سكتــــه دمـــــاغيّـه

على كثرت همومي جات لي سكته دماغيّه = واتت من بعدها ضيقه وحرقة جوف وهّاجه
وتسبقهن جروح العاطفيّه والغراميّه = وانا والقلب والاشواق من حاجه ليا حاجه
ليا من شافني موتي وصوّت وش تبي فيّه = حياتك خالده .. خلك على وضعك ومنهاجه
دريت اني على وضعي حياتي جات عكسيّه = يموت الموت اللي ترك قلبي ولا هاجه
ردات الحظّ مغموره بجيناتي الوراثيّه = وتشهد لي مشاهد من ضوى والناس هجّاجه
صعيب الموت في حالة كدر ماهيب عاديّه = تلازمني ولا ادري بغاية روح دوّاجه
ايادي متقنه عزّه .. ويا صيحه شماليّه = ملك ما مات لا كن في مجاريحه رمى تاجه
معارك يا معارك خاضها قلبي لياليّه = سيوف الموت مليانه كتل للموت محتاجه
ولا راضي على نفسي ولا نفسي عدائيّه = أزيّن في شعوري خافقي وابحث عن اخراجه
ترى ماهي بحاجات النفس ولا عندي لها نيّه = دفاعات النّفس تدفع مصايب ناس لجّاجه
ترى ماهي عداله والفوارق اجتماعيّه = قوانين البشر حجّه بلا حجّه و حجّاجه
بني آدم يفرّق عن بناخيّه وعن خيّه = فوارق يا حسافه .. يا أوادم ما نبي حاجه