قلب أم
يماه دمي لي جرى بالشرايين
.................يشكر حنان القلب منك والاحسان
يماه فيني من حنانك بساتين
................غرد بها العصفور هاني وفرحان
ما غير قلبك بالمصايب يسلين
..................لا صار برك بالعواصيف ربان
لا غبت غاب البدر كنه يعادين
..............وإلا ضباب حال شوفه بالأحزان
لا من طلبت الله تسبقني آمين
...............ينطق بها قلبك ليا عجز اللسان
لا قمت يوم الليل تبكي وتدعين
..............زاد بفؤادي من دعاويك بستان
وش حال قلبي يوم ليلك تونين
..........لا صار قلبك بالهواجيس وجعان
يمسي ونينك في فؤادي سكاكين
........والنار تلهب في عيوني والاجفان
يا يمه اسمك زان كل العناوين
........جمّل قصيدي مثل نور القمر بان
يشاهدون الموضوع الآن 1