيطربني نغم
مير أنا صابر كما صبر الكرام=لين عودي بك بتبريه النقم
لي بنوره بي ضوى بدر التمام=ثم بقسوة لي طفى نوره وعتم
لي بنى بي قصر باشواق الغرام= ثم بكلمه جت خطا قصري انهدم

.

.

برهان المناصير;14227

أما الفصحى فلست ضليع بها ولكن محاولة مني

قلت يا قلباً تغنّى بالغرام=لم ترى قبراً تجنّى بالألم

لم ترانا إذ ثوينا في ظلام=يا منانا قد رضينا بالندم

محمد كجك;14631بوح رائع وجرّبي الفصيح،قرأت لكِ وأنت ممتازة،تحياتي