ارحلـي دامكْ نويتي ترحلين
واتـركيني في معاناة السّهر
واتـركـيني للّيالي و السّنين
ألّـي مثـلي كـــمْ تعوَّدْ ينتظرْ
اسمعيني كان ودّكْ تسمعين
كلمتيــنْ بخاطري قبل السّفر
حبّكْ بقلبــي ترى لو كان فيه
باقيٍ وياي لو غبتـــــــي دهر
واذكرينـي كان قصدكْ تبعـدين
واذكري قلبًا لي بعـدكْ ما صبر
العيون تقول والقلب الحزيــــن
مـانــا بلاّ ذكريـــاتكْ و الصّــــور
***
ودّعــي ياعيني قلبكْ و الحنين
ما يفيــــد الدّمعِ اذا حـكْم القدر
واصبري ولّي نْكتبْ على الجبين
لازم نشوفَهْ على مرّ العمــــــــر
كم تمنّيتكْ بحالي تشفقـــــــين
مانْتظر منّكْ ولو لمحةْ نظـــــــــر
ارجعي خلّي اللّيالي تستبيـــن
لا تخلّينــــي على نار القهـــــــر
ارحلــــي دامكْ نويتي ترحلــــين
واتركيني في معاناة السّهـــــــــر
|
المفضلات