علي الظنحاني -نبطي

حيا الله الأخت نادية.




مر على بالي موضوع المسابقة من فترة قصيرة و هي الفكرة مش بعيدة عن مسابقات الشعر ( و لو نعلن عن المسابقة عن طريق الايميلات الخاصة للأعضاء راح يكون أفضل). ومنها إن شاء الله بصير التفاعل من بين جميع الأعضاء و الشعراء حتى لو كانوا مبتدئين. ومن خلالها راح تكتشف أفلام جديدة في مجالــ الشعر ان شاء الله.

طريقة المسابقة:

مش بعيدة مثل ما قلت عن أي مسابقة للشعر ، و بالتعاون راح نكون أفضل ان شاء الله.
بداية لازم يكون للمسابقة لجنة عليا تحكم على القصيدة لكل شاعر مشارك ، ولو يكون طلب القصيدة أو موضوع القصيدة من طرف لجنة التحكيم وتكون مثلا معدودة الأبيات كمثال 10 أبيات لا أكثر ،وفترة بسيطة يكون التقييم عليها من اللجنة المحددة .لو أول قصيدة حابين إنها تكون حرة من المشارك ما في مشكلة ،و القصايد القادمة تكون مواضيعها من قبل اللجنة المقيمة للقصيدة ، مثلا طلب من اللجنة من المشارك أن يكتب في موضوع التراث أو المرأة أو موضوع ديني...الخ و اللجنة الموقرة هي اللي تقيم القصيدة في وزنها أو ابتكاراتها أو صورها الشعرية....الخ.
و طبها اللجنة الموقرة هي اللي تقيم القصيدة وتؤهلها إلى المراحل المتقدمة.

طبعا الإلقاء يلعب دور مهم في جمالية القصيدة ، اللي أعتقد إننا راح نفتقده.
من ضمن مراحل المسابقة طبعا أكيد راح تكون فقرة للمجاراة من قبل أبيات يتم طرحها من اللجنة ان كانت بالفصيح أو النبطي ، أي يتم مجاراتها في فترة وجيزة، وإذا اللجنة حابه تضيف أي فن آخر للمسابقة من فنون الشعر راح يكون أفضل.

موقع العروض الرقمي مليء بالعلم اللامحدود، خلونا نحاول ننشر هالعلم لمجالــ أوسع ، واذا حابين انها تكون المسابقة رمضانية لقرب شهر رمضان الكريم ، بيكون أحلى و أجمل.
يا إخواني إذا عندي أي إضافات أكثر راح أنوركم فيها ان شاء الله ، واللي عنده إضافات أكثر و أكثر يزيدنا لاهنتوا، وبخصوص الجوائز إذا حابين إنها تكون عضوية مميزة للشاعر الفائز بحيث نفتح باب الاستفادة للجميع.


أخوكم ،، علي الظنحاني ،،