صفحـــــــة الحــــرّ ..

فعلاً بحر مذهل وسهل الكتابه عليه ومدهش .. يعطيج المساحه الكبيره ..


هذي القصيده .. وان كان في اخطاء قولي لي .. وانا ان شا الله راح اقطع لج كل بيت ..

ما على أمنيات قلبي أيْ كلافه = والزهور الهوى وانا من يعتني بج
من صعايب طموح قلبي وانخطافه = عاف حلمي صباح نوره يهتدي بج
من بعدتي وانا وحزني ... يا حسافه = في جروح الغرام نبكي من يجيبج
لا خذوج الشيوخ من قلبي لقافه = وش حياتي .. ولا حياتي من نصيبج
ذي بداية مصايبي .. لا ذي سخافه = ذي سخافه ولا عليها من يعيبج
يا غلا خافقي وقلبي .. واختلافه = يا سوأل الغرام يسأل عن حبيبج ؟
كان قلبي حزن وهمّه فيج شافه = يا حسافه عليج ما ينفع نديبج
جيت في حاجيات تستثمر ثقافه = ايه يا حاجيات كانت تعتزي بج
وقّفي يالحياة ما من ايْ ظرافه = واعْلمي يا عزايمي خيبه تصيبج
عالمي عالمن شقوقه من جفافه = يبتدي في شقوق كنه يقتدي بج
لا انا في خواطري بلْحق خرافه = لا ولا في خواطري بطْفي لهيبج
ما بقى يا حبيبتي شيً اخافه = والطقوس المنى ولا تقدر تجيبج

دمتي بخير ..