درر _ عنود الليالي

(عنود الليالي);15525

يمـه لو غبتي

أهديها لمن سافرت عنه والدته أو طالتها يد الردى

يمه لو غبتي ولو طال السفر

...........لو رحل وجهك وسافر بالدروب

حبك ابقلبي اشيله للعمر

...........باقي ابدمي ودمي لك يذوب

بالغلا كله بأنفاس العطر

...........يالدفا إنتي وياكل القلوب

هذا شالك ذا مكانك ينتظر

...........وهذي لمة إيدك ابكفي تجوب

وكل مكان بخطوتك تارك أثر

...........لو يطول بعين قلبي هالغروب

تشتكي لي غيبتك دوحة قطر

...........طوَّل غيابك وغيرك ماينوب

في مكانك غيرك انتي ماعبر

...........طيفك ينادي بكل حدبٍ وصوب

كل شارع لو أمره ينفطر

...........وكل دار تنوح في صمت وشحوب

ساهر قليبي على نار الجمر

...........ويتمايل كلما هب الهبوب

العزاء في غيبتك بعض الصور

...........وصوتك بإذني تواشيحه طروب

آه ياربي رجيتك بالصبر

...........القدر مكتوب ما منه هروب

عقبك انتي ماصفى غير الفقر

...........والمشاعر كلها شقت جيوب

ماصفى لي غير همي والقهر

...........غاب كفك وابتلينا بالكروب

وينك انتي ياسحايب هالمطر

...........العطش طوَّل وبدياري جدوب

استحيت بغيبتك يوم الكبر

...........هدني كلي وأنا كلي عيوب

ليتك ابجنبي وأرجع أعتذر

...........لين مايبقى بقلبك أي ندوب

21 مارس 2009

12 :12 م