قصائد وبحور (نبطي)

على بحر البسيط

وسواس


من كثرصمتك يجيني فيك وسواس
واتعب مع افكارتلعب في حواسي

قاصد تعذّب تحطّم فيني الاحساس؟
يحرقني صمتك على جمر المآسي

شهر زمن ساكت و ماقلت لاباس
ياكثر خوفي تملك فيني يآسي

ناسي وجودي وهاجرني بلا قياس
هو وين وعدك وقولك تاج راسي ؟

ووين حبك حبيبي وين هّماس ؟
ليكون قلبك لقى بغيري مراسي

صدري انْقبض من هواجس قلب وجّاس
ينوح وجده عليك وماتواسي

نسيتني بلحظه وكني بلا احساس
نسيت حالي ياحالي ليه ناسي ؟

ودي أجي لك واخاف تروح الانفاس
توقف بروحي قبل مااكمل لباسي

أبي أعاتب وودّع صابني ياس
أحس موتي لفا ومازلت قاسي
وسلامتكم