بحر الشيباني

[((إباء العرب))]

القصيدة هي للشاعر الراحل
طلال الرشيد

وهذه بعض من اجمل قصائده

بعــض أحـــوال
أنا مقدر أكون .. اني حبيب في بعض أحوال
أنا كلي أجي .. والا أروح بعزتي .. كلي
تخيرت الفراق وما دريت إن الفراق وصال
أقول اني نسيتك بس مدري كيف تاصل لي
خذاني لك سؤال في عيونك و الجواب محال
خذاني منـــك دمع في عيوني مارضى ذلي
رحلت انت وتركت بداخلي طيفك و صبر طال
غدت ذكراك شمس ما تغيب و صورتك ظلي
حكيت و مالقيت من الحكي الا الـندم موّال
سكت ومت بالحسره ولا ادري وشهو احسن لي
أحبــــك كل ما فيني يحبك يا خلي البال

تخيلتك دواي و صرت جرحي الصعب يا خلّي
تعبت أرحل مع وجيه البشر بانساك بالترحال
و لا ادري وش يجيبك في وجيه الناس واهلّي

آخـــر حــب
كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب اني لقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعداجلس معي نحتريك

تعال شفني وانا استناك .. كم اشبهك
يطري علي ألف راي وراي واحتار فيك

اجي مكان الوعد والا اسبقه انطرك
والا اخذ الموعد اللي يحتريك واجيك

يااخر الحب ذقت الحب في اولك
ويااول الشوق اقصى الشوق ماينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وإن رمشت افقدك
واخاف افتح وتصبح حلم ولا التقيك

الـيــوم ذكــرى الـفـراق
اليوم ذكرى الفراق ومرت أول سنه ... اليوم لي عام متغرب وحيد وحزين

اليوم انا ضيف جرحي جيت بطمنه ... اني جمعت الدموع وجبت امانة امين

ما يجرح الصادق الا غدر من يامنه ... لا جت من احباب قلبك لا تلوم السنين

مليت من هالاماني دام هي مو ممكنه ... لاهي تحقق وانا ياسي بوجهي يبين

الوين انا وانت مثل الشمس والازمنه ... مع كل صبح يجددني لشمسك حنين

لا قلت احــبك .. احبـــك كنها دندنه ... او كنها وردةٍ مابين اصابع جنـيــــن

يا اجمل الـناس لك بين الملا هيمنه ... كثير غيرك ولكن مين مثلك وويـــــن

ياعــاذلي خذ عيوني يمكـــن تثمنه ... تشوف عيبه وانا اشوفه ملاك حسين

امس افترقنا وانا احسب مرت اول سنه ... يا طولها ليلة الفرقا سنة للهزيم

أموت من فرقاك
أموت من فرقاك وأموت بلقاك *** وأموت من جورك وأموت بحنانك

كلٍ قضاه يمــوت مرّه .. و يفداك *** و أنا أموت ألفين مرّه عـشــانك

أذكرك .. لا مني نسيت إني نسيتك *** أنـسـاك .. لامني ذكرت نسيانك

رضيت أنا بالهم لرضاك مرضاك *** و ارخصت لك قلبٍ جرحته وصانك

أجيك في صدري عتاب .. وابجفاك *** وأرجع ألوم الوقت و أقول خانك

أحب فيك ..احساسي إني بلا ماك *** في عز خوفي منك أحس بأمانك

عجزت أفرق بين وصلك وفرقاك *** ياللي عطيت الناس بيدك عنانك

مر تجيني لين أقول إني إيـاك *** و مر تروح بعيد و انسى أوانك

أقبل و تقفي واعتذر عن خطاياك *** و أقول ما عييت .. عيا زمانك

وإن خانتك دنياك أو خنت دنياك *** إرجع و تلقابي .. مكانك،مكانك