بت هندسة

هذه القصيدة عموما على مجزوء الكامل.

وتختلف عن الشهر النبطي بتشابهها مع الفصيح في ورود السبب الثقيل في الفاصلة (2) 2 = 1 3 بينما الشعر النبطي يقتصر على 2 2
والذي يرد فيه 4 3 4 3 4 3 يعتبر من الرجز لا من الكامل.

وعلى سبيل المثال ، البيت :

أنا في هواكي بقيت فتات ......ودخلت عشرين مدرسة‎

أَ نفي هوا كِ بقتْ فتا تْ .....و دخل تعشْ رنْ مد رسةْ

1 3 3 1 3 3 ه ..........1 3 3 2 2 3

((4) 3 ((4) 3 ........((4) 3 4 3

‎

أنا راسى جاط ما بين هواك والدبرسة‎
الفت عشرين الف بيت سبعين قصيدة مؤسسة‎
شان اقدر الفت انتباه ومر اقدر احسسه‎
يا حلوه يا بت هندسة‎
يا حلوة يا زينة البنات ...........يا نجمة الليل والمسه‎
أنا رغم اشكال الشتات...... حاضن عواطفك وحارسه‎
أنا في هواكي بقيت فتات ......ودخلت عشرين مدرسة‎
جنيت مع كلمات هواك بي قلبي قاعد اتنفسه‎
ويا حلوة يا بت هندسة‎
اكان شفت يااااااااااا بت هندسة‎
خطواتي دايما بالغلط واموري ديمة معكسه‎
يوم داك مساهر في الهدوم وكويته جت شان البسه‎
لقيته الصباح حقت اخوي وهدومي قاعدة مكرفسه‎
كان للهدوم ما مشكلة بشوف لي مصيبتا البسه‎
لكين هواك اعملو ايه تشتش عطامي وهرسه‎
داير لي فرصة اكون قريب طبلت قليبك افلسه‎
عشان تشوفي هواكي كيف بهدل عواطفي ودعفسه‎
كلماتي ليك اتبشتنت ما ذي زمان متهندسه‎
حتي الشعرالكان زمان كلماتو حلوه مملسة‎
هسه هسه اتلخم بقي كيف كدا‎
ما فيه كلمة مهندسة وانتي السبب‎
انتي السبب في كل دا يا احلي اسباب الاسه
أنا ياخي بريدك اعمل ايه وريني يا بت هندسة‎
امشي واكورك في الظلط يا ناس بريد بت هندسه‎
يا ناس بريد بت هندسه‎
كم مرة قلت اكون براي اقعد معاها واحدثه‎
لكني ما بقدر عديل ما بقدر انضم اونسه‎
خليك من اشرح ليها حالي وحبي ليك والدبرسة‎
وياااااااااااااااااااا يا هنايه‎
يا هناي دار اقول ليك كلام اصلو السكوت فيه وسوسه‎
انا يا ملاك انا بعشقك وما اظن بلاك ارجي المسه
دايرك تكوني لي حبيبة وابقي ليك حبيب قسه
اكسيك هواي وتلبسيني نعيم هواك اجمل كسه‎
ويا ربي كل عاشق نبيل تديه ذي بت هندسة‎
وترعاه من عين الحسود من ثوب جمالك لبسه‎
ويا ربي تحفظ لي براي ويا ربي تحفظة تحرسه‎
ويا ربي تحفظة تحرسة

رووووووووووووووووووعه
لابد تدخل الموسوعه
مافيها كلمات ممنوعه
دسم فل ماهي منزوعه
مخموسه بلود ومربوعه
تحياتي استاذي الكبير خششان فارس الفرسان وللرقمي في قلبه مكان

اولا.. كل عام وانت بخير استاذ خشان
ومن العائدين وعاد عيدك يالغالي
وكل عام وانت بخير استاذ اليافعي

ثانيا صح السانك

[(أحمد الحكيم)]

هذه القصيدة عموما على مجزوء الكامل.

وتختلف عن الشهر النبطي بتشابهها مع الفصيح في ورود السبب الثقيل في الفاصلة (2) 2 = 1 3 بينما الشعر النبطي يقتصر على 2 2
والذي يرد فيه 4 3 4 3 4 3 يعتبر من الرجز لا من الكامل.

وعلى سبيل المثال ، البيت :

أنا في هواكي بقيت فتات ......ودخلت عشرين مدرسة‎

أَ نفي هوا كِ بقتْ فتا تْ .....و دخل تعشْ رنْ مد رسةْ

1 3 3 1 3 3 ه ..........1 3 3 2 2 3

((4) 3 ((4) 3 ........((4) 3 4 3

‎

أنا راسى جاط (اتلخبظ)ما بين هواك والدبرسة‎ (الزهج)
الفت عشرين الف بيت سبعين قصيدة مؤسسة‎
شان (من اجل) اقدر الفت انتباه ومره اقدر احسسه‎
يا حلوه يا بت هندسة‎
يا حلوة يا زينة البنات ...........يا نجمة الليل والمسه‎
أنا رغم اشكال الشتات...... حاضن عواطفك وحارسه‎
أنا في هواكي بقيت فتات ......ودخلت عشرين مدرسة‎
جنيت مع كلمات هواك بي قلبي قاعد اتنفسه‎
ويا حلوة يا بت هندسة‎
اكان شفت يااااااااااا بت هندسة‎
خطواتي دايما بالغلط واموري ديمة معكسه‎ (تابي اتساهل)
يوم داك مساهر في الهدوم وكويته جت (كلها) شان البسه‎
لقيته الصباح حقت اخوي وهدومي قاعدة مكرفسه‎ (غير مكويه)
كان للهدوم ما مشكلة بشوف لي مصيبتا البسه‎
لكين هواك اعملو ايه تشتش ( الكي بالنار)عطامي وهرسه‎ (الهرس يعني الطحن)
داير لي فرصة اكون قريب طبلت (القفل )قليبك افلسه‎ (فلس الطبله يعني فتحها بطريقه غير شرعيه)
عشان تشوفي هواكي كيف بهدل (تعب) عواطفي ودعفسه‎ (غير واضحة المعالم)
كلماتي ليك اتبشتنت (عدم الانتظام) ما ذي زمان متهندسه‎ (مشتقه من هندسه)
حتي الشعرالكان زمان كلماتو حلوه مملسة‎ (الشئ المملس هو جميل الملمس)
هسه هسه (الان )اتلخم (نسي الشي او انشغل) بقي كيف كدا‎
ما فيه كلمة مهندسة وانتي السبب‎
انتي السبب في كل دا يا احلي اسباب الاسه
أنا ياخي بريدك اعمل ايه وريني يا بت هندسة‎
امشي واكورك في الظلط (شارع الاسفلت) يا ناس بريد بت هندسه‎
يا ناس بريد بت هندسه‎
كم مرة قلت اكون براي اقعد معاها واحدثه‎ (احثها ... اكلمها)
لكني ما بقدر عديل ما بقدر انضم (اتكلم) اونسه‎
خليك من اشرح ليها حالي وحبي ليك والدبرسة‎
وياااااااااااااااااااا يا هنايه‎ (نداء للغريب )
يا هناي دار اقول ليك كلام اصلو السكوت فيه وسوسه‎
انا يا ملاك انا بعشقك وما اظن بلاك (بدونك) ارجي (انتظر) المسه (المسها)
دايرك تكوني لي حبيبة وابقي ليك حبيب قسه (حبيب قساي ... حبيب قلبي)
اكسيك ( مشتقه من كسوة الشي)هواي وتلبسيني نعيم هواك اجمل كسه‎
ويا ربي كل عاشق نبيل تديه ( تعطي)ذي بت هندسة‎
وترعاه من عين الحسود من ثوب جمالك لبسه‎
ويا ربي تحفظ لي براي ويا ربي تحفظة تحرسه‎
ويا ربي تحفظة تحرسة

هو من الجيل المعاصر وهو شاب
صراحه لا اعرف عنه الكثير وسادرج لكم رد شاعره بالعاميه عليه

[(أحمد الحكيم)]

[(أحمد الحكيم)]

[(أحمد الحكيم)]

اماتي القبيل بي حنهن لقني
كرفة وقلدة كيف شوف اللبن
رجنّي حزنا جاني في
ميع الصبا يلجني اطلع
مني يا جلدي المنمل جني
واطلع مني يا حزنًا بقى مكجني

خلني ابدا مسداري
واودي قفايا لي دارا بقت مي داري
جيت الجلدي بيني وبين عضايا الشحمة الا النار بقت قدامي
جلدي الليلة بيني وبين عضايا المافي
الا تراني شوال الكبس نفيخ جلاليب الورم هدانّي
في جلدي الورم قولنلي ولا صحي الورم عضاني
سفريتك مي في النية
ماها الكانت محرية
خابراك عريف زم العربان ولّا قيام الوردية
مالك تريان ومندي كاسي الكتان والهندي
قولك ككيف ترجى البيشان ولا الغربة البي زندي
برق العبدلي الوزني ما طاش يا جاب المزن
فرق ياالضيف فعل الغضبان انفر ثيران الحزن

شن القعدة يا ابو السرة شن القعدة
= شن نل قع ده يا بس سر ره شن نل قع دهْ = 2 2 2 2 2 2 2 2 2 2 2 2

في ضل العمارات ام كمرتًا بره .. ضقنا الحنضل اليانكي
وبلعنا المرة كملت كوتة التمباك صقعنا الجرة
وكت اتقفلت شقيش قبل بالمرة لن
يأمرنا في بلد المعاني الحرة
الشم خوخّت بردن ليالي الحرة
والبراق برق شوف عيني الصقير بي جناحو كفت الفرة
تلقاها ام خدود الليلة مرقت برة
مرقت برة تغلي مديدة الحلبة التسمن ردفها
السمن المبستر يانكي
والويقود قعيرات الدخان في العين وفي الفشفاش بسوي عمايلو
شن فايدة مديدة الحلبة يا ابو السرة شن فايدة مديدة الحلبة
الويقود يشيلو اليانكي
قامت من دخاخين العمى تلمع وشيها اليانكي مستنيها
كان اليانكي مستنيها في مراية السجم
في الليل لقيتها متل فرايخ الطير مرق ود عينها من ود عينها
رجافة المزمة الحمى جفلت منو وقعت عندي صدرها بغلي
يا ابو السرة شفت اليانكي في ود عينها
حسها للبحر
يمكن يغسل عينها من اليانكي
فتنا الحجرة بالكتة وغتسنا مسافة
تبقى قدر مسالك الريده ما لاقانا من يغبانا في
البحر الفضا التحتاني
ناس عارفاها ناس عارفاك ناس عارفاني
نادينا القعونج والبلطي قرقور السمك ودانا لي دابي الخشش
نادينا عمال الطمي الصارقيلا والقرموط وود الموية وقتنا عليها
كانت نايمة عجال البحر حارساها
كا نت نايمة بين حجرين
وضل ساسوية وعمال الطمي
الصحونا خابرين الدروب لمّو حصى البحر قسموهو
يات من كان سبع جمرات دابي الخشش قال ادوها
في الجمرات تلات سبعات
قلنا ادوها في في الجمرات تلات سبعات
مسكنا دربنا وعمال الطمي مرقوبنا في مشرع مسارب الضي
لقينا الدنيا تترجانا قوقى القمري خوّى صغيرو وعوّى حدي
وعمال الطمي الصحونا لمّو على البعرفو الصي
حصى القيزان دوابي الدارقة والسحلية والناس التحت
خابرين عمايلاليانكي
قولن للاخلا ديارو
دمك فرهد في نارو
غورّ في الارض طارو صقرين
اولاد الارض ما طاروا
لحمي غطى بن عمي شو صار حالو يا امي
منديل العرض في بيت الدين دمي ما يخلي دمي
انا من دير يسن صرنا في جزر التين
عم نسقي بعض حب الزيتون
بدو يرجع للطين صابرا تحت الدورية
صابرة تحت الدورية .. صابرة فوق الدورية
يا حالة ضد لحم الطفلين نابت غصن الحرية جزري مو في شاتيلا
ما قال حالي يا ويلا احنا في الارض
ارض فلسطين يا امي
هيلا هيلا
قوقي القمري خوّا القي وعوّا حدي
وكنا جماعة دابات الارض والسايمة وعوامة البحر والطير
وحتى الغيمة دفاقة المطر فوق راسنا شايفة الدرب
دريب اليانكي لا يودرنا قال الدابي للضليلة خليك صاحية
زوغ اليانكي لايودرنا
قال الدابي ان يغباها ما بيغباني
ولما الشم مودع غاربة وصّت جملة الصقار عيونن كاربة
ابقو الف بفوت للمتلكم ناهدين
وفوق دينن عريبا غادي
قال السحلي لا تغشوهو دول عربان توابع اليانكي
قال الجمعي لا نغشاهو دول عربان توابع اليانكي
وخلوها العريب الغايبة السراق طليقو معاهو
تيجانا عروشها الخروع الهش العويش النار تعلق فوق عقال العرش
ولا خسانا بي هادي العروش الغربة
يا ابو السرة لا عقام مسكنا دربنا وعمال الطمي الصحوها
خابرين الدروب
مرقوببنا من وادي الضلمة الكان عقب لمينا في باقي الجمع قاصين دريب اليانكي
شمور الضيب في الكنغو وخبرا من جنوب امريكا ومن كلهاري ديبا ضاري
والتمساح وليد امزون ونمرا في النمور كمبودي ونمرة خلا الله مكسيكية
ولما لميمنا والشمس البتوقد فوقنا شد شديدنا التمثال مشيل روقنا وعالم حر
يدوعل فوقنا لي يوم فوقنا نبزغ فيهو في عينيهو جر واسوقنا

يا شمس طلي طلي
شاوري على بيتي دلي
كيال الكيل ختياري مات
ظلي عم يحرس ظلي
عادل على خيي ميلي خيي لا يحمل شملي
ما خف الشمل تاني المرات ما كل الرصاص شيلي
عيني في الفيل ما ظله
كلنا ندريه ما نضله
يا ويل الويل نرمي الجمرات
عدّي المستشهد كله
عدي المستشهد كل