بحر الهجيني وجميع صورة

هلا والله بالاساتذة

تعالوا نقطع الشك باليقين ونبحث في تراثنا عن امثلة
هذي قصيدة من بحر الهزج وفيها بعض الاشطر المخرومة ولكنها لم تخرج عن ايقاعه لشاعر نجد محمد القاضي
ملاحظة: رقمت الاشطر المخرومة

غريمٍ بالهوى روحي
على طفلٍ قطف روحي
عبير المسك خناته
وريحٍ فاح به روحي

روحي راح برياحي (1)
كففت الدمع برياحي
وهب الهجر برياحي
ليفشي سر منضوحي

منضوحي عليه النوح (2)
فقدت العز هو والنوح
ودمعي لو يدشه نوح
ظهر غرق على لوحِ

على من كان فضاحي
بحسنه طاف وضاحي
ظبيٍ من ظبا الضاحي (3)
عليخ أهرف بلا روحِ

اموت وليت بالراحه
وفركت الكف بالراحه
قال الوصل والراحه (4)
على الراحات ياروحي

روحي منه يا صاحِ (5)
اذابت قلبي الصاحي
ولا طاوعت نصاحي
و سمعي فيك ما يوحي

يوحي لك ويصحي لك (6)
وقد عينت نصحي لك
الا يا شوق ماحيلك
يمن خليت مطروحي

مطروحٍ طرق واطرق (7)
بطرفه جادني مطرق
وبقى بالمطّرق مطرق
يمره كل مشفوحِ

مشفوحٍ على خله (8)
وعقله بان به خلّه
على السادات والخله
صفقه الجال والصوحِ

صوح الشوق لي ظامي (9)
وروض الحال وعظامي
الا مافيك للظامي
نقد من طاح مجروحِ


الان اسمحوا لي بان اكتب بيت لكل واحد وانا اعني ما اقول....

اقول للاستاذ محمد...
ما جيت ادوّر بالمناقش جدل
جيتك اقود الناقة الغادية

وللاستاذ نادية....
تفتح لنا شبّاك نور الامل
لبّ النداء لا جاك من نادية

واقول للاستاذ خشان.....
معقول نفصل بين فرع وأصل
اصل الحكي نابع من البادية