قصيدة اموت فيها على المسحوب
الونه
للأمير الشاعر الجميل خالد الفيصل
اونّ وريـاح الليـالـي تـونّـي
و البرد في جوفٍ كما الغار خاوي
ما كنّ لي قلب ٍ ولا عقل كنّـي
جذعٍ وقف في وجه الأيـام ذاوي
وبي عبـرةٍ محبوسـةٍ تمتحنّي
في عيني وْحلقي و صدري شكاوي
وبي من قديم الوقت جرحٍ مكنّـي
وبي من جديد أيام وقتي مكاوي
ان قلت زانت خالف الوقت ظنّـي
و أن قلت هانت عاجلتني بـلاوي
اجـامـل ايــامي ولا جاملـنّـي
هامت بي الدنيا هيام الخلاوي
الوقت جاير والليالي اسهرني
والحزن مابين الضلوع امتلاوي
اون وكلٍ يحسب اني اغني
عليل و كلٍ يحسب أنّـي مـداوي
وسلامتكم
المفضلات