يافتون !

العذاب رموش عينك يافتون=صابت قليبي وطيحني الغرام

مشكله لا سلهم الطرف الحنون =قولي يا نفسي على الدنيا السلام

من غرق في بحر هاذيك العيون=أشهد إنه ماقوى لحظه ينام

كيف ماينسى حياته ومن يكون=وان بغى يحكي عجز يلقى كلام

عين تذبح تجرح القلب وتمون=لحظها أقوى ولا ضرب السهام

لو بغت هالعمر يفداها ويهون =أشهد إن العمر مايكفي حرام

ليت فوق العمر أفديها بكون=هي منى قلبي وهي كل المرام

إفتنت قلبي وزادتني جنون=كيف أنا بمشي وما باقي عظام

منيتي لو أسكن بذيك الجفون=ألتحف برموشها ود و هيام

أطلب الرحمن يحفظ لي يصون = عينك الحلوه من عيون الأنام