هلا اختي عذاري
مايحتاج مدرسين انتي مدْرسه
وتقطيعك ممتاز
وهذي مجموعة بحور
همساتي
همســـــــــــــــــــــــات وبحور
مسحوب
توته
طير القمر لو يلبس برجل خلخال
تسمع صدى الأجراس شنّه ورنّه
يازين توته لامشت والهوى مال
تمشي الهوينه كنّها نور جنّه
يازين هاك الفم ياقوت يامال
مال الرضي مال الذي به محنّه
وسلامتكم
شيباني
الوفا
يضل الهاجر القاسي يغل بمهجة المهجور
ويبقى الحزن في الآخر عذاب يشل تفكيري
ومره اتخيلك ذاكر ومره اقول يامغرور
نسيت الحب والعشره وتنكر حبي وخيري
ومره تخونني الفكره واقول الخافقي معذور
ومره تصيب وعشره تخيب و تتبعثر معاذيري
يطير الطير في العالي ويرجع ثاني العصفور
ومازال الوفا موجود اكيد تعود ياطيري
وسلامتكم
ممتد
كرهتك
ليت يوم الهوى لدروبي وداك
قمت عنك وكنّي ماسمعتك
ليت قلبي هرب من ساعة القاك
ليت صدّيت عن وجهك وهنتك
وسلامتكم
هجيني
للعيون السود
كتبت كل ّ القصايد والحبر اسود
حزني كبر في غيابك والوله أعود
عشقك كبر وسط قلبي شوق يتجدد
دمع الوله انتثر فرقا العيون السود
وسلامتكم
شيباني
عيون الشر
عسى من لامني ولامك يلاقيها فـي ايامه
عسى من ضامني وضامك يلاقي كل اسقامي
قلوب احقادها تظهر عيون الشـر ذمّامـه
تشوف الحب تحسدنا ويموت الحلم قدامـي
ذبحني الهم من بعدك وجسمي طاح بأسقامه
عسى مايجيك ماجاني عسى ماتذوق الامـي
وسلامتكم
شيباني
وتسأل
وتسأل كيفها ايامي ووش سويـت بغيابـك
وحالي يابعد حالي مثل حالتك مـن دونـي
جبرني وقتي اتغرب وقلبي واقـف ببابـك
وافكر فيك وااتمنى وطيفك ساكن عيونـي
اشم الورد في خدّك وانا ارشف شهد عنّابك
والاقي الطيف يحضني جنونه يشبه جنوني
وسلامتكم
صخري
فلا تحلم
عسى اللي باعنـي مايشترينـي
ولو جاني بيحرجنـي وبصـدّه
وقل له : لو تشيب رموش عيني
من فراقـك فـلا تحلـم بـردّه
وسلامتكم
صخري
تروح الروح
تروح الروح تحسبني مع الناس
وانا قد مت وراحت مني روحي
جسد شامخ وواقف رافع الراس
وقلبي قد وقف ماكنت توحي
وسلامتكم
رمل
يالله الحقني
يالله الحقني تعال
ننثر المعني عطر
نسكن بروج الخيال
ننظم زهوره شعر
ماعلينا باللي راح
دام ينطرنا عمر
انتهي وقت الجراح
باقي نفرح ياقمر
مافي بالدنيا محال
دام نقدر نستمر
وسلامتكم
بسيط
أكبر من الحب
اكبر من الحبّ لكـن لكـن ولكـن
مليون لكن تجي وتخربط الصـوره
لولا المحبه ولو ماكنت بي ساكـن
ماكان حلم الهوى شيّدلنا قصـوره
مليون شرفة غزل فيها القمر داكن
وبكل شرفـه خميلـة ود مبتـوره
اكبر من الحب لكن احـذر تراهـن
روح بطريقك غيابك الغي الاسطوره
وسلامتكم
صخري
اذا كشر
اذا كشّر زمانك هدّ نابه
وما نيل المطالب بالتمني
وسلامتكم
شيباني
يمسافر
جريئ ومايهمك شي وتفرض ع البحـر ذاتـك
تحب تعانق الموجـه وتغصبهـا تطيعـك أمـر
بقولك كلمة يامسافر ترى ركب العشق فاتـك
وبحر العشق متوتر مابين الحب مـد ّو جـزر
وهذي حروفي احرقها وكلّه مـن حماقاتـك
وصرت اجمع و احسبها واعد سطور باقي العمر
ابمشي واثقه بنفسـي ولاهمتنـي مـن جاتـك
انا ادري بغيبتي مغتاظ مت اليـوم حـرّو قهـر
وليتـك كنـت تحسبهـا قبـل جيـة نهاياتـك
وكنت اليوم متهني تغوص وتجني خيـر البحـر
وسلامتكم
رمل
ببتسم
ببتسم للحب والشوق وبريقـه
واعتقد إني شديـده والحقيقـه
الحقيقـه مابقـى إلا دقيـقـه
لحظة(ن) وآطيح من كثر الحنين
وسلامتكم
هزج
شعوري
صراحه اكره عيونـك
وكيف اقدر اجي يمك
اشوفك كنّـك الجنـي
واشوف الحيّه في كمك
ولابي لمسة كفوفـك
وليه تغصبني اضمـك
ولابي شوفة عيونـك
شعوري صوبك اتحول
وسلامتكم
ممتد
إمّا
اما ترجع مثل محنا عرفناك
راعي الأوله فارس زمانك
والا ارحل وخذ اطياف ذكراك
وش ابي بك اذا بفقد حنانك
وسلامتكم
بسيط
معقوله!
معقول أعشق بعدماقلت هوّنت
معقول أرجع واصالح فيك كوني
والقاك ساكن خيالي وين ماكنت
واصير منّك وماتحيا بدوني
اناحمد الله على ايدك تجننت
واناحمد الله تجننت بجنوني
وسلامتكم
مجزوء الرجز
همس الشجون
وش قيمة الرمش الفتون
والكحل الاسود ع الجفون
وش قيمة الثوب الحرير
والعين ماتشوف العيون
اوآه ياهمس الشجون
وش عاد لو زاد الجنون
واهواه واهرب من لقاه
فدوه لهله واهلي اكون
وسلامتكم
هزج
ياتاركني
ياتاركني في عز البـرد
تحت الثلج ناسينـي
وتوعدني بعمري الجي
تلاقيني وتدفيني !
ياروحي مابي منك شـي
ياليتـك بـس تعفينـي
وخلينا نكـون اخوان
لاتقولـي : أحبيـنـي
وسلامتكم
صخري
همسة رقص الزار
على النيات يانود العوالي
علومي مابها شكّه وريبه
عريبة جد واعمام وخوالي
على الهقوات من يهقا صعيبه!
كفاني الله من شر اليالي
و نكبات الزمن هذاوغيبه
وسلامتكم
ولي عودة اخرى ان شاء الله
ودمتي بود
المفضلات