الصناديق - حسام بن عبدالله

[حسام بن عبدالله]

السلام عليكم


هذى قصيّدة اتمنا تعجبكم




اثر الرسايل كللها فالصناديق
ياللى توصّينى وتنْسا الوصيية

لا تتركينى يا هنا فالضّواييق
انا بدونك ارض مالى هويية

دولة وفى دولة حزن داْخل بْقيق
دولة بدونك دولتن جرهديية

همّى كبيرن داخلى كنّة طْويق
فلا تقطّعنى شظية شظيية

الاددمى مايتعبة كثرة الضيق
الا يكود الدمعة الهاشميية

والمعرفة والحظ لك بالتتوافيق
اطلب توافيقك من الْلة عطيية

وانا حضوضى منْنها مقْدر اْفيق
معك حضوضى حكمت الكون ليية

وليا طرا طارية جهْهز لى ابْريق
ومل الدلال الصفْر هيْلن مليية

صوتة يصوت الطير يا حالى الْريق
قلبى على شانك لعب سامريية

لببا عيونن خص لا صارة تْويق
ام اللثام الليلكى النديية

ياما على بابك نشدْة الطواريق
كنى على ما قيل عقْلة شويية

اكتب معاريضى وانا مقْدر اْطيق
وانا عيونى موتها فى مجيية

من هالزمن ياما لحقنى ملاحيق
الشيب منها بان فى حاجبيية

والقلب لا مات الهوا وش لة يْفيق
دام المحببة فى حياتى خليية

وانا سنينى مالها شخص ورْفيق
انا سنينى سيرها ملحمية

كم لى اضيق مْن الْغدر و التلافيق
كم لى اسامح نفْس دايم رديية

ولا يفرج كربتى والمخاليق
الاالمجيب اللى رفع لة يديية

انا معك كنى بلا همّ وسْريق
فلا توققضنى فديتك وعفية


وسلامتكم

[ناديه حسين]

صح لسانك استاذ حسام

قصيده حلوة ولاهنت

عندك الواو اللي بين فديك و عفيه تكسر الوزن شيلها


فلا توققضنى فديتك وعفية

تصير فديتك عفية

ودمت بخير

[حسام بن عبدالله]

صح لسانك استاذ حسام

قصيده حلوة ولاهنت

عندك الواو اللي بين فديك و عفيه تكسر الوزن شيلها



تصير فديتك عفية

ودمت بخير


هلا استاذتى نادية

فلا توق قض نى فدي تك وعف ية
3 3 2 2 3 2 3 2

هذى تقطيعهاا

فدي تك عف ية (كذا تقصدين


انا قطعة الشطر حسب نطقى لة ولهجتى



منسجم اللحن مع التقطيع معى

اللى عندة اضافة يطرحها عشان نستفيد من ارائكم يا اساتذة و شعرا

تحياتى

[ناديه حسين]

اخوي حسام المسأله ماهي مسألة لهجة

المسألة مسألة قافيه

الحين انت قافيتك ياء مشددة + هاء

وصيّه = وصي يه

يديّه = يدي يه

عفيّه = عفيّ يه

كيف حصل الانسجام والقافية كما تقول انك نطقتها وعف يه

من الاول كانت غلطتك زيادة حرف الواو ولما وضحت

اصبح خطأ قافية لايغتفر

والحل

تحذف الواو وتصير قافيتك طيبه ويصير انسجام حقيقي

فديتك عفيه = فدي3 تك2 عفي3 يه2

ودمت بخير

[حسام بن عبدالله]

اخوي حسام المسأله ماهي مسألة لهجة

المسألة مسألة قافيه

الحين انت قافيتك ياء مشددة + هاء

وصيّه = وصي يه

يديّه = يدي يه

عفيّه = عفيّ يه

كيف حصل الانسجام والقافية كما تقول انك نطقتها وعف يه

من الاول كانت غلطتك زيادة حرف الواو ولما وضحت

اصبح خطأ قافية لايغتفر

والحل

تحذف الواو وتصير قافيتك طيبه ويصير انسجام حقيقي

فديتك عفيه = فدي3 تك2 عفي3 يه2

ودمت بخير




اهلاً وسهلاً استاذتى نادية






هناء سؤال تحتة كثير من اللغط



هل يجوز فى فى القافية المشددة كسر التشديد (نبطيا) ؟ ام لا


تحياتى للجميع

[ناديه حسين]

اهلاً وسهلاً استاذتى نادية






هناء سؤال تحتة كثير من اللغط



هل يجوز فى فى القافية المشددة كسر التشديد (نبطيا) ؟ ام لا


تحياتى للجميع

هلا اخوي حسام

وصباح الخير

يوجد لغط حول القافية ومدري ليش مع ان موضوع القافية واضح وضوح الشمس واكثر اللغط في الشده الاخيره في هذه القوافي


سفره
سهره
زهره
مرّه



وش تلاحظ

صح شده لكن ماتأثر ابد .. مع ان بعض الناس ممكن يتفلسفون ويقولون خطأ وهم الخطأ


طبعا لايجوز كسر التشديد او تغيير حروف القافيه كما في قصيدتك اللي كل ابياتها على قافية (ييه )تجي في البيت الاخير تطلع عن القافيه فجأه وتخليها (ف يه )

والقافية ماتطرقت لها بالدروس لانها في نظري تأتي بالسليقة ومايحتاج لها درس لكن ان شاء الله الاقي وقت واضيفلكم دروس للقافية

ودمت بخير

[حسام بن عبدالله]

هلا اخوي حسام

وصباح الخير

يوجد لغط حول القافية ومدري ليش مع ان موضوع القافية واضح وضوح الشمس واكثر اللغط في الشده الاخيره في هذه القوافي


سفره
سهره
زهره
مرّه



وش تلاحظ

صح شده لكن ماتأثر ابد .. مع ان بعض الناس ممكن يتفلسفون ويقولون خطأ وهم الخطأ


طبعا لايجوز كسر التشديد او تغيير حروف القافيه كما في قصيدتك اللي كل ابياتها على قافية (ييه )تجي في البيت الاخير تطلع عن القافيه فجأه وتخليها (ف يه )

والقافية ماتطرقت لها بالدروس لانها في نظري تأتي بالسليقة ومايحتاج لها درس لكن ان شاء الله الاقي وقت واضيفلكم دروس للقافية

ودمت بخير





اهلا وسهلا استاذتى



كلامك صحيح واسف على خطئى الشنيع على قولتك حطمتينى :(

خخخ



لكن اذا صح كلامك فية قصيدة مشهور ل سالم بن جخير مشهورة ويتحدا النقد خخخ لكن حنا لة بالمرصاد

الولا لله ومن بعده ولانا= للرجال اللي لهم مذهب ومله

والرجا باللي له نوجه رجانا= الإلـه اللي يظللنا بظله

عَزّنا وارهى علينا واصطفانا= لين قمنا نعقد الحبل ونحله

ياقصيدي لازهمتك لاتوانا= وكل شيٍ زين لامن جا بحله

فز لامنه غشانا ماغشانا= والغزل خله ليامن قلت خله

ابغي راع النقد لامنه قرانا = يبصم بعشره علىصدر المجله

والله اني مانسجم ولااتهانا= كون لاشفت الوجيه المسفهله

والردي مانيب وياه انتدانا= اترفـّع عن مناهيجه ودله

ودعوة الطيب ليامنه دعانا = من غلاه وحشمته ناتي محله

مانشكك في غلاه وفي غلانا= بين عز وبين كيف وبين فله

ان تغيبنا حظر عنا نبانا= وان حظرنا كيفنا فنجال دله

وان حدانا الوقت ولا ماحدانا= ماخلقنا للهوان وللمذله

من عوايدنا مانطعن فخويانا= ندمح الزله ولا ناتي بزله

لابدا اللازم يكفـّينا حدانا = ويعتبر لابه ودوله مستقله

ولا بغت بنت الشرف تبحث خفانا = وقفت قدامنا والشعر هله

انفحي يابنت وانتي في ذرانا= واعتزي ويصيبنا خفه وخله

اعتزي فينا ونبطش في اعدانا= وسعد من حن فالملاقى عزوةٍ له

يوم جا مندوب راكان ونخانا= جاوا ربعي وابطشو ا في كل حله

لاح برق العز فالصلب وشعانا = وامطرت غر المزون المستهله

من قلاعتنا ومن طيب اعقدانا= لابغينا الشي لازم نستحله

اننا قومٌ اذا دارت رحانا= تطحن اللي ماانطحن دقه وجله

ماخلق منهو يلحـّقنا مدانا= رسخوها فالعقول وفالسجله

هاكذا فزعاتنا تسبق اخطانا= وكل يامي لازهمته جاك كله


القصيدة حلوة اسمها بنت الشرف وصح لسان شاعر يام شاعر الجزالة (:ه:

لكن غلطة اذا كانت تسمى غلطة تكون مش مقصودة منة شاعر كبير


مشكور وتحياتى لكم رايكم يهمنى يا شعرا ويا اساتذة

تحياتى يا اساتذتى على جهدك معانا

[ناديه حسين]

هلا اخوي حسام


عزوةٍ له = صح

ليش

اكيد نطقها ..عز2 وتل3 له2

ودمت بخير

[حسام بن عبدالله]

هلا اخوي حسام


عزوةٍ له = صح

ليش

اكيد نطقها ..عز2 وتل3 له2

ودمت بخير







اهلين استاذة نادية

الاكيد انة

قال عز وتن لة

http://www.youtube.com/watch?v=ZAzwirMHD8U


دمتِ بخير

[عبد الخالق العمري]

صح السانك شاعرنا
وعجبني التناظر حول القصيد
ولو طبقنا النصيح ممكن تحلى ولحنها يزين
فمالمانع من التجريب...
ماشالله عليك رائع وربي
بإنتظار الجديد..

[ناديه حسين]

اسمعها عزوتلّه والتنوين قاله سريع خطفه خطف صح لسان الشاعر

استاذ حسام

هل انت لاحظت انه ماشدد حرف اللام

اسمعها من جديد وشدد معه

ودمت بخير

[حسام بن عبدالله]

اسمعها عزوتلّه والتنوين قاله سريع خطفه خطف صح لسان الشاعر

استاذ حسام

هل انت لاحظت انه ماشدد حرف اللام

اسمعها من جديد وشدد معه

ودمت بخير

هلا وغلا استاذتى نادية



هلا وغلا استاذتى


اى اسمع عز وتن لة وحاولة اسمعها زين

انتى بنفسك تقولين قال التنوين ولو قلنا ما قالة

بتسمعين عز وتل لة ( الاحظ ان الصوت تغير ) عز وتن لة ( نفس نطق الشاعر ) بدون تشديد اسمعها


عز وتل لة) من دون نطق التنوين حتى صوتها غريب عزوة الله عز وةل لة

انا رائى فالموضوع انة قال عزوتن لة بدون تشديد


النقاش معك استاذتى راقى كنى اكلم استاذة فالجامعة ما شاء الله عليك


عموما انتى محقة اكيد بامر التشديد بالقافية النبطية

وانا اخطيت والحلو نقاشك لى

الله يفتح علينا وعليكم ابوابة يارب


دمت بخير

[حسام بن عبدالله]

صح السانك شاعرنا
وعجبني التناظر حول القصيد
ولو طبقنا النصيح ممكن تحلى ولحنها يزين
فمالمانع من التجريب...
ماشالله عليك رائع وربي
بإنتظار الجديد..


صح بدنك استاذى وشاعرنا عبدالخالق

نصايح استاذتنا نادية درر وماتقول الا الزين الله يحفظها

شكرا لك

وتحياتى

[ياسر الياسر]

بسم الله الرحمن الرحيم
السلام عليكم ورحمة الله وبركاتة:
اساتذتنا الموقرين ناظمين وناقدين اما بعد:
مساءك زاهي باهي وماهي الا كلمة لصاحبها مردودة عليه صوابها وخطاها لكن بقولكم
بعد اذنكم مع اني لاارتقي صراحةً لمستواكم ولا لعلمكم ولا لنباكم اني قريت ماقلتوا
حرف حرف بحثً عن الفائدة من اناملكم وعلمكم
البيت الاول : طرق المسحوب المحبوب
انا معك كنى بلا همّ وسْريق
فلا توققضنى فديتك وعفية
في عجزة الواو لم تمشي معي بصدق رغم جمال الابيات
***
اما القصيدة فهي على بحر الرمل كذلك العجز لم يمشي معي رغم انه نطقها كما قال
من كتبها لنا الا ان العجز فيه خلل والله اعلم
اعتزي فينا ونبطش في اعدانا
وسعد من حن فالملاقى عزوةٍ له

انتم رموز ترددت كثيراً احترام لكم قبل طرح قولي لكن وجدت من الامانة ان انقل
لكم شعوري اكان صحيح او خطأ فلي شرف النطق بين ايديكم .
دمتوا بخير وسلام وكل عام وانتم بخير نبارك لكم شهركم الفضيل

:وح:1

[حسام بن عبدالله]

بسم الله الرحمن الرحيم
السلام عليكم ورحمة الله وبركاتة:
اساتذتنا الموقرين ناظمين وناقدين اما بعد:
مساءك زاهي باهي وماهي الا كلمة لصاحبها مردودة عليه صوابها وخطاها لكن بقولكم
بعد اذنكم مع اني لاارتقي صراحةً لمستواكم ولا لعلمكم ولا لنباكم اني قريت ماقلتوا
حرف حرف بحثً عن الفائدة من اناملكم وعلمكم
البيت الاول : طرق المسحوب المحبوب
انا معك كنى بلا همّ وسْريق
فلا توققضنى فديتك وعفية
في عجزة الواو لم تمشي معي بصدق رغم جمال الابيات
***
اما القصيدة فهي على بحر الرمل كذلك العجز لم يمشي معي رغم انه نطقها كما قال
من كتبها لنا الا ان العجز فيه خلل والله اعلم
اعتزي فينا ونبطش في اعدانا
وسعد من حن فالملاقى عزوةٍ له

انتم رموز ترددت كثيراً احترام لكم قبل طرح قولي لكن وجدت من الامانة ان انقل
لكم شعوري اكان صحيح او خطأ فلي شرف النطق بين ايديكم .
دمتوا بخير وسلام وكل عام وانتم بخير نبارك لكم شهركم الفضيل

:وح:1




اهلا وسهلا اخى ياسر

نسعد بك فالمنتدى وحياك الله


سعدة بردك والعجز صح فية خلل وطرحنا الامر للنقاش فى قصيدتى

اما قصيدة شاعر يام بن جخير انطرحت للنقاش وانا ما قلت انة نطقها عزو وتن لة من راسى موجودة القصيده بصوت راعيها والحكم على لابيات دائما النبطية يكون بالنطق ليس الكتابة
اتمنا تسمع بن جخير وتحكم صح ولا لا ياللامير

وشكراا وتحياتى

[ياسر الياسر]

حشاك يالغالي انك قلته من راسك جعل راسي فدوة راسك
بالحقيقة والواقع انت راقي وباقي على نهج العرب اصل وفصل وانا قلت بعد اذنك واعتذاري منك من كتبها لنا لم
اقصد شخص الفاضل انما شاعرها كتبها لنا هذا عزوتن له وهي واضح وضوح الشمس بنطقه وماانت الا امين
ناقل لم تنقص ولم تزيد ونعم الناقل والمتذوق انت لله درك هذا عذري رغم اني والله لم اقصد انك كتبتها خطا
حشى وحشى عن الف يمين يابن الغانمين اعادك الله علينا نافعن غير ضارن بارن معلمن لي ولغير ي

[حسام بن عبدالله]

حشاك يالغالي انك قلته من راسك جعل راسي فدوة راسك
بالحقيقة والواقع انت راقي وباقي على نهج العرب اصل وفصل وانا قلت بعد اذنك واعتذاري منك من كتبها لنا لم
اقصد شخص الفاضل انما شاعرها كتبها لنا هذا عزوتن له وهي واضح وضوح الشمس بنطقه وماانت الا امين
ناقل لم تنقص ولم تزيد ونعم الناقل والمتذوق انت لله درك هذا عذري رغم اني والله لم اقصد انك كتبتها خطا
حشى وحشى عن الف يمين يابن الغانمين اعادك الله علينا نافعن غير ضارن بارن معلمن لي ولغير ي


سرنى مرورك ولا داعى للاعتذار نحن اخوة والمسالة نقاش تطرح ماتريد

يسلم من رباك اخلاق ونعم فيك يياسر حسين الكلام حسين الاخلاق حسين الوجة بيض الله وجهك



تحياتى لك اخوى