قصائد وبحور (نبطي)

على بحر المسحوب


ناديه حسين

ياحْسين وان دارت رحا البين ياحسين
والشمس غابت والقمر مالقاها

واعتم زماني من فراق المحبين
والنفس ضاقت ما لقت مبتغاها

اعرف اردّ الوقت والعن ثوى البين
وآروح لارْواح ٍ تبيني واباها

روحٍ غلاها سار وسط الشراين
روحٍ تبيني صدْق اقعد معاها

روحٍ جميله وردةٍ في البساتين
تنثر هواها عطرتني بشذاها

روحٍ تقل نور الصبح ليلة اثنين
الخير فيها لين يلفي مساها

روحٍ كما نسمة صبا بين اثنين
بين الخمايل لا عواذل وراها

ياحسين ارجع للزمن قبل عامين
يوم اخْسفت شمس الضحى في سماها


قالو وعادو زادو الْماء على الطين
والله حماني وانكتب لي صفاها

اما المرزز مع بقايا البزارين
تدري جزاته اكتحل من غثاها

جعل الكدر لهل الكدر عشرة سْنين
ناسٍ تنقّل من صماها لعماها

وصرت انا فوق السحب ناديه حسين
اللي عرفها النور واصبح معاها

شعشع شعاها شمس رغم الملاعين
اللي ابتلتني والله عني خذاها

وسلامتكم