صباح الامطار والاشعار
تسلم يالحسين وهذا من ذوقك وياليت تنزل لنا من شيبانياتك ونستمتع على الشيباني
وهذي بعض من شيبانياتي
هلا بك
هلا بك كثر ماعينـي تحّـرت رجعـة الغيـاب
هلا بك كثر ماهلت دموع الشوق مـن عينـي
هتف قلبي يهلّي بـك وبعيوني بقايا عتاب
دخيلـك لاتـروح بعيـد دخيلـك لاتخليـنـي
جمعنا الوقت بالصدفة معا ك وصرنا لك أصحاب
ولا اسمح لـك تفارقنـي وتتعبنـي وتبكّينـي
دخيلك لاتخلي (أشواق) صفحه حايـره بكتـاب
كفاني من عنا بعدك كرهـت الحـزن بسنينـي
تمنيتـك بأيامـي اغانـي مـن فرح تنسـاب
تمنيتك في عز البـرد دفـا يسكـن شرايينـي
كرهت ألقاك بدموعي و احن لراحة الاعصـاب
تمنيتـك تمنيتـك بكـل سـاعـه تلاقيـنـي
أنا كلي علي بعضي قصيده من ولـه وعتاب
ومن غيرك قرا حرفي ومن يعرف دواوينـي ؟
عسى حكي القلم يقدر يرجّع بسمـة الاحبـاب
وتنسى قصـة الترحـال وبرجوعـك تهنينـي
وسلامتكم
وهذي بعد
لو انساهم
انا ان جيت ابنساهم الاقي الطيف وسط الـروح
بيتعطر من اشواقي و يجى في الحلـم يلقانـي
انا لو قلت مابيهـم يكذبنـي حـزن مفضـوح
حسافه ماقدرت انساه وهـو ياشـوق ينسانـي
اشوفه في عيون الناس والخاطر غدى مجروح
اصدق وهم في حبـه واكـذب نـاس تبغانـي
احاسيسه خلاويه واحاسيسـي بعشقـه تنـوح
ياويلي ياضنا حالي مـن اشواقـي وحرمانـي
انادي له وارسل له يرد الصوت لـي مبحـوح
ولايرحـم شقـا حالـي ولاهمـه بأشجـانـي
الا يالله صبرنـي اشوفـه جـي وويـن اروح
اغمّض عين وافتحها الاقي الطيـف باعيانـي
انا ان جيت ابي اخفي غرامي للمـلا مشـروح
انا لـو جيـت اتكلـم بأسمـه يغلـط لسانـي
ولو المح طرف ثوبه تلاقي الشوق مني يفـوح
يشمّه من قرا شعري ويعـرف وش بوجدانـي
رهنت الروح لعيونه ومالي بغيره أي مصلوح
رهنت القلب لسجونه وصـار الحـب سجّانـي
ابصبر ع الألم والهم الين يـرد فينـي الـروح
واكيـد يعـود يذكرنـي لانـه كـان يهوانـي
وسلامتكم
وهذي بعد
ودمت بود
المفضلات