بعض أسماء شعراء الشعر الشعبي في سورية

[((إباء العرب))]

وجدتُ هذه القصائد للشاعر اللبناني طلال حيدر :

وهو شاعر لبناني غنت له فيروز عدداً من قصائده. أدرجه هنا لقرب اللهجتين السورية واللبنانية أولاً ولأن الشعر الشعبي في بلاد الشام يحمل سمات متقاربة .


مجعلك:

بلاد مقوّصة
--------
نمت
فتكروك ولد غفيان
قرّبوا منك يحاكوك
لقيو بحيرة مي
وجّك متل رجعة ولد
بعد الغياب
وجّك متل تلة
وعم تصرخ دياب
يا عمر
ما بيلحق يجي تيروح
وجّك
متل بيرق عزا
من بعيد عم يلوح
انت
بيت اهلي
ورد عم ارفعو
تسيّج الحقلي
انت بلاد مقوّصة
وعم تنقتل قبلي
انت
وهبّط يا منام
ووعيا متلي
واقف على سهل البقاع
ملثّم بشمله
بصرّخ
وصوتي ضايع
وقالوا الهوا قبلي
يا بيت اهلي
يا سطيحات الحمام
يا دعس عالي
فوق تلجات المنام




فتكروك ...اعتقدوا انك
يحاكوك ...يتكلمو معك
وجّك ....وجهك
مقوصة ...اطلق عليها النار

ثمة بسيطة حتى الثمالة ما
"شكرا لك":
*
مجعلك:
مشتاق
إيديّي غمر مفتوح متل النون
معجّل
متل جملة ما فيها سكون
ولا بنهدى
والوقت ما عنده وقت ينطر حدا
يمكن أنا مجنون

هيّ ِ
متل شي خط بريشة قصب
وهوّ ِ
متل حرف العرب
مرفوع بالضمة

منصوب بالفتحة
وبالفتحة هرب

بس يكتروا ببالُه
بيصير واو ونون
وبس يسكن بحاله
بيصير همزه
أو بيصير سكون

قرآن مفتوح بهدا
متل المصلاّية
نقّوا شي سوره هينه
تنبلش قرايه

وعبله على ضهر الفرس
حلوه متل آيه

كل الحروف منكسّه
إلا الألف رايِه
ألله شو حلوه الألف
بس تنحكى حكايه

سبعه لغات العرب
عندي مخباية
ع كتر ما القوس انحنى
صار السهم غايه
هـ الأرض
اسوارة دهب
زينه مضوايه

جبلي بطريقك حلق
إدني.. معرّايه

وصيت صايغ حلب
قللي الحلق جايي
وضاعت
يا مين يلاقيا
وياخد هـ المرايه


جـــفرا:

قلو للقصب ميبوح للسر الل بعروقي


ياراعي القصب :-?


ضوء:
ع كتر ما القوس انحنى
صار السهم غايه

ع كتر ما القوس انحنى
صار السهم غايه

وحدن- غناء فيروز

وحدن بيبقو متل زهر البيلسان وحدهن بيقطفو وراق الزمان

بيسكرو الغابي بيضلهن متل الشتي يدقوا على بوابي على بوابي

يا زمان يا عشب داشر فوق هالحيطان ضويت ورد الليل عكتابي

برج الحمام مسور و عالي هج الحمام بقيت لحالي لحالي

يا ناطرين التلج ما عاد بدكن ترجعو صرخ عليهن بالشتي يا ديب بلكي بيسمعو

وحدن بيبقو متل هالغيم العتيق وحدهن وجوهن و عتم الطريق

عم يقطعوا الغابي و بإيدهن متل الشتي يدقوا البكي و هني على بوابي

يا زمان من عمر فيي العشب عالحيطان من قبل ما صار الشجر عالي

ضوي قناديل و أنطر صحابي مرقو فلو بقيت عبابي لحالي

يا رايحين و التلج ما عاد بدكن ترجعو صرخ عليهن بالشتي يا ديب بلكي بيسمعو

يقول الشاعر:
لئن ساءني أن نلتني بمذمة
فقد سرني أني خطرت ببالك

وقعت مصادفة على المنشور آنف الذكر، ولذا وجدت من واجبي أن أرد أصالة عن نفسي، ونيابة عن الكثير ممن أعرفهم ممن وردت أسماؤهم أعلاه.
وقبل الإجابة، اسمحوا لي أن أسأل:
- هل نحن أمام محاكم تفتيش جديدة؟!؟
- هل يجب أن تقرؤوا أنتم بالذات للشاعر كي يستحق لقب شاعر؟
- هل بحثتم عن شعر الشعراء المذكورين ولم تجدوا؟
علما أن جمعية شعراء الزجل، وعدد ليس بالقليل منهم أعضاء في الجمعية، هي المخولة بفحص الشعراء الشعبيين وليس أي جهة أخرى (بضم الهمزة).

أما ردي فهو: إن كان الأنترنت هو شهادة الآجازة للشعراء فذلك يعني أنكم مبهورين بما لا يؤخذ عنه، ومع ذلك أتمنى أن يأتي يوم يسهم فيه العرب بلغتهم بما يستحقه موقعهم وعلمهم وثقافتهم في الثقافات العالمية. لكن وكما نعلم جميعا أننا ما زلنا نعاني من الأمية، فما بالك بالأمية الالكترونية.
على كل حال آلاف الشعراء يأتون ويذهبون، والشعر يبقى هو الديوان الذي لم يتخل عنه العرب. وإن كان بضاعة السوء، وأنزله شعراء السوء إلى مستوى السوق. وإن كنتم تريدون أن نثبت لكم أننا شعراء، فبإحدى اثنتين:
1- المنازلة، أو المنافرة.
2- أو تطلبون منا نشر قصائدنا لديكم.
هل يكفي هذا لنكون شعراء؟؟؟
لكم مني جزيل المحبة والشكر
وتقبلوا فائق الاحترام من:
داود أبو شقرة