قصائد وبحور (نبطي)

بسيط

مجنونه



رمشك رمالي سهام الحب بعيونه

وصاب قلبي وصار الوجه ليمونه

تفداك روحي فداك المنخطف لونه

من جيت صوبي وانا اشلاء مجنونه



وأحسب بعقلي وعقلي وينه وويني ؟

ان جيت ابا احسب حسب حسبه تسليني

اجمع واطرح واقسم من يباريني

وان قام يعطي النتيجه.. صدق مجنونه



عقلي وقلبي علي كفّة عفاريتي

وان جيت يمي انا اعرف وشو تاليتي

اذوب كلّي يتفتفت مع فتافيتي

تلمني او ماتلم .. مجنونه مجنونه

وسلامتكم

صخري


شوق عينك




زمان اول أسرني شوق عينك
وهبت الروح فدوه لشوق لعيون

هجرت اهلي وسافرت لحنينك
جمعنا الحب مجنونه ومجنون

تناديني وارد ياحبي وينك
ألبي الصوت أجي لك كلي جنون

و.عواذلنا وشو بيني وبينك
تحديناالعواذل واللي يحكون

احبك حيل واتفاخر بزينك
وارد عاشق وابد مايعرف يخون

وقفت بوجههم وايدي يمينك
وماادري ليه قامو لجلي يبكون

ومر عمري وانا كنت بسنينك
جريحة حب ضحية شوق ملعون

انا لعبه وطاحت في يدينك
انا ماادري وكان الكل يدرون

فهمت اليوم كذبة شوق عينك
وليه كانو الحبايب لجلي يبكون




وسلامتكم

صخري

يانور العين

يانور العين يافرحة زماني
جبرني الوقت أتغرب بدونك

وافكّر بك على مر الثواني
وامل عمري أعود احيا بكونك

وتعطيني وتآخذ من حناني
واعيش العمر في جنة عيونك

وأكتب لك من اشواقي أغاني
وتكتب لي وتشكي لي شجونك

ياخوفي لو دفا قلبك نساني
وبعد البعد تجهلني عيونك

واعيش بغربتي لآخر زماني
إسم منسي على صفحة شجونك

ياشوقي للخفوق اللي احتواني
وقبل مايقول احبك قلت عونك

حفظت الود لك داخل كياني
عظيم الشوق امر قلبي يصونك


وسلامتكم

رمل

مواجع


مااظـن يرحع زمان
والفـرح مالـه مكـان
مت بأحضـان العذاب
مـت انـا قبـل الاوان


يوووووه ياكثر الحزن
اللي فيني وتحترينـي
ماقـدرت افـرح معك
ماقدرت الحـق سنينـي
والوجـع اللـي تقـول
ليتـه براسـي يجينـي
كان انـا سبـّة بلاك
جعل قبـري يحتوينـي
وكان انا اصل العناك
ليت تدري ويش يجيني
كان تنصفنـي بهواك
وقلت عودي سامحيني


كافـي احزان وقهـر
كافـي دمـوع وسهـر
كافي ابكـي كـل يـوم
والنهايـه في القبر


النهايه فـراق ومـوت
وانت ضايع في السكوت
راحـت ايامـي علـي
مااستوى توتك ياتوت !



لو قدرت اسـأل علـي
ما ابي غيرك أحــد
مابقي الا شـوي
يمكـن ارحـل لـلأبـد


بين ليلـه وبيـن يـوم
شمس ترحـل للمغيـب
ولـو بيـدّك أي شــي
لاتباخل ياحبيب



عطني من عطفك قليـل
ردّ لي بعـض الجميـل
كافي انك صـرت لـي
حزن في الليل الطويـل


وسلامتكم

أنا وياك

انا ويّاك والحبّ وحداده
وامانينا والاحلام الفقيده

وحبّ(ن) ماطفى فينا وقاده
واحزان(ن)كتبها الله مديده

وطيف (ن)ماخذ ودادي بوداده
يساندني بمعاناتي الوحيده

يساهرني ويشاركني الوساده
يغنّي لي ويهدهدني بإيده

ينوّمني علي مهد السعاده
ينسّيني المسافات البعيده

حبيبي ماابي اكتب لك زياده
احس القلب يتقطع وريده

ابذكر ربي واخلص في العباده
الى ان يرحم المولى عبيده


وسلامتكم

بسيط

البارحه


البارحه قلت لك مابه ولا قطره
واليوم جتنا مطر والكون طرباني

تقدر تلوّع سكون الليل وتسهره
تقدر تهزّ الكيان بحس وجداني

باكر اجي لك واقول اللي طرى ذكره
باكر اجي لك على الله اليوم تضماني



و

جيتك



جيتك بعد ماالصبر فيني نفذ صبره
جيتك اقول العطش للموت ودّاني


مرت سنين العمر اشتاق للمطره
ماشفت قطره مطر تنزل في بستاني

عم الخريف الشجر وتلاشت الخضره
عم اليباس اكتسى واحات وجداني


مرت سنين العطش بالشوق وتخبره
شوق الصحاري لحقته ماتعدّاني


مرّت دهور واقول الخير جي بكره
ماشفت زولك ولا كحلّت اعياني


تدري الظما يدمر الاحساس ويفطره
مدري متى ياهوى ترحم وتفداني


وسلامتكم

صخري

أحكم ياقاضي


رفض قلبك يراضيني وزعـلان
وهاجرنـي ولا ودّك تراضـي


وقاعد لي على الدقّه وقزيـان
وودّك لو تصير اليوم قاضـي


اذا وّدك تعال احكـم بميـزان
ولا تزعل علي مليان فاضي ؟!


تماديت بهجر واعلنت عصيان
تماديك بسبب كثر التغاضـي


بديت الهجرانا كمّلت هجران
وردّة فعل من كبر اعتراضـي


ومن فينا بدا من فينا غلطان ؟
يقولوا البادي هو أظلم يقاضي



وسلامتكم

غلطة زماني

قدر عمري انام واصحا بإرهاق
فقير الحظ قلبي لي عصاني

قضى عمره على نيران الاشواق
نعم للموت بعناده رماني

وهوذنبي مشيت بدربي الشاق
اصد قلبك ليا منّه دعاني

الين البرد يبّس خضر الاوراق
خريف العمر برده اكتساني

اخاف تجيني باكر بعد الفراق
تلاقيني بملامح شخص ثاني

خريف وارتسم بخدودواحداق
وجاني الموت من غلطة زماني




وسلامتكم

بسيط


العين حمرا

العين حمرا وفيها شبه تعصيبه
والشوق سيّر عليك يقول تعجبها

والنفس تشكي على خالقها من ريبه
هلكني شوقك سألتك لاتشبشبها

قلبي بيدي لن ولا ماتقدر تصيبه
روحي بيدى تبطي ما تقدرتصوّبها

تقدر على ألف وحده واحذر الذيبه
حرّاسها حولها والقوّه من ربها

لالا تحدّى تقول لصاحبك هيبه
جنيك يخدعك يحسب انه يطربها

لو كان ماردك عاشق ياتغاريبه
بيعيش في حلمه الوردي يلاعبها

جني الحسيني ب تجيبه من عراقيبه
تبطي وتبطي جنونك من نهايبها

له رقية (ن) تحرق المارد و تسرى به
له رقية(ن) (ٍ غير) تذبح من يجرّبها

والنفس خضرا عليها شوقك مصيبه
والمشكله كلّ ماتبعد تقرّبها

همسه

تبي الصراحه وشي ماكنت تدري به
قلبي يحبك وكاس الموت شاربها

والروح عندك عطيتك نفسي بطيبه
تفداك روحي لأنك كل حبايبها

وسلامتكم

اهزوجه


نذرت النذر يوم القاه
انا البس احمر باحمر


وانسي القهر وايامـه
مع عيونه عمر أخضر


عيونه حلوه يامحمـد
تجنن قلبـي نظراتـه


تغازل روحي وتوعـد
تعوض عمري مافاته


نذرت نذوري لربـي
عسي يجمعني بعيونه


ويوم القاه يامحمـد
بغني لحـن دلعونـه


وويلي ويـل دلعونـه
واموّل له على هونـه


وسلامتكم

هجيني

من الهجران تكفا

خذني بصدرك ..من الهجران تكفا
ارجع لحبي وبادلني العواطف

فيني مشاعر حميمه وحيل ترفا
وانته تْعرف وش عنا ذيك السوالف



وفيني نفس الحنين اللي تعرفا
من يوم كنّا انا وانته ولايف

ذاب الهوى بين رمش وبين طرفا
ذاب الحشا كلّه بأحلى شفايف

واشوف قلبك حجر جلمود وصفا
والعمر ساعه وليه للحين واقف

فيني غصة فراقك برد ورجفه
طوّل غيابك وحيل الوجد خايف

تعال واجلس معي دفيني وادفا
لا ..ما يفيد الندم وقت الحسايف

وسلامتكم

هزح

أنا ست الحسن كله
أنا كيد النسا وغله
انا احبك بكل مله
وهذا اعتقد كافي




وسلامتكم

رمل

قولها



طال ليل الانتظار

حسّ بي بالقلب نار

قول احبك باختصار

للمحبه اصولها

قول احبك قولها



يالله صلي ع النبي

صرت احسك ماتبي

موقفي جداً غبي

سجّتك وشولها

قول احبك قولها




خايفه يمر الزمان

ينتهي فيك الحنان

والسعاده والأمان

لو نطقْ مانطولها

قول احبك قولها



وسلامتكم

شيباني

عليك اعتب



عليك اعتب كثر قهرك
من اللي خانك
وضامك
كثر حزنك
على نفسك
كثر
ماكانت الامك

سألتك اجمع اوجاعك
وكل اوجاع
عشّاقك
تصوّر كثر اوجاعي
وليه فضّلت انا فراقك

ياليتك بس تتخيّل
ولا ظنّيت تتخيّل
وتفكيرك وقف مايل
وما يرجع
مثل أول


على الله
يا
عتب ضايع
انا مالى سوى ربي
انا ادري
هانت العشره
ولاهمّك وجع قلبي

وسلامتكم

صخري

يالضاحك



اذا جاني البلا والموت الأحمر
تشمّت بي وتبدي لي ابتسامه

وتنصر من يآذيني وتجبّر
تخطّيني وتسل سيف الملامه

على لْسانك نطق شيطان أغبر
تمنى لو تقوم بْنا القيامه

بقلبك شي أحسه قام يظهر
يبان الحقد له ميّة علامه

تحاول تكسر اللي مايتكسّر
وله قامه تحدّت كل هامه

نسيت اني على الويلات أقدر
نسيت اني انا أم اليتامه

قدرت اصمد بوجه رياح صرصر
وصرت الغيم بهتونه وسلامه

نسيت اني هزمت الحزن الأكبر
وارديته قتيل (ن) في ظلامه

مرار الحنظل بأيامي سكّر
تعودت اشرب المر بكرامه

ولايهمني غرير بثوب قيصر
يبي يهز الثقه ويسحب كلامه

بحط جرحك مع اللي فات واقدر
اداوي قلب صادق في خصامه

انا لك نجمة (ن) بالظهر تكبر
بعيده عن شواربك اللئامه

تهيّا للقدر اللي تقدّر
ولاتاخذك للدمعه ندامه

ياليتك بس يالضاحك تصبّر
ولاتجيني تعذّر بابتسامه

وسلامتكم

صخري مروبع

على بالي

على بالي السواليف الخوالي
وليالي الألف ليله في خيالي
عساها تمر في بالك وتذكر
لقانا وشوق تسكر به الليالي


على بالي وطيفك مر عابر
على باله يسلّم ثم يهاجر
على بالي اقل له لاتسافر
تعال و بالعواذل لا تبالي


افكر بك واحس الروح حنّت
على طاري ليالينا تثنت
تلوى من عذاب الشوق ونّت
ياويلك لو طرالك ماطرالي





وسلامتكم

همســـــــــــــــــــــات وبحور

شيباني

ولا ونّه


بعمرك ماوقفت وْياي وانااحمد ربي واشكر
وبآخذ مايجي من الله ولااحوج نفسي للمنّه


لااعاتب؟ لا ولا اجرح بي شعوري واحتسب واصبر
ولاارجي من عديم احساس واخفي دمعتي عنّه


ياناكر للجميل اسمع طباعي اصفح واعذر
طلبت الله يجازيني بصبري وادخل الجنّه


تكبر اكثر واكثر تغطرس قد ماتقدر
انا اعْرف قلبك القاسي واخبر وش يجي منّه


ابكتم حزني بقلبي ولا اشكي منْك واتحسر
وانام بحضن احزاني ولاتسمع ولا ونّه

رمل

آخر رساله


هي رساله جتْك في ليل السكوت
اعتذرت وقلت لك آخر كلام


وآخر الاخبار حبي لك يموت
يلفظ انفاسه الأخيره باحترام


الحقيقه مابقي في الصوت صوت
والجديد بحبنا حل السلام


لاكلام ولاملام يرد فوت
والف حسره ياكلام وياملام


وسلامتكم


مجزوء البسيط

أكبر امنياتي


لو يسألوني عن أكبر أمنياتي
أقول ساعة صفا لو حلّ موتي


وش قيمة العمر وانته مب حياتي
بغيابك الكون نايم من سكوتي


احتاجك إنته لجل أفرح بذاتي
احتاجك انت الهوى والما وقوتي


وسلامتكم



مشكور




ادري خفوقك لقي غيري رفيقه
وماانتظر منك تنكر ما أحسه



وسلامتكم


شيباني


شهر وايام تنساني يمرعمري تموت احلام
ياخوفي ينتهي عمري قبل لا ينتهي هاالعام




وسلامتكم

كان ياما كان

مابقي لي في حياتي
غير حزني وذكرياتي
ذكرياتي هي حياتي
هي حكاوينا سوى


كان ياما كان لي
صاحبٍ قدره علي
كان اغلا من هلي
له فؤادي وما حوى

آه ياحب ٍ ذوي


رحت عني يابعدي
ياعيونه ارقدي
عندر ربي واسعدي
واتركيني للنوى



وسلامتكم

مسحوب


عذبتني


عذبتني ضيعتني حيل يـــــاحب
عاملتني كنّي جماد وبلا قلب


تدري الجفا بعد الوفا يصدم يضر
والبرد من بعد الدفا حمّه وشر


صدمتني عذبتني حيل يـــــاحب
عاملتني كنّي جماد وبلا قلب


ماجا على بالي اموت بكئابه
من اجل عينك شق صدري صوابه


مرمرتني عذبتني حيل يـــــاحب
عاملتني كنّي جماد وبلا قلب


وبكل ليله يبتدي عارض ٍ بي
واعصاب مافي وارتفع نبض قلبي


امرضتني عذبتني حيل يـــــاحب
عاملتني كنّي جماد وبلا قلب


لاماحسبت أضعف كذا مثل طيره
طاحت جريحه من صوابك كسيره


قتلتني عذبتني حيل يـــــاحب
عاملتني كنّي جماد وبلا قلب



وواقفه بنص الطريق و اناظر
واحتري اليوم الاخير واغادر


اهلكتني عذبتني حيلي ـــــاحب
عاملتني كنّي جماد وبلا قلب


لاماحسبت إني بكون الجريحه
والشوكه لذيك العيون المليحه


غيرتني عذبتني حيل يـــــاحب
عاملتني كنّي جماد وبلا قلب



ولا حسبت اني بقاوم واناضل
واصبح ضحيه للعيون الكواحل


بهذلتني عذبتني حيل يـــــاحب
عاملتني كنّي جماد وبلا قلب


كايد وساطي تمكر وتقدر تجور
تبيني ارجع لك ولو قلبي مكسور


احرجتني عذبتني حيل يـــــاحب
عاملتني كنّي جماد وبلا قلب



ماانسي عذابك والحقك واسبق الريح
تسحرني و فبالك اجي لك أو آطيح


سحرتني عذبتني حيل يـــــاحب
عاملتني كنّي جماد وبلا قلب

همسه

ولو أموووت الليله والله فلا اجي لك لو آموت
وربي قادر ينهي سحرك وينقلب ثم ٍ تموت


لوعتني عذبتني حيل يـــــاحب
عاملتني كنّي جماد وبلا قلب


وسلامتكم

رمل


تكلّـــــــــم


إيـه تكلم أمزج المعنى بشعور
ايه تكلّم خلّي الدنيا تدووووور
القصيده سيّدة كل العصووووور
انثر االاشعار وابدع بالقريـــض

من مشاعر تفلق قلوب الصخور
من معاني ساميه يقلبٍ طهور
ارسم النبضه وما تخفي الصدور
اشرح الاحساس بالخط العريض



إيــــــــــــه تكلّم لوّن الكلمه بنور
من كلامك ينتشي صدر البحور
من غرامك تخصب الارض وتثــــور
من كلامك كل هاالعالم يهيــــض

وسلامتكم

صخري

3 4 3 4 3 2
3 4 3 4 3 2

كرهنـــــــــــا



حكم بوش اللعين بموت أكبر
على كل العرب فسفور أحمر


تموت الناس في غزه بغاره
وفي بغداد هاالمنظر مكرر

وباقي القوم تتحسّر وتمرض
ياحسره موتنا بيكون أمرر

على سجن الحدود الحرّ صاحي
مكبّل بالقيود وروحه بتفر

الا كيف القلوب الحرّه تقدر
تشوف القهر مغصوبه تصبّر

كرهنا نلبس وناكل ونشرب
وفي غزه النسا تشكي من الضر

كرهنا اعمارنا والكل يشهد
زلال الماء غدا بحلوقنا مر

كرهنا نداوي امراض تجينا
نحس انا على الخيرات نبطر

كرهنا نكبّر كبار البلاوي
بعد ماصار فينا الظلم اكبر

من الاقصى الى بغدادشرقاً
نذوق الظلم من محتل أغبر

كرهنا بهجة الدنيا الدنيّه
بداخلنا تهيج الريح صرصر

كرهنا نفوسنا كرهنا التغاضي
بعد ماضاقت الدنيا بهاالشر

وكيف نعيش ونحس بكرامه
وفي العالم كرامتنا تعفّر

كرهنا بيوتنا كرهنا المدارس
وضقنا بشنطه وكتابٍ ودفتر

كرهنا نغني للمحبوب شعرا
ومات شعورنا بالحب أبتر

وربي حتى اقلامي الابيه
ابت ترسم ألم مشهد مصوّر

وهل ارسم عذابات الضحايا
وحالي حال هالطفل المنثر

كرهنا الامن وكنّا بالمقابر
نشاهد ثم نكبت ثم نفطّر

انا الأنثى ولا شي بيديني
اسطر حرقتي والود اثأر

اجل واشلون اصحاب المراجل
ومن فيهم عظام القوم تفخر

واحاسيس القلم دمع ٍ تنثّر
وما في القلب يااقصاي أكثر

وكم تخذلني الكلمه وترجع
حزينه بغصتي دايم تعثّر

وهل تنفع عذابات الاناثي
بزمن اغبر فقد ذاته وتنصّر

يشوف الموت ساري بكل ديره
ولن يرفع سلاحه بوجه اشهر

سلاحه في عظيمات المداين
مداين تصمد بزيتٍ وزعتر ؟!!!

مداين كم تعاني من بلاوي
رغم ذاك الحصار تقول تقدر

وهل مطلوب من شعبٍ محاصر
يقاوم جيش بسلاحه يتمنظر!

وهل تنفع اغاثه بكيس سكّر
وشاهي ورزّ لو هو رزّ مرمر

وهل يجدي نروح لكل مجرم
ونستجدي سلام بفعل منكر

بمجلس أمن عامي ماله ملّه
نساءه سود تدعس كل منخر

وهل نسكت على قلّ المروّه
حصار يدوم يقفل كل معبر

وهل نتصامى عن صوت الثكالا
وصوت الفاجعه من كل منحر

وهل نرجو من الغازي سلامٍ
وهو محتل للأرواح منشر

نعم نغضب ورب الكون يغضب
على المحتل نعم الله اكبر

الا ليت القلم صاروخ داوي
الا ليت الحبر فسفور أصفر

الا ليت الورق يصبح غمامه
على صهيون بالسجيل تمطر

دول للحق ربي قد خلقها
وحنا خير امّه نقاوم الشر

وباقي في سما التاريخ قصه
بعون الله عن النصر المأزر

الا يالله انا بوجهك دخيله
الا يالله جاوب كل مضطر




وسلامتكم

خبب

2 2 2 2 2 2 2 2
2 2 2 2 2 2 2 2

رساله الى الصهاينه



يامن تقتل طفل بغزّه
الطفل بغزه متعوّد

متعود ع الموت وعادي
وبيحفظ درسك متوعّد

اصبحت المجنون الأرعن
ومشتت ماتقدر ترقد

روّعك الطفل الغزاوي
خايف من طفل وبتصعّد

خايف يكبر ثم يبدد
احلامك من ثم يوحّد

ويبيدك من وجه الدنيا
ويشيل سلاحه ويشرّد

اطفالك بانحاء العالم
حيث الحقد بكل مندّد

اضرب اقتل شوه احْرق
ونْساء الأمه بتولّد

اقصف اكسر حطم دمّر
لن يركع بيت او مسجد

ابطال الأمه بتتزايد
من كل العالم لاتحدد

والنصر الاكبر للأمة
بالموت الاكبر بنهدّد

الموت الموت لأمْريكا
واسرائيل وكل متهوّد

مربوعه على الصخري

فمان الله

بعد هجْره عرفْت انّي مع النْاس
احبّ الزين وامشي له بلا راس
وضاع العقل منّي من رأيته
مسبّه مادريته وين ياناس

سلبني عقلي وزينه سباني
قتلني واعترف خربط كياني
اخذني للحنين لعمْر ثاني
ولاادري ليه غرقْت بْشبْر احساس


عشقته وكنت اظنّ انه عشقني
اخذني لْنار اشواقه وحرقني
هربت مْن الجحيم وهو لحقْني
واشوفه مادرى عن قلب وجّاس

بعد هذا عرفت بنفسي اخْطيت
ومدري ليه لهْ بالذات حنّيت
وكيف ارمي خفوقي لْكف عفريت
واجرّه للهلاك بضيق الانفاس

وهاضت بي مشاعر له تولّه
تقولْي مارحمتي الروح لله
تحبّي من ملك هالزين كلّه
وهل يرضى بسجون الحبّ قرناس ؟!



سألتك عن طريقه بالله روحي
وبالخافي سألتك لاتبوحي
ولاظنّي رشيق العود يوحي
بما صابك ولا بيْقول لاباس

فمان الحب غارق باالقطاعه
فمان الشوق للزين ومتاعه
فمان الصمت ياخلّي وْوداعه
فمان الله تركت الزين للناس


وسلامتكم

على بحر الصخري

فتح موقع

قصيده ساخره

تقول الراويه وتوعي الأجيال
وتعطي للنسا ع النت درسين

(زواج النت )حكى به ألف محتال
فتح موقع ونادى للبزارين

تعالو للمواقع وانطحو الفال
وحطّو مبلغ وقدره ثمانين

واذا قصدّك ترقّم حط جوّال
ولكن به زياده فوق ميتين

وبنات النتّ ماتدفع ولا ريال
ويكفي تكون مصدر للملايين

خلصنا من محايل حصد الاموال
وباقي درس له عدّة عناوين

تقول الراويه الثعل ميّال
على كل قاصيه يتأمّل تلين

وانتي الطاهره يوم الزمن مال
تروحي برجلك لوكر الثعاليين

زمان المرجله ولّى بأبطال
وصارو رجالنا ياخزية العين

تشوفي الشحط فيهم دب اورال
وعينه زايغه ع الزين والشين

يبي أربع حريم الأخ عتّال
وهو متزوّج وعنده وراعين

وماشي باالكذب و بمشي بطّال
وحاله حال اخوان الشياطين

على المسيار ثعلب حيل دجال
وجيبه ماتلاقي به ريالين

يبيها موظفه أو مرأه اعمال
وهي تصرف وتشري له حذايين

وصارو رجالنا مضرب للأمثال
ومافيهم رجوله ولابهم زين

اذن ابقو اياما حطّو الاقفال
نخليهم عزوبيه الملاعين

وسلامتكم

همسات




شيباني

انا مالي بهالدنيا سوى همسي دفا الإحساس=واذا لاموني مايهمني ألم الجرح باحساسي

واضمه بين اضلاعٍ ٍ سكنها قلبي الهمّاس=وابكتب دام فيني روح ودام بصدري انفاسي

هجيني

اصبر على الهم والحامض لواني =وموت ماقول تكفا للي يجفون

والله ماتفرح بقربي ثواني =مايهون دمعي ولا صدّاتك تهون

شيباني

على الله يا أمل ضايع انا مالى سوى ربي=انا ادري هانت العشره ولاهمّو وجع قلبي

مجزوء الرمل

يوم فكك لي دنا=شفت انيابك انا
ضربتي جت في الصميم=توجعك ميـّــة سنه

هجيني

في إلتزامك بتقوى الله معالي=والمعصيه ماتجيب الا العداوه

رمل

دور فيني يازمان=يا زمن قصقص ورق

قصقص اقسى الذكريات=انتشلني من الغرق

وارجع بعمـري النهـار =وااالفرح اللي انسرق

تندمـل كـل الجروح=في الخفوق اللي احترق


يرجع لقلبـي الامان=كن ما عمـره عشـق

وسلامتكم

حدا


مااروعك

تبي الْحقيقه ..مااروعك= تحفه وصوّرها الأله
مجبور قلبي دلعك= خلاك تسكن في حشاه
وتحسب جمالك ينفعك= لى صار قلبك من حصاه
تحكي وتبيني اسمعك =مدري غرورك وش وراه
منته معي ولاني معك = واسمك شريكي بالحياه
وماهي غصيبه اتبعك = تفرض علي حكم الطغاه
اعرف غرامي مااقنعك= وادري زمانك وش لهاه
حقّك ولااقدرامنعك = طبعك كذا واعرف دواه
واعرف دوايا يوجعك = والعلم جايك في نباه
برحل بلا مااودعك =هذا دوى قلبي وشفاه
وانسى خفوقٍ متّعك = وانته حرمته مبتغاه

وسلامتكم

صخري مقفى


انا برحل

انا برحل عن دْيارك مع الرّيح = الى آْخر ماتوديني الهبايب
انا ودّي اعيش بمرْبع مْريح = بعيده عن حبيبٍ حيل خايب
وهي زانت ومايحتاج تمْليح = صبرت وشابت براسي الذوايب
وقبل مارْحل ابي اعطيك تصريح= يمرر كل اصناف الحبايب
ابيك تْعيش ايامك تفاريح = بلا همي ووله قلبي اللي ذايب
انا قلبي شبع وياك تجريح = بدورله دوى ويرد طايب
وجيت اليوم اكتب لك تباريح = من الْليله اعتبرني بْحكْم غايب
بودعك وعسى من بعدي تْطيح= تدوّرلك لاحزانك طبايب
تشيل الهم ..يرجع عنْك مايْزيح = ومن همّك يصير الشعر شايب
وتضطر لجناح بهامة الريح = والى آْخر ماتوديك الهبايب

وسلامتكم

على بحر الرمل

من يمد

من يمد لصاحبه طوق النجاة
كلن بحاله على همه سرى


والحياه يوم انتهت فيه الحياة
مالقى له ظل في حرّ الثرى

والنصيحه ماتهز قلب الطغاة
مايهز الصخر قبر (ن) لو طرى

كنت اظن الخير باقي مير جات
الوثايق تفضح نفوس الورى

شفت موسر غاص في حب البنات
ينثر امواله على جزمة مرا

وكم مريض(ن) مالقى حق المبات
في المشافي وعاف ساعات الكرى

من يمد الطوق للجنه ثبات
يرحم اللي طال صبره واحترى

ينفق بماله ويبغي الباقيات
يكسب الدنيا وبالجنه ترى


وسلامتكم

رقمية على الرجز


تحبها ؟



من هي غرامك اللي فيني تخونها
وجيتني وْهي في حياتك ماقدرت تصونها!!
هل هي غرامك أو أنا .. مجنوني أو مجنونها ؟
تحبّها ؟ ماقلت لي
لكن احس إنّك أسير بْكونها
واليوم تتركني لجل تسهر بليل عْيونها
اليوم فيها تْخونني ولأمس فيني تخونها !
ياكبرها ياقوّها
وياهواني وهونها

أقدر اقول:
الله يكون بعون قلبي وْعونها

وسوالم

http://www.36rb.com/song-play21945.html

رباعيات رجز



هذا اللي ناقص



هذا اللي ناقص يازمن
أبيع روحي بْلا ثمن
ووهب حياتي للشقا
ازرع أمل واحصد شجن


هذا اللي باقي ياهوى
ارجع لبياع الكلام
واقول عاشق مانوى
غير الوفا غير السلام


هذا اللي باقي يازمن
افديه والعمْر الثمن
والله ماارْجع له أبد
لو كان هو جنة عدن




وسلامتكم