المساعد الشخصي الرقمي

مشاهدة النسخة كاملة : قصائد وبحور (نبطي)


ناديه حسين
04-22-2009, 07:23 PM
بسم الله الرحمن الرحيم

اساتذتي الافاضل يسعدني ان ادرج قصائدي هنا

وارجوا ان تجدوا المتعة والفائده

على بحر الرجز




راجعه

الوزن 4 3 4 3 4 3 4 3 ه..........4 3 4 3 4 3 4 3


القاف ترقص للبحر رقص الرجز ترمي الوشاح

فلّت ضفايرها و تبي تنزل لقلبه و تسحره


والمعنى سارح في شعر شلال مثل الشمس طاح

يرسل نسايم من زهر برياض جدا مخضره


والقلب سامح مبتهج ترقص على نبضه الملاح

يعكس صور من ماسةٍ بألوان طيفٍ مبهره



ياسيّدي دامك هنا نسهر معك حتى الصباح

يحلى السهر ويّا الوتر والليل ساري وتخبره



ماخذ معه حزن الليالي من بقايا أمس راح

ماخذ معه صمت الحزينه الخايفه من آخره


بحزم متاعي و راجعه يمّ الأمل لي مستراح

صدر الأمل مابه حزن به الف ليله مقمره


بفرد جناحي وراجعه ويّا الطيور اطوي الرياح

من يعذل طيور(ن) سرت يمّ الربوع المخضره


بين السما وبين العيون اللي هواها سحر لاح

به الف قصة وبينها العفْو عند المقدره


وسلامتكم

البيت الأول

ال قا فترْ قصْ للْ بحرْ رق صرْ رجز تر مل وشا حْ

فلْ لتْ ضفا يرْ هوْ تبي تنْ زلْ لقلْ ب و تسْ حرهْـ





وارجو لكم المتعه والفائده

دمتم بخير
ناديه حسين
04-22-2009, 07:27 PM
مربوعة على بحر البسيط

4 3 2 3 4 3 4


الحب


الحب شوق ووله وآهات مغبونه

واحساس حزن والم بقلوب مفتونه

تلقى المجنن على الاطلال يبكونه

وكل(ن) يقل لك حكايه عن بقاياانسان



والشوق ويل وسهر ودموع سكّابه

وان غاب خلك تروح تدقدق ابوابه

مير المصيبه اذا كل واحد بلابه

تموت ليلى وقيس يْنبّش الكثبان



والويل ويلاه ياويلي وويلي آه

كلن بهمه سرى عاتب على دنياه

وويل قلبي على اللي صرت اناليلاه

بيعيش في دنيته هايم مدى الأزمان


ال2 حب2 بشو3 قو2 وله3 وآ2 ها2 تمغ3 بو2 نه


=4 3 2 3 4 3 4





وسلامتكم
ناديه حسين
04-22-2009, 07:31 PM
على بحر الصخر (الوافر)

3 4 3 4 3 2



يدق

يدق الباب وقليبي يدقدق
ياويلي من عيونك وش وراها


على قد العيون اللي تعلّق
عيونك مايعلقني سواها


غموض البحربعيونك يشوّق
ونار الشوق فيني من لظاها


هدبها يجذب و قاصد يغرّق
وانا ودي وابي اغرق معاها



أحس بشوقهاالحارق يدفّق
لهايب تاخذ الروح لهواها


وغرّب في شواطيها واشرّق
واعانق موجةالصبح ودفاها


وماهي بس عيونك من تخقق
شفاتك تاخذ العقل بحلاها


كما حبة عنب احمر تبرّق
تحس الشوق ذايب في لماها



ولي ناظرتها ماقدر أدقق
اخاف النفس تغلبني بغواها



وصوتِك لي نشد كوني يورق
قبل ماتمطر الدنيا بسماها


لذا بطوي مراسيلك واطبّق
ولا بسأل عيونك وش وراها

وسلامتكم

على قد العيون اللي تعلّق
على3 قد2 دل2 عيو3 نل2 لي2 تعل3 لق2
ناديه حسين
04-22-2009, 07:39 PM
هستريا الاشواق




يافؤادي على احساسك سرينا
جعْل ربي يجيب الخير دفاق


الاماني انتهـت والحـزن فينـا
واللي فينا بواقي فقد وارهاق


انتهينا ولا راحت علينـا


الامل باقيٍ مادمت تشتاق


والحقيقه تقول احنـا طوينا


قصة الأمس بين سطور الاوراق


لا رجينـا ولا حـتى احترينا


رجعة اللي رحل من وسط الاعماق


والصراحه تشوقنا وبغينا
قلب صادق به الاحساس تواق


والقدر والهـوى ماهـوبيدينـا


وان كتب ربّنا بنصيرعشّـاق


وان حصل استعد للـي يجينـا


الهوى أعذَبه هسترياالاشواق
ناديه حسين
04-22-2009, 07:42 PM
على مجزوء البسيط


سحرالهوى



تعال وان ما تجي بآجيك في الحال

تعال عندي مشاعـر فيـك ريّـه




عندي سوالف تهيّا لرصد زلـزال

تعـال لاتطـوّل الغيبـه علـيّـه



ذبحتني ياكحيـل الرمش قتّال

ولله كلـك جـمـال و جاذبـيّـّه


اتخيلـك ياحياتـي بـزول خيّـال

خيّـال ومجنـون ياخيّـال فيّـه


وتقول فيني شعروتجـرّمـوّال

ترقص جنونـك قبالـي محتفيّـّه



وتقول :ياقلبها سلّم وفـي الحـال

فجأه تلاقي الصحاري بـك نديّـّه



تنبت زهورالبراري و تكسي جبال

والغيم رش رش هتونه الموسميّه


امن العصرللغروب الديم همّـال

والشمس نامت في جنه مخمليّـه


حتي القمرمالفى ولاجاب مرسال

غاب القمر ماحضر واعطاك ضيّه


نبض القوافي احتفي بقدومك وقال

احلى المعاني ورقص لك سامريّة


تشب قلبي بوله ماجا على البـال

يحلى الغزل في العيون الأكحليّـه


لي شفتني جيت صوبي ترمي نبال

بالهون لحظـه ترانـي منتهيـه


ونيـت ياقلبـه الولهـان محتـال

تشتاق كل لحظة وتصوّب شظيـه



مرّات تهذي على عمّال بطّال

مرّات تقصد تآذيني بذيّه


اهواك من يوم شفتك صابني خبال

بااسباب نظرات بعيونـك شقيـه


تحبني قلتهـالـك جعلهـا فـال

تدري بغرامي انـا بـك مكتويـه


أرفق بحالي يحالي الريق عسّـال

مرمـرت حالـي بدنيـا سكّريـه


أرمي سلامك تحيـّة ودّ ووصـال

سلّـم عليـّه وانـا اردّ التحيّـّه


يازين سحرالهوى لاجاك شـلال

يعطيك كل المشاعـر لـك هديّـه



يثبت وجوده عنيد بعنـف ينهـال

من نفس هامت بعشقك نرجسيـّه


ادري قليبك عشقني حبني ومـال

ويدوم سحر الهوى وحنّا سويّه



وسلامتكم
ناديه حسين
04-22-2009, 07:48 PM
على بحر البسيط

صياد مصيود


صاير هواوي وغادي طيربالوادي

فارد جناحه على دنياه وظباها



له نظرةٍ تطرح الدندونه وكادي

له نبرةٍ بالوله ونّه على آآآآها




والوجه ضاوي حلاته مبتسم هادي

من بسمته تعشب الصحرا اذاجاها




والرمش غاوي حلاته رمشه ينْادي

سلّم بعينه ورمالي رميه مااقواها




ينشد عن اخبار بيرٍ مابها شادي

هي جفّت البير والّا تنضح بماها


ماشاف حول الحما بادي ولاغادي

(والأرض في الشرع للي حاز واحياها )


توه صغيرٍ ودوبه باالهوى بادي

بكره يعرف تالي الدنياولأواها


صياد مصيود حدّه للهوى حادي

سبحان من سخّره للروح يفداها



وسلامتكم
ناديه حسين
04-22-2009, 07:50 PM
مربوعه على بحر الصخر (الوافر)



حقي علي



انا حقي علي ضيّعت نفسي
رميت الحاضر الأخضرلأمسي
ولاادري ليه انا ضيعت حالي
وغابت مع مرور الوقت شمسي



رميت الروح في وادي المساكين
وانا اقدر اقلب الدنيا بيومين
واعيش بدنيتي عيشة سلاطين
بدل ماني بعمر في حكم منسي


اخذني حاضري أخذة خطيفه
وتركني لوحشة العمرالمخيفه
رضيت بعيشة الحرّه الضعيفه
وحقي ضاع إذا ماخاب حدسي


وسلامتكم
ناديه حسين
04-22-2009, 07:56 PM
على بحر المسحوب

4 3 4 3 2 3 2 ه
4 3 4 3 2 3 2


ويني أنا



جرّ الحسيني ونّته بْصوت مبحوح

يبي الدوى والا الطبيب المداوي؟


قلت الهوى ماله دوى ياونس روح

حمى الهوى برد ودفا للهواوي


الروح تعشق خفّة الظلّ والروح

والقلب أخضر يشتهي ولف غاوي


والعين تهوي شوف جذاب مملوح

حنطي عريب الجد والخدضاوي


والسمع يطرب لي سمع قمري الدوح

يشرح عذابات الهوى للنداوي


اما اناقلبي شقي صدق مذبوح

ويني انا والحب والقلب لاوي


والحب لهل الحب جارح ومجروح

والعشق لهل العشق حامض وكاوي


واشلون لالبّيت غاوي وطحطوح

يقلب صباحي حب وليلي هقاوي؟


ايه الهوى ماله دوي يا ونس روح

ماني الدوى وْلاني الطبيب المداوي



ايه الهوى ماله دوى ياونس روح
ماني الدوى وماني الطبيب المداوي





جر رل4 حسي3 ني ون4 نتب3 صو2 تمب3 حو2 حه
يبد3 دوى3 وللط4 طبي3 بل2 مدا3 وي2 =

4 3 4 3 2 3 2 ه
4 3 4 3 2 3 2





وسلامتكم
ناديه حسين
04-22-2009, 07:59 PM
على بحر الصخر




زمان الخوف


يازمان الخوف في صمت الروايـه
هل يدوم الخوف الي آخر حياتـي

هل تظن ان الفرح جـي فالنهايـه
هل صحيح ان الفرج في يوم آتي ؟

يالطيف الطـف بحالـي يارجايـه
شكوتي لك يامغيث اكتـب نجاتـي

مااذكر ان قلبي جزع ماذكر حكايه
امرضتني اتحكمت في عمق ذاتـي

مو انا ال اشكي وابكي من قضايـه
من قدر مكتوب لـو انـه وفاتـي

مير فيني علّة(ن) ماهـي بهوايـه
والدوى عندك ونا طحـت ببلاتـي

كنت أصبّر من جزع ووصف دوايه
للعليـل المكتئـب يفعـل شراتـي

كنت اقوم الليل واقـرأ ألـف آيـه
كنت اثابر في قيامي وفي صلاتـي

مااذكر ان قلبي ضعف يوم بشقايه
وهذا انا كني صويبه مـن شقاتـي

كن صايبني حسد كن جـن ورايـه
واستعيـذ بربـي يجمّـع شتاتـي

دنيتي في طول صبري في رضايـه
جنتي في كثر صبري فـي ثباتـي

يازمان الخوف في صمت الزوايـه
ماعلي من خوف او منـه احاتـي

جيت لك جثه ..وقف ربـي معايـه
ومن فجـر باكـر انـا ببدأحياتـي








وسلامتكم
ناديه حسين
04-22-2009, 08:06 PM
مربوعه على الرمل


سكّــــــر نبات


كل مامر الهوى صورتك مرّت
وبعيوني و بخيالـي استقرت
وبـمـلــف االذكريات العين قرّت
باالف قصة شوق حب وامنيات


عيدي الاول رحل وايام راحت
والمشاعر في هواك بشوق باحت
صورتك داخل فـؤادي استراحت
تسهر بقلبي وعلى رمشي تبـات


عمري مانسى في ليالي الألف ليله
عشنا ليله تسوى عندي ألف ليله
ليلة اللي جيت قاصدنـي حليله
وانهمر رشّ الوله سكّـر نبـات
وسلامتكم
ناديه حسين
04-22-2009, 08:07 PM
على بحر الصخر



ياحبيّب يايابه



مسافر يابعد عمر الغريبه
وتارك قلب يشكي لي مصابه


قضيت الليل بغيابك كئيبـه
واخفف لوعة القلب وعذابـه


واخاف نضيع بالحظ ونصيبه
واخاف افقدك ياحبيّب يايابـه


ومن يقدرعلى الصبر ويجيبه
يردّه جاي من بعد انسحابـه


حبيبي غيبتك اكبـر مصيبـه
وحتى الصبر مانلت احتسابه


يطول الليل والفرقا صعيبـه
يطول الصمت بأشباحه واهابه


وغابت بسمتي بحزّه رهيبـه
وذاب القلب بك مغرم صبابه


وهل الدمع يتحـدى بلهيبـه
حميم النـار حـزة انسكابـه


يشيب الراس من فرقة حبيبه
واذافارقت عمري لاغرابـه


الا يابلّسـم القلـب وطبيبـه
الا ياثغـر يحينـي برضابـه


ابي تذكر محبتـك الغريبـه
وابي صدرك بيادر لي ولابه


وخليني علـى بالـك قريبـه
وهدهدني بأغانيـك العذابـا


انا ضاقت على كل الرحيبـه
واخاف افقدك ياحبيّب يايابـه

وسلامتكم
ناديه حسين
04-22-2009, 08:12 PM
على مجزوء الرجز

او

الحد ا




لو مات


لو مات لا تجزع وليه
هذا قدر ربّي وجاه


لاتكتئب باكر تجيه
الموت هو تالى الحياه


وادعي عسى الله يجتبيه
ويسامحه ويغفر خطاه


واسأل عسانا نلتقيه
في جنّةٍ عند ا لإله


لو عاش قول الحمد ليه
ماخاب مؤمن لي دعاه


لو عاش قوم الثم له فيه
وصاحبه وامشي معاه


سامحه دايم لو تبيه
ومدّ له طوق النجاه


هذا حبيبك ماعليه
لو يخطي صغيّر مداه


باكر تلاقي الخير فيه
يصلحه ربي اللي حماه


ادعوا معي لربٍ بيديه
الخير ان يجزل عطاه


يقرّ عين امّه واخيه
ويرده سالم قد شفاه


يارب يامن نرتجيه
ياشافي بيدّك دواه


اشفيه ياشافي نبيه
نحتاجه بهذي الحياه

وسلامتكم
ناديه حسين
04-22-2009, 08:15 PM
على بحر الصخر


عمر الفرح




اذا عمر الفـرح بالحـب ليلـه
ياقل الفرح في عمر المحبيـن


في لحظه مال صوب العين ميله
في لحظه غاب عن دنياك ياعين


وساهرت الصبر قاومت ويلـه
وخاويته علي الله القاه بعدين


غرامك ساكن بروحـي اشيلـه
حبيبي ومااظن اقدر على البين


صعيبه فرقتـك ماهـي قليلـه
صويبه في حشايا نصل سكيـن


ومـت بهـم لايمكـن تخيلـه
قبل مايمر علي فرقاك يوميـن


وكيف انسى سجاياك الجميلـه
وكيف انسى نسايم من رياحين


وكيف انسى العوينات الكحيله
وشفايف كنهـا ورد البساتيـن


وكيف اسهر بدونك نص ليلـه
ليالي العمر من غيرك مساكين


الا يالله انـا بوجهـك دخيلـه
الا يالله تجمـع بيـن الاثنيـن



وسلامتكم
ناديه حسين
04-22-2009, 08:17 PM
على بحر مجزوء الرجز





بيت القصيد

القلب مـن دونـك وحيـد
مهموم ذايب في حشـاى

ولهـان باشواقـه عنيـد
محـزون ووصالـك دواي

ويش ينفع الصوت البعيـد
ودي أشوف الحب جـاي

يسقينـي الشهـد الفريـد
معسول يروي لي ظمـاي

وابدا حياتي مـن جديـد
ابيك كـل لحظـه معـاي

البـرد بغيابـك شـديـد
والبعـد حارمنـي دفـاي

يحتار دمي فـي الوريـد
واحتاج ترجع لي دمـاي

يوم التقي بك يـوم عيـد
يوم (ن) تجيني ياااااااهناي

يفرح بك العمـر ويزيـد
تضحكلي الشمس بسمـاي

والروح تنشد لـك نشيـد
والقرب هو غايـة منـاي

الشوق فينـا مـو جديـد
وش صارفينا يـا هـواي

كثـر التأفـف مايفـيـد
ارجـوك لاتـزود عنـاي

شريان قلبي مـو حديـد
غارق بحبك يـا رجـاي

خليـك معشـوق وسعيـد
خلينـي اتناسـا شقـاي

الصبر هو بيـت القصيـد
صبّرني واتصبـر معـاي

القلب من دونـك شريـد
مهموم ذايب في حشـاى

وسلامتكـم




وسلامتكم
ناديه حسين
04-22-2009, 08:19 PM
على بحر الشيباني



لو انساهم





انا ان جيت ابنساهم الاقي الطيف وسط الـروح
بيتعطر من اشواقي و يجى في الحلـم يلقانـي


انالو قلت مابيهـم يكذبنـي حـزن مفضـوح
حسافه ماقدرت انسى وهـو بلحيل ينسانـي


اشوفه في عيون الناس والخاطر غدى مجروح
اصدق وهم في حبـه واكـذب نـاس تبغانـي


احاسيسه خلاويه واحاسيسـي عليه نـوح
ياويلي ياضنا حالي مـن اشواقـي وحرمانـي


انادي له وارسل له يرد الصوت لـي مبحـوح
ولايرحـم شقـاحالـي ولاهمـه بأشجـانـي


الا يالله صبرنـي اشوفـه جـي وويـن آروح
اغمّض عين وافتحها الاقي الطيـف بااعيانـي


انا ان جيت ابي اخفي غرامي للمـلامشـروح
انا لـو جيـت اتكلـم بأسمـه يغلـط لسانـي


ولو المح طرف ثوبه تلاقي الشوق مني يفـوح
يشمّه من قرا شعري ويعـرف وش بوجدانـي


رهنت العمر لعيونه ومالي بغيره أي مصلوح
رهنت القلب لسجونه وصـار الحـب سجّانـي


ابصبر ع الألم والهم الين يـرد فينـي الـروح
واكيـد يعـود يذكرنـي لانّـه كـان يهوانـي

وسلامتكم
ناديه حسين
04-22-2009, 08:21 PM
على بحر الصخر


تذكــــّـــــر





لعب فيني الهوى شرقي وغربي
تذكرت العيون ولحـظ يسحـر


وناديتك تذكّـر لحظـه حبـي
حبيبي قوم فكّـر بـي وتذكّـر


تذكّـر قعـدة العاشـق بجنبي
على نبضي رقص رقص المخدّر


تذكر رجفتـك وانتـه بقربـي
تذكر (نـود) والشـال المعطّـر


تذكّرتك صرخـت وفـز قلبـي
على بعدك انـا ماعدت أقـدر


وانادي ياهبوب الشـوق هبـي
اثيري من صمد بالهجر اكثر


اثيـري فيـه بالنيـران شبـي
وله جاير يخلّى العمر يقصر


غرامي ياخذه شرقي وغربـي
كفاني فيـه ربـي الله واكبـر

وسلامتكم
ناديه حسين
04-22-2009, 08:24 PM
على بحر الصخر


اسلي خاطري


مع الأشعار وأسهر للطواريق
إذا قلبـي فقـد غايـة مـراده


سنه مرت علينا كلّهـا ضيـق
انـا فيهـا تناسيـت السعـاده


وقلبي لو لوى وسط المعاليـق
رجايا برحمـة المولـى لعبـاده


هوايا بس في سيـدالمخاليـق
واذا غايـب أنـا بنطـر وداده


انا مالي هوى بغيره ولاطيـق
وقلبي سايـر بموكـب حـداده


ويرجع يوم يذكر حلوة الريـق
واذا ماجـا ابعْطيـك الافــاده


حقيقه القلب لبوابه مغاليق
وابد لا لا تخيـّل ارتياده


مع الاشعار واسهر للطواريق
وسلّي خاطرى بشعـر وعبـاده


وسلامتكم
ناديه حسين
04-22-2009, 08:25 PM
على بحر الشيباني



آخر ليلة




تعذّب روحك وروحي وتعاتبني علـى ماكـان
وتبكي لي وتبكينـي وتوجـع قلبـك وقلبـي


وانا والله ما أقصد شي ولكن قلبـك الولهـان
يصورلك كما يبـدو مشاعـر حسّهـا سلبـي


ومن كثر العذاب تون وتكسر خاطري بعصيان
ومن كثر العذاب تصيح تشكيني علـى ربـي


تحبني موت وادري بك وشوقك كنه الطوفـان
كما الطوفان ورياحه تلاعب بك وتلعب بي


لأنك عاشق الدمعـه تحـب تعانـق الاحـزان
تفضّلها على روحك على روحي علـى قربـي


نسيت ان البنـي آدم معـرض دوم للنسيـان
نسيت ان الخطا وارد وذنبك أقوى من ذنبـي


حسبت اني بشوفك في صباح الغـد بطمئنـان
لقيتك حازم شْناطك على جْناح العتـب غربـي


مسافر يابعد عمر الغريبه وقلبهـا العطشـان
واخاف الليله هي آخر ليالـي الألـف ياحبـي



وسلامتكم
ناديه حسين
04-22-2009, 08:27 PM
على بحر الصخر


رقص الزار





حبيبي مااذكر انه كـان سالـي
وروحي دايـم لروحـه قريبـه


يدق الطار في نصّ الليالـي
ورقص الزار يغريني غصيبـه


ينادي لي بعد عمـري تعالـي
وانا دايم اجي والكـذب خيبـه


اجي يمّه و يآخذنـي شمالـي
حنون ويعـرف لقلبـي يجيبـه


ويتمايل علـى هونـه قبالـي
رشيق العود والـرزّه رهيبـه


يرقّص لي عفاريت الجبالي
وكل جنّى يـدوّر لـه صحيبـه


ياغالي قوم واسمع ما جرالـي
حكايه حبّ في عمري عجيبـه


تركني بدنيتي أرقـص لحالـي
هوى رقص الغجر ويا الغريبـه


ياليته ماعشقنـي وراح تالـي
ياليتـه ماتركنـي اهتنـي بـه


وهي قصه وجاتك من خيالـي
كتبها الدمع في الحزّه الكئيبـه


رسمها احساس فاقـد للغوالـي
واجرّ الصوت ياكبر المصيبـه


تركني انتحب ياويـل حالـي
خذاه الموت وضاقت بي الرحيبه


وسلامتكم
ناديه حسين
04-22-2009, 08:28 PM
على بحر الرمل



ماسألتك




ماسألتك ويـن أو راجـع منيـن
وماانتظر منـك سـؤال ولاجـواب


افتكـر انـي سألـت بكلمتـيـن
عن معاني بدرس غامض بالحساب


قاعد تجاوب غلط واعرفـك زيـن
ارتباكك يفضح اللي عنـي غـاب


هل انا جيتك سألتك كنـت ويـن؟
هل تصور ان انا الحـق سـراب ؟


ماتجي هذي السوالف من رزين
وانت عارف اني ماداني العتـاب


لو اشوف انك تغازل شوف عيـن
انسحب بهـدوء لحـدود الغيـاب


لاتصـوّر ان فؤادي لـك رهيـن
هل تلاقي فص ملح فْبحـر ذاب؟!


وانت عارف قلبي بحسّـه فطيـن
قال لي : ياعاشقة شيخ الشبـاب


قاعد يغـازل ظبـا وادي حنيـن
شدّي رحالك أزف وقت الحسـاب


لاكــلام ولامــلام ولاانـيـن
لادمـوع ولاعتـاب ولاعــذاب


والصراحه ماأبـي تقعـد حزيـن
قوم وافتح للظبـا مليـون بـاب


صاحبك روّح علي متـن اليقيـن
طاير بروحه علي هـام السحـاب


كنت احس انك هواوي من سنيـن
مايفاجئني أبـد غدر الذئاب



وسلامتكم
خشان خشان
04-22-2009, 08:31 PM
http://whatscookingamerica.net/EdibleFlowers/LavenderFlowers.jpg

http://whatscookingamerica.net/EdibleFlowers/LavenderFlowers.jpg
ناديه حسين
04-22-2009, 08:33 PM
اهلا استاذ خشان

منور المتصفح

اقتحام مفاجيء .. وتسلم كلك ذوق تسلم يدك

الله يحفظك :)
ناديه حسين
04-22-2009, 08:39 PM
على بحر الهزج



مسيرك يوم




بعون الله قدرت اصبر

على حزنك واحزانـي




وداويت الألم بالصبـر

ّوجمّلـتـه بكتمـانـي




وليـه ابكـي واتألـم؟

واموت بكثر اشجانـي




وليه اشكـي واتظلّـم

وعيـن الله ترعانـي




نثرت الشعـر والغـرّه

وكان الزيـن ربّانـي




ابشكر ربـي واحمـد

لأن المـوت ماجانـي




حفظني لجـل احبابـي

واعطانـي وواسانـي




ابحمد ربـي واشكـر

واكتم باقـي اشجانـي




يابسمه فارقـت فمّـي

تعالي وزيني اوجانـي




يادمعه فارقـت عينـي

عسى ماترجعي ثانـي




قدرت انسى عذاب الأمس

لجـل عيـون خلّانـي




واذا عاد الالم والهـم

اقول له روح وانساني




بعون الله قدرت اصبر

وربي اليـوم داوانـي




ومسير الحـي يتلاقـى

واكيد بيوم تلقاني

وسلامتكم
ناديه حسين
04-22-2009, 08:44 PM
على بحر الصخر


الشوق




شكيت وقلت لك :ياخل إشتاق

ذبحني الشوق قلبي منه محروق




بغيتك ترحم وتسقى لـي خفّـاق

لوى بالشوق آه اضناني الشوق




وجيتك اشتكي من كثر ارهـاق

عيوني تبتهل والقلـب مخنـوق




شكيت وقلت لك ماطيق الفـراق

منايا الحقك ياكامـل الـذوق




واطير برفقتك لبـروج وافـاق

ونتغازل كما عاشـق ومعشـوق




اقول الشوق وانطر همس شوّاق

ترد بشوق ياخذ عقلـي لفـوق




وهام الوجد في غضات الاوراق

بنشوى ياعساني منها ماافـوق




وحل الموت موت اللي شم ماذاق

يدور في الظما عن حزة بـروق




وفجأه يمطـر العنـاب رقـراق

كما زمزم تداوي من معه عوق


وسلامتكم
ناديه حسين
04-22-2009, 08:47 PM
على بحر الصخري



تنازلت


انا العطشانه لك والجوف ظامي

وجيتك ارتوي وياليت ماجيت




لقيت النهر متعكّر ودامي

وحوله قبو تسكنه العفاريت




تفاجأت بطلاسم وبأسامي

وغرفه ماتولّع فيها كبريت




وحاولت انهزم وانسى غرامي

واقاوم سادة الاشرار في البيت



سألت الله يكتب لي سلامي

وانادي لك ولااذكر انك رديت


تنازلت وتراجعت بكلامي

ومابي ماولااذكر اني ظميت



وعلى كيفك تهرّب يالمحامي

ويكفيني حرقت الجن ومشيت

وسلامتكم
ناديه حسين
04-22-2009, 08:51 PM
على بحر الشيباني


هلا بك





هلا بك كثر ماعينـي تحّـرت رجعـة الغيـاب

هلا بك كثرماهلت دموع الشوق مـن عينـي




هتف قلبي يهلّي بـك وبعيوني بقاياعتاب

دخيلـك لاتـروح بعيـد تكفا لاتخليـنـي




جمعنا الوقت بالصدفة معا ك وصرنا لك أصحاب

ولا اسمح لـك تفارقنـي وتتعبنـي وتبكّينـي




دخيلك لاتخلي الشوق صفحه حايـره بكتـاب

يكفي من عنا بعدك كرهـت الحـزن بسنينـي




تمنيتـك بأيامـي اغانـي مـن فرح تنسـاب

تمنيتـك تمنيتـك بكـل سـاعـه تلاقيـنـي




كرهت ألقاك بدموعي و احن لراحة الاعصـاب

تمنيتك في عز البرد تدفا بي وتدفيني




أنا كلي علي بعضي قصيده من ولـه وعتاب

ومن غيرك قرا حرفي ومن يعرف دواوينـي




عسى حكي القلم يقدر يرجّع بسمـةالاحبـاب

وتنسى قصـة الترحـال وبرجوعـك تهنينـي

وسلامتكم
ناديه حسين
04-22-2009, 08:55 PM
على بحر الصخر



العنيـــــــده





أفكر فيـك وبقلبـي وعنـاده


يطير النوم وافكـاري جديـده




أفكر فيـك وبحـب وسعـاده


وليالي تجمع قلوبـن وحيـده




ألا ياعاشقـي عشقـي زيـاده


كبر ذا الكون تهـواك العنيـده




ولوأبعد وصار البعـد عـاده


لاتحسبني مع اشواقي شديـده




بدونك عمري ساير في حـداده


لبس أسـود وأحزانـه مديـده




هجرت الأحمر وعفت القـلاده


لقيت اللوم من خصري وجيده




لهيب الشوق بأحضاني وقـاده


وطول الليل اعاني من وعيـده




يكايدني يواصـل فـي كيـاده


يجيب الماضي يحكي لي ويعيده




حبيبك ذا هوى قلبي ومـراده


ويوم الوصل عيدك قبل عيـده




يبهذلني وانـا مابـي جـلاده


عنيد انته وانا أكبر عنيـده




أحبك حـب مـن ربـي إراده


وكل ليله قـدر ربـي يزيـده




نويت ارمي ضنا قلبي وعنـاده


نويت ارجع قبل لاصبح شهيده




هدب عينك أسر قلبي سـواده


وشهد النون يتغلل وريـده




لعشقي لك معي أصدق شهاده


أنا بدونـك بهاالدنيـا شريـده




نويت اهدي لك القلب بـوداده


وأرجع طفله بأحضانك سعيـده




يعيش الحب نعطيـه السيـاده


يضل حاكم نضل احنـا عبيـده




ياعاشقني أنا عشقـي زيـاده


كبر ذا الكون تهـواك العنيـده




وسلامتكم
ناديه حسين
04-22-2009, 09:03 PM
على بحر البسيط




اسود على اسود





اسود على اسود حياتي حزن وحداد

الحزن ثم البكا والمـوت عنـدي




قلبي لوى من زمان و صـار عـداد

يا روحي عدّي الوجع للألف عـدّي




فارقت ربعي وغابت كل لاعيـاد

ياعمري اللي وقف ماعـاد يجـدي




قلبي رهين المواجع حزنـه وكـاد

وكن عذاب البشر شلتـه لوحـدي




يوم الجزع زارني في الوحل يصطاد

لقى مكانـه نـوى باالويـل جلـدي




جات النهايه على كيف الله مـاراد

مير الكئابه وطت بجنـوب كبـدي




قلت الصبر مير فارقني وماعـاد

لعنه وحلّت علـي ماعـاد يمـدي




ياحـظ كـل العـواذل فرْحهـم زاد

والعاذله تشتفي من لـوم وجـدي




يالله تنـزل سكينـه تغمـرفـؤاد

يالله تعجّـل علـي بْيـوم سعـدي


وسلامتكم
ناديه حسين
04-22-2009, 09:07 PM
على بحر المسحوب



ياصاحبي





ياصاحبي ناديت والقلب ذايب

ناديت رد الصوت بالصمت ملتاع




ناديت كم ناديت يا اغلى الحبايب

ياويل حالي خنجرك بين الاضلاع




ياصاحبي بآموت ما دمت غايب

مابي حياتي كلها حزن ووجاع




اهديتني همّك وكل المصايب

واهديت لك قلبٍ به الشوق نزّاع


وصاحبك


ذا صاحبك ياقلب ما له صحايب

شرّاي نسّاي الهوى حيل بيّاع




وضاقت بك الدنيا ومازلت لايب

عطيت مير الودّ في صاحبك ضاع




اقنع يقلبي وانتفض حرّ طايب

ازهد يقلبي وجازي الصمت بوداع

وسلامتكم
ناديه حسين
04-22-2009, 09:09 PM
على بحر الصخر


تفارقنا



تفارقنا ولاادري كيف صارت

قدر مكتوب وتقدّرعلينا



امانينا استوت من ثم طارت

تلاشت في فضا الدنياالحزينه



ومادري ليه ظروف الوقت جارت

علينا ومابقي شي بيدينا



علامات الشجن في عيون غارت

كما برد الخريف بياسمينه



كماشمس اخسفت ثم استدارت

ظلام وليل غربه تحترينا



يارب ارحم قلوبن استجارت

من الأشواق والفرقه اللعينه



وضاقت باالنوى ثم استجارت
بوجهك يامعين الصابرينا


وسلامتك
ناديه حسين
04-22-2009, 09:11 PM
هزج نداوي




ياأكذب ما خلق ربي




أحـب الليـل بـوجـودك

أحب البرد
وشـب النـار

وأيدك تلعـب بشعـري


وعينـك
جنـة السـمّـار


واشواقـي دفـا للـبـرد


وانفاسـك
لهيـب النـار


وانتـه والولـه واللـيـل


وانا والشـوق
وعيونـك


وتجي تقْولـّي : أحبـك حيـل


واجـن وآصـل جنونـك


حبيبـي ياونيـس الليـل


حبيبـي
ياقمـر سـاهـر


انا اضمك علـى صـدري


واقـول : إتدلـل وآمـر


تتمتـم (تـم ) واتبـسـم


واجيك بلهفـة
المحـروم


تـم ؟ مـاتـم يامـغـرم


وين الموعد المزعـوم ؟


تـم ؟ ماتـم ياعـمـري


ياأجمل مـا خلـق ربـي


واذا ماتم لاتقلق


مكانـك دايــم بقلـبـي


ليالـي الألـف
تستـنـاك


تتمـنـاك لــوليـلـه


وليله ياعساك تجـود


و تميّـل عـلـي ميّـلـه


واشـم العـود والعنـبـر


واذوق الشهـد
والسـكـر


نذرت النـذر يـوم القـاك


البـس أحمـر بأحمـر


وبتـكـحـّل وأتـعـطـر


واحط اللولـو ع المرمـر


تصـوّر كثـر حرماني


ياناسيني
و انـا مااقـدر
وسلامتكم
ناديه حسين
04-22-2009, 09:12 PM
رمل نداوي

بطرق جديد


حزن الورود




وحدك المسؤول عن حزن الورود


وحدك المسؤول عن هذي اللهود



افـقـدك يـــاذا الـوعــد


ووعــدك مـاارجـع بـعـد !



دنيتي وايامـي الجيّـات سـود


والمواجع دايم بصـدري تجود



لاامـــل بـاقــي ابــــد


كـــل مافـيـنـي فـقــد



افقدك وافقد شعـوري بالوجـود


لاامل يرجع ولا باقـي صمـود



كــن صايـبـنـي حـســد


يمـكـن ارحـــل لـلأبــد



اعزف لقلبي نغم بوتـار عـود


يمكن اللي راح من عمري يعود



ايــه يــا وجــه السـعـد


مـاأبـي غـيــرك أحـــد


وسلامتكم
ناديه حسين
04-22-2009, 09:15 PM
على بحر البسيط



ياقلبي



انسى الوله والغزل مالك ولاحلام


يالله يقلبي تجرّد مـن شعـورك



يالله توكّل على الله روح قـداّم


الحبّ راح انتهى وماتت زهورك



قصّة غرامي انتهت بمرورالايّام


والحب اقفى من سنه مايزورك



كنت الجميله السعيده من قبل عام


واليوم شاب الشعر حطّم غرورك؟



مدري متي تنتهي بالعمـر الالام


مدري متى تلتقي بلحظة سرورك



والله غريبه اعيش بكذب ووهـام


فعلاً غريبه اذا بلغـي حضـورك



إسلم يقلبي وسلّم منت منضام[b]


[b]مازال باقي عمر بيجيـك دورك


وسلامتكم
ناديه حسين
04-22-2009, 09:17 PM
على بحر الرمل النداوي :)


انسانه عظيمه



قـال لي : انـتـي عظيـمـه


ومـالـي بلـيّـاك قـيـمـه


هيـّض جروحـي القديـمـه


بــاح بـأسـرار الـغـرام:(




قـــلـــت لــــــه :




من زمن والحب يربطنا شعـور


إيه أحس بلهفتك حولـي تـدور


وآتهجّا ها الوله بيـن السطـور




وانتظر منك يجيني زخ غيمـه


تسقـي عْـروقـي السقيـمـه


وتخـصـب الأرض العقيـمـه




لـــــــيــــــــه




لـيـه تقاطعـنـي حـــرام


وانــت عيـنـك مـاتـنـام



ليـه تـزود بـي المـواجـع


ليـه احسّـك منـت راجــع



لـيـه تعيشـنـي الهزيـمـه


وكلـك اصــرار وعزيـمـه


لانـي انسانـه عظيـمـه؟؟!!




***




من زمن اعرفك يالموت الحمـر


من زمن اهواك واضناني السهر


من زمن والشمس ماتلاقي القمر



وان واذا تـرضـى الظليـمـه


هيـّض جـروحـي الاليـمـه


وعـذّّب الــروح الحليـمـه


و لانــي بـدونـك يتيـمـه

ولني انسانه عظيمه


بشتكـي لقـاضـي الـغـرام

وسلامتكم
ناديه حسين
04-22-2009, 09:23 PM
]شيباني



مين يحاسب الورده




انا وقلبي نحب الشعْـر نلعـب بالقوافـي لعـب


وتمطر روعة احساسي وينبت من نداهـا زهـور



وتتفتح زهور الوجد وارويهـا بْشعـوري العـذب


وادوّن صادق احساسي واخاطب من معاه شعـور



واجمع مفـردات الحس وانظمهـا قصايـد حـب


واخلي الكون يتلـون بدهشـة عالمـي المسحـور



وأجْمع زهري بباقـه تخلـي كـل عاشـق صـب


يحاول يآصل شعوري ويبنـى فـي الغـرام قصـور



ومشكلتـي اذا العـذال وقفولـي بنـص الـدرب


وكل واحد يبي قلبي وعلـى بابي وقف مخمور



وانا ادري اني على الفطره ومالي باللـي صايـر ذنـب


وقلبي صافي النيّه يعرْفه مـن يعـرْف الحـور



انا قلبي على الفطره يحب ويطـرب وينحـب


ولا همّه بمن يحسب كلامي له ويشهد زور



ومين يحاسب الـورده اذا تنبـت بـوادي خصـب


ومين يعاتب الورده اذا تنثر شذاها عطور؟!



ومين يشك فـي القـدره؟ !و هـذي قدرتـك يـارب


ابتعلّي علـى الحاسـد واقولـه :حـر يامقهـور



وبااكتب صافي احساسي وبعلن ع العـواذل حـرب


انا ماني ضعيفة قلـب انـا انثـى وكلـي غـرور




وحسبي ربي الحافظ حفظ يوسـف بوسـط الجـب


وحسبي ربي الواحد علي كل من نوى لـي شْـرور




ابكتب وارسم شعوري واحاور مـن بجوفـه قلـب


فمان الله ياحروفي ياغيمة جوري ومنثور

وسلامتكم
ناديه حسين
04-22-2009, 09:24 PM
مربوعه على الرمل



وين صاير


وين صاير وين وين


وين زولك مايبيـن


وين محبوبي الحزين


كيف قلبك استـراح!



ماتراسلني في بريد


لاخبر عنـك جديـد


جيتك بشوقي اريـد


بس اسلّم ع الجراح



جيت لديـار القمـر


جيت وديارك قفـر


لاربيـع ولامـطـر


مالقيتك قالـوا راح

وسلامتكم
ناديه حسين
04-22-2009, 09:25 PM
هزج



حسافه




حسافه ماقدرت تحـس

غرامي وحبي الصافي


حسافه مات حبك لي
على حسبة أمر مافـي


حسافه خانتك عينـك
وشفت الغدر باوصافي


بتحرمني من عيونك؟!
وهـذا اعتقـد شافي


بيطفي نارك بصـدرك
ويثبت حبـي وكافـي


تدلـل جور وتأمـّر

فداك الروح يامجافـي



واذا احنـا تفارقـنـا

ودب البـرد بأطرافـي


ولو تسمع وجع روحي
تعال واسحب لحافـي


بتلقاني علـى حالـي
أحبك لو سكت قافـي



منايـا افـارق الدنيـا
وكلك تحضن اعطافـي


مناي اشعر بأنفاسـك
تلامس خدي و شفافي

ويمكن تسترد روحـي
ويصحا حسك الغافـي

وسلامتكم
ناديه حسين
04-22-2009, 09:27 PM
زمل نداوي



قل لي كيف ؟!





قل لي كيـف انسـي حبيبي ؟!



لاتـظـن انـسـي ابــد



لاتظن حبّك أحد



كثر حبي يابعد




عمـر مـن حبـك حبيبي




قل لي كيف انسى حبيبي !!!



والمشاعـر لـك طـيـور



والمعانـي بــك تــدور



والاغانـي تصيـر نــور



مـن تجـي يمـي حبيبـي



ترقـص الحانـي طــرب



والعـب بقـافـي لـعـب



تمطـر اشواقـي واصب



واسقـي بكاسـي حبيـبـي



وينتشـي العمـر ويطـيـب



والهـوى يصبح لهيب



وانـت مثـلـي ياحبـيـب



قل لي كيـف انسـى حبيبـي



كيـف انـسـى اللي حصل



واللـيـالـي والـغــزل



رمش عيني اللـي اكتحـل



يعشـق وصوفك حبيبـي



قل لي كيف انسى حبيبي




؟!



الـحـلا انــت الـحـلا



والـغـلا انــت الـغــلا



دونـــك انـتــه لا ولا



يستمـر عمـري حبيـبـي



قل و كيـف انسـى وانـا



عاشقـه ومـالـي غـنـا



والـهـنـا وش الـهـنـا



غيـر بوصالـك حبيـبـي



قل و كيف انسى حبيبي



لاتظـن انـسـى هواك



قلبـي لحـظـه ماسلاك



لاحـيــاه الا مـعاك




حبّنـي اكـثـر حبيـبـي


وسلامتكم
ناديه حسين
04-22-2009, 09:28 PM
هزج


خطا الاشواق



وربّي مابغيت أبعد انا لـك ياالغلا أشتـاق

ذبحني الشوق بغيابك وثارت فيني ظنونـي



ووالله مابغيت أبعـد أنـا أعمتنـي الاشـواق

شكوكي أحرقت قلبي وزادت حـرة شجونـي



انا ززادت بيا الاشواق صدري من غيابك ضاق

وصرت اغضب وأتملل واشك وألعن بْكونـي



شعور الوحده والحرمان وسهْراتي مع الاوراق

وشي ماصار بايامك وكيف تحـس بطعونـي؟



وجيت اشكي لك ظروفي وابشرح حاجتي لعناق

وثار الدم بعروقي غضبت ورجعت ظنوني



وربي ماطرى فبالـي نهايتنا تكون فـراق

ولاظنيت أتغربـل وأفقد روح وعيوني



حبيبي يكفي ماجاني غيابـك شي ماينطـاق

تخليني على النيران وعايش منْعم بْدونـي !



بكيفك ابعد وجافي وعاقبني علـى الاشـواق

نويت اسكت وأتصبّر الين اشواقي ينسونـي
وسلامتكـم
ناديه حسين
04-22-2009, 09:30 PM
رمل


أجمل غرام




آه ياأجمل غرام

المشاعر بأنسجام

كل يوم اسهر معك

وانتظر واتعب انام



كنت اشوفك في الخيال

واعشقك بعد و وصال

وارسمك في دفتري

حلم من نور وظلال


كنت اشوفك في السراب

واسمعك صمت وعذاب

واتبعـك وانتـه بعـيـد

واكتبك قصـة غيـاب




ماعرفت إيش داخلـك

كنت احسبك مستحيـل
ويـوم بيـن آخــرك

ابتدى العمر الجميـل




آه يـاعـذب الـمــا

ارتسـم فينـي الظـمـا

آه والجـيـات خـيـر

وابتدى هـرج الومـا


شفـت بعيونـك ولع

يتعب بدونـي يجـوع

شوقك الخافـي طلـع

قلت: وينـك ياقطـوع




شفـت حبـك ويلي آه

شفـت بعيـونك غزل

انصهر فينـي قصيـد

وانتثـر ورد ونـفـل

وسلامتكم
ناديه حسين
04-22-2009, 09:31 PM
صخري رقيق :)



أحـبـــــك




ياكل الحب ياصدق من رعانـي



قدرنا نلتقـي وبيـوم موعـود




احبك قلـب عاشـق اهتوانـي



احبك حـب بهالايـام مفقـود




احبك روح رجعت فـي كيانـي



احبك شوق دايم دوم موجـود




احبك حزن لامسني وشجانـي



أحبك آه بكل احساسها تجـود




احبك طيف فـي غربة زمانـي



انادي لك تجاوب: (تم) يانـود




احبك وجد عايش فـي كيانـي



تحب حضني وكنّك ليّا مولـود




احبك عشـق للجنـه هدانـي



ودرب العشق للنيران ممـدود




احبك توت طعمه شكـل ثانـي



كذا مثل العنب مخلوط بـورود




احبك ويل مـا يفتـر ثوانـي



كذا مثل الخبال لصاحبه مـود




ياشوقي للخفوق اللي دعانـي



قبل مايقول احبك شوقي له زود




احبك موت واحيا فيـك ثانـي



كذا أطمح تحبني لابعـد حـدود

وسلامتكم
ناديه حسين
04-22-2009, 09:32 PM
صخري



تقول الراويه




تقـول الراويـه: وتذيع الاخبار
حكاوي عن زمـن عافـوه ناسـه

تقصّ تقول : به فارس ومغـوار
حكيـم ومتـزن عنـده فـراسـه

ركب راسه تحـدى كـل الاخطـار
لجل عيـن المعنـى لجـل راسـه

ولعيونـه كتـب منشـور ثــوّار
ولعيونـه درس فـن السيـاسـه

وقف بصمود قـاوم سـادة الـدار
سقاهـم طلسـم الاحرار كاسـه

عطاهم درس في الاصرار ماصـار
علـي نهـج الدماثـه والكياسـه

وقالوا عـن هذاك الحر كـرّار
وقالوا عن كريـم الأصـل ماسـه

وبعض القوم قالـوا صايبـه زار
وزادوا بهرجهـم فيـه الحماسـه

ولامه في العواذل شخـص ثرثـار
صبر ثم اكتئـب ثـم قـام داسـه

واقنعهم بعـد ماشافـوا الاصـرار
وقالوا عنه صـادق فـي حواسـه

وراح لصاحبـه يعطيـه الاخبـار
بيـدّّه رايتـه وتـاجـه بـراسـه

رماه برمية(ن) مـن غيـر انـذار
بعد ذاك التعـب صاحبـه حاسـه

وقف ساعه ونفض عن وجهه غْبار
وبعيونـه ظهـر لـون التعاسـه

رجع للدار مصـدوم(ن) ومنهار
وواسـوه القرايـب شـدوا باسـه

وجاله صاحبه مـن بعـد ماجـار
يقدم له عذر يوصـف لـه ياسـه

ولكـن مايفيـد اليـوم اعــذار
ولايمكـن يـرد عهـد الونـاسـه

وحتى لو يبـي يرجـع للاخطـار
فقد مـن يدعمـه بعـد انتكاسـه

ولا يمكن يغيـر شـي لـو طـار
هله شالوه مـن عـرش الرئاسـه


وسلامتكم
ناديه حسين
04-22-2009, 09:35 PM
[size=5][align=cمكرر
ناديه حسين
04-22-2009, 09:37 PM
مروبع بسيط


احساسي





وش همني لو تكون اليوم ناسيني



بكره تذكر غرامي وترجع تجينـي



عندي وثايق تقول ان انت هاويني



احساسي بكبر حبك يعرفه احساسي





احساسي صادق وهو دايم يكلمني



يقول: عاشق عيونك عنك علمنـي



ويطول بعدك وهجرانـك يآلمنـي



وفجأه ألعن هواك والّعن احساسي





احساسي واهم بحبك من كثر حبي



يحق لي اكتئب واحتـاس ياربـي



ياربي صعبه الحقيقه وانكسر قلبي



مابين كذبه علي وكذب احساسـي

وسلامتكم
ناديه حسين
04-22-2009, 09:38 PM
صخري


زمن الاشواق




ثلاثه فصول مـرّت بالثوانـي

وباقي من زمن اشواقي ساعه



اخذك الوقت ونسيت الأمانـي

وانا اشواقي مع اجحافك ضياعه



اذا باكر رحل يرحـل حناني

وبتأكّـد اذا حبّـك اشـاعـه


يمر الوقت انا بعدى بمكانـي

وياسي اسدل بروحي شراعه



يذكّرني بجفـاه وشـي ثانـي

سواليفه فـي ايـام القطاعـه



يحرضني اصـدّه لـو بغانـي

ولو جاني ابادر فـي وداعـه


ولاتستغرب اذا قلبي عصانـي
رفض وصلك وفضّل التياعـه


زهدت وما بي أي شي من اناني

رغم شوقي تعلمـت القناعـه



قدرت انسى في لحظه من نساني

ولاباقي بزمن اشواقي ساعـه

وسلامتكم
ناديه حسين
04-22-2009, 09:40 PM
شيباني


بعيـــــــــــد




بعيد وعندك أشواقـي تهـد الحيـل ماترحـم



ولاظني بشوفك يـوم أظـن بيطـوّل غيابـك




أبتهيا لجحيم البعد وحرقـة قلبـي المغـرم



ابترجّى يمر طيفك ولااجـرح شـئ بعتابـك




بعيده ديارك وروحي وروحـك شملهـا يلتـم



رغم أنف الغياب آجي حبيبـه توقـف ببابـك




أشوفك قاعد بروحـك ولاهمـك بكثـر الغـم



تحاول تجلي احزانك وتجمع شمل أصحابـك




تحاول تنسي حرمانك تحاول تحتمي بالوهـم



تخيـل إنـك تقـاوم وكـل النـاس أحبابـك




واشوفك قاعد تسّلـم لكـل مـن مـر تتبسـم



واناادري باكر تجينـي بعـد ماتحسـب حسابـك




حبيبي أدري تحبني ومالي ومال حـرق الـدم



انا ادري بك تحبني موت ومن نفسك انا ادرى بك




حبيبـي والله مالومـك إذا تـدور دوى للهم



شجون الهم ياعمري خطيـره تهـز اعصابـك




تسلّى قد ماتقدر في قلبـي لـك حنـان الأم



ولكن إنتبه تغلـط وتنسـى أم تحيـا بـك




حبيبي إنتبه تنسى انا بحـرك وإنـت اليـم



أنا بحرك انا حبك انـا بااعيـش بسبابـك




تخليني بعمرك حب خلينـي حقيقـه وحلـم



عسى هالوقت يجمعنا وتهنابـي وأهنـا بـك




ابي قلبك مثل قلبي سليم وجعله لـي يسلـم



أبي حبك مثل حبي أبـد ماييمـوت بغيابـك


وسلامتكم
ناديه حسين
04-22-2009, 09:43 PM
رباعيات امي



توحشيني




توحشيني يا ضيـا قلبـي وعينـي



توحشيني ياهنا عمـري وسنينـي



توحشيني واه من طـول المسافـة



توحشيني وفاض بي شوقي وحنيني



افقـدك وافقـد كلامـك ياحنونـه



من يواسي قلبي بلحظـة شجونـه



افقدك واتمني احط راسي بصـدرك



تمسحي دمعة فراقك مـن عيونـه




اه يا امـي ولـو تـدري بحالـي



عذبتني الآه وهموم الليالي



ولـو الاقيكـي بجنبـي ماابالـي



في عيونك كـل اسـرار الحنـان




اضحك وافرح وانسي كـل غمـي



ونسي اصناف القهر واضحك لهمي



واكتفي بضمة حنان بحضن امـي



مير ياامي رحتي وضـاع الامـان



ياالاهـي ارحـم الروح الحبيبـه



حطّهـا بجوارسيّـدنـا وقريـبـه



حطها بجـوار سيدنـا وصحيبـه



تغتسل كـل يـوم بزهـور وبـرد



خذ صلاتي خـذ زكاتـي ياكريـم



زيد فيهـا كفّـة القلـب الرحيـم



ماابـي الا رضاهـا مـن رضـاك



ياالاهي وخفـف الحـزن المقيـم





يمه انا بدونك تفطّر قلبـي فينـي



يمه انا بدونك حزينـه سامحينـي



يمه انا اتمني ولا يمكـن تجينـي



يمه حتى الكون من دونـك يتيـم
وسلامتكم
ناديه حسين
04-22-2009, 09:47 PM
حكاية ابراج




مشاعر تايهه جيتـك اجـر القـاف باصدائـي



علي الشيباني الموزون بالاحساس ع الملّي




بسلم واقعد قبالك واسولف لـك مـن ايحائـي



حكاية حب في عمـري عسـى تعجبـك وتسلـي




عشقته حوتي الأكحل وسيـم وثائـر ومائـي



عشقته حيل واغليته هويته صـار لـي ظلـي




يحاسبني علـي الكلمـه واذا جاريـت اكفائـي



ونا اكتب له ولعيونـه وكلـي يعشقـه كلـي




واذا اكتب له قصيدة حب قلب بائي علي حائـي



يشـك ويقلـب الدنيـا ويصبـح (بح)ويولـي




حبيبي غيرته عميا بلحظـه يصيـر غوغائـي



غريبه حالتـه والله وعفاريتـي تسـاون لـي




يقولوا الحوت مايقـدر علـي ويـلات لأوائـي



هوائيه واخلـي الحـوت يقعد بعـد مايعلّـي




واذا بيصد من لاشـي ابقلـب حائـي وبائـي



بجيب الراء بعد الحـاء واحـط البـاء واهلـي




بزهب له بواريـدي هـلا بـك ياهـلا برائـي



ابتهيـا لجحيـم الشـر بسوّي فيه مااخلي




افكر احرق اعصابه نويتـه قصـف عشوائـي



ووحده تخيب واللي تصيب تطفي لي بعض غلي




انا بعمري ظما صحرا وعيني لبرجـه المائـي



واناظر فيه واتحسـر ولاشـرب لا ولا املـي




انا ودي لي بصاحب خفيـف الـروح جوزائـي



طباعه تشبه طباعي ويعـرف كيـف يوصلـي




وسلامتكم
ناديه حسين
04-22-2009, 09:48 PM
صخري


قليل الحظ





قليـل الحـظ يافاقـد حنـانـي
تجافيني علـى كيفـك ومغبـون


ذبحنـي طبعـك وقولـك تبانـي
ذبحني العاشق اللي طبعه جنـون

علـى مـر الدقايـق والثوانـي
تفكر بي وكلـك هـم وشجـون


تبي ارضي معك ذلـي وهوانـي
وانا ما اقدر وتعرف عزتي اشلون


تبـي تزعـل وتتركنـي اعانـي
على كيفك تغيب وليتـك تخـون


تمـوت بدنيتـي كـل الامـانـي
وتبقـي حبـي الاول ولاتهـون


ولـو قلبـك تجاهلنـي ونساني
حبيبي انت روحي وضي العيـون


ولو ربي خلق لـي قلـب ثانـي
احبك ايه احبـك كيـف ماتكـون


وجـودك فـي خيالاتـي كفانـي
اعيش بعزتي واملك بها الكـون


هويت بقلبك وطبعـك عصانـي
علي كيفك حبيبي حبنـي بـدون


بلا ماتشوف او تلحـق زمانـي
نصيبك من تحب تعيش محـزون

وسلامتكم
ناديه حسين
04-22-2009, 09:49 PM
رمل نداوي


ليالي العاشقين




ارسم الماضـي وهـم



وابتسـم ربّك يعين



قول: ودّعـت الألم



واحتسب هم السنين




ياليالـي الالتيـاع



في متاهات الصـراع



مابقي غيـر الـوداع



ووعدك مافي ضياع




انتهي فينـا الطريـق



لاصديق ولا رفيق



والحقيقـه مانضيـق



نشكر المولى الشفيق




يوم اعطانـا الرضى



مانبي غيـر ه بديـل



والغريبـه يـا رحيل



كنت اظنّـه مستحيل




ايه عشنا في السنيـن



شفنا انـواع المحـن



ايـه جربّنـا الفـرح



والتعاسـه والحـزن



ومابقي غير الحنيـن



حلمنا بجنـة عـدن




يا ليالـي العاشقيـن



والنوافـل والصـلاه



وابتهـالات المسـاء



والمحبـه والـدعـاء




يامغيث الصابرين


وسلامتكم
ناديه حسين
04-22-2009, 09:53 PM
رمل



وردة العشاق




وردتي ذبلت وبكره جاي عيد



عيد مافي عيد في عندي حداد؟




وردة العشاق ذبلت في الجليد



والغصن اصفر وكاسيه السواد




وين وعدك وين حبك يابعيد



عادت الاعياد ما عاد الوداد




والهجر جارح ويقتلني اكيد



الهجر كايد وليه بس الكياد




ليه ماتسأل أيا حبي الوحيد



ليه متجاهل ولاهمك بعاد




وبزمن باهت ليالينا تقيد



شمعة الاشواق في ليل السهاد




ماتبي تعيّد وبغرورك سعيد



ليه تخلي الكون بعيوني سواد




قل لبياع النفل والورد حيد



باالسلامه روّح العالم رقاد




لملم و رودك وشف لك شي جديد



الوفا نايم ترى الموسم كساد

وسلامتكم
ناديه حسين
04-22-2009, 09:55 PM
بحر الممتد


شوق عدّا




شوق عدّا وراح بدون رجعه



لاتظنه يـرد ثانـي لمكانـه




وقت عدّا وهذا الوقت طبعـه



مثل طبعك وماتهمـه الخيانـه




مايعرف الوفا خـوّان ربعـه



وامنياته اجي اطلـب أمانـه




واعلم اني بوادعك واودعـه



واني اقدر علي ردّ الاهانـه




ادري حبك رياء وكان سمعه



مادروا الناس عن قصة هوانا




مادروا اني بليل الحب شمعه



واحتراقي لجل اقهر عدانا




مابقى الا الندم بعيوني لوعه



هي حقيقه وخذهـا للامانـه




شوق وعدّا وراح بدون رجعه



وقت عّدا ونسى أول زمانه

وسلامتكم
ناديه حسين
04-22-2009, 09:56 PM
صخري


سلطانة زماني




عشقني الشوق ولقصره دعاني



وطمّني وطلبني القرب مني




هويته مدري هو اللي اهتواني



سكنته مدري هو اللي سكني




وكتبت الشوق لعيونك اغاني



وقال الناس بالاشواق عني




قصايد حب تشهق بالمعاني



يغص بشجوها صوت المغني




تهيّض كلّ قاصي وكلّ داني



وكل هاجر لمحبوبه يحني




انا بالشوق سلطانة زماني



عشقته لجل عينك ياالمعنّي




حرام عيونك الحلوه تعاني



وتحسب أني وإني وإني




حبيبي انت والشوق بكياني



وشوقي لك ولعيونك اغني


وسلامتكم
ناديه حسين
04-22-2009, 09:58 PM
رمل


السموحه





اطمئـن مابـه مـجـال



لاتفكـر فـي المـحـال




انتهـى عمـر العـذاب



فـي متاهـات الخيـال




اطمئـن مابه جـديـد



انتهـي فينـي الطمـوح




مابقي في القلب نبـض



مابقي في الـروح روح




مابقـي غيـر الجـسـد



ساكن بحمـى الجـروح





كل يـوم يمـر اقـول :



باكـر جروحـي تطيـب




مـيـر زادت علـتـي



ومايداويهـا الطبـيـب




والوجـع ويـا الأسـى



سبّـة المـوت القريـب





يامتـاهـات الظـنـون



ماتخيلتـي المنـون ؟!!




مابقى في العمـر شـي



غيـر لحظـه ماتهـون





لاتصـور باقـي شــي



مابقـى غيـر الرحيـل




التفـت صوبـي شـوي



ناظـر الحـال العلـيـل




ما احـس تفهـم علـي



تعتقـد حزنـي قلـيـل





انقطـع فينـي الشعـور



ناحت لعمـرى الطيـور




حسـت قـدوم الخطـر



شوفهـا فوقـي تـدور




وانت عاجز لاتشوف !!!!



فيك ريبه وفيك خـوف




ياحسـافـه مـلـتـوي



ماتشوف اللي تشوف





ياحيـاتـي وياهـنـاي



كنت ابي نفـرح سـوى




كنت ابي القـى الحنـان



والقـى بااحضانـك دوى




لكـن الله اللـي قـسـم



وانتهـى عمـر الهـوى





المهـم ابقـى بخـيـر



واحتسب هـذا المصيـر




باكـر ارحــل لـلأبـد



اذكـر اليـوم الأخـيـر





لـو لفـا بيـوم الخبـر



احـذر بكونـك تضيـق




واحتسب هـذا المصـاب



لاصـراخ ولاشهـيـق





لاصـراخ ولا نحـيـب



باكـر جروحـك تطيـب




ابتسـم بسمـة رضـى



والسموحـه ياحبـيـب
وسـلامـتـكـم
ناديه حسين
04-22-2009, 10:01 PM
رمل مبتكر = (نداوي)


لاتكابر


يعرف الخفاق منك ويش يريـده
في جوارك كنت او دنيا بعيـدة

لا تـقـول انــك مـسـافـر
شــدّ لــي بالله خـاطــر
يــوم مــا تبـعـد تكـابـر
وماتـسـع هـمـي الدفـاتـر

ماتسع همي ولو اكتب جريـدة
ماأبي ترحل ولا قولـك عنيـدة
ما تسع همي ونابدونك شريـده
كيف لو تختار لك دنيـا جديـده



قلبي اللي مابعـد ابتـل ريقـه
ينصهر باشواقي وصاير حريقه

اه مــن كـثـر الـمـواجـع
طيـري المـحـزون سـاجـع
قلـبـه الـبـاكـي يـطـالـع
مايـبـي يشـوفـك تــوادع

مايسع همه انا بهمـه غريقـه
كيف لو تختار لك غيري عشيقه
ذنبي بجنبك وشف لك أي طريقه
ما ابي بعدك ولا يمكـن اطيقـه


من عذابك رحمتن بي ياحبيـب
لحظتن يانـور عينـي ماتغيـب

كيـف تبعـد ؟ ماااأسامـح
والألـم فـي الوجـد طـافـح
والهـجـر للقـلـب جــارح
آه لــو امـلـك جـوانــح

كنت احلق من صباحي للغروب
يادوى همي وماغيـرك طبيـب
كنت تلقاني علي بابـك الـوب
من طلوع الشمس لي حد المغيب

حس بي هذا ترى آخر عتاب
وان تروح تزيد في قلبي العذاب
بحتسب ياحب واصبر ع المصاب
والقا بيكون في يوم الحساب وسلامتكم
ناديه حسين
04-22-2009, 10:03 PM
صخري


وتنساني

اخذت الروح وحتى اليوم ماجات
وانا قلبي علي روحي يحاتـي

وهي تعشق وتنكر لجلك الـذات
وليه قلبك عليها حيـل عاتـي

رميت الروح في دنيا المتاهات
وكن ماكنت لك اوهـب حياتـي

تعذبهـا بصـد مـرات ومـرات
تهاونت بمصابي يابلاتي

تعب قلبي بعد ماقلتلـي مـات
حبيبي اللي تسبب فـي وفاتـي

وتنساني وتجحـد كـل مافـات
وانا ادري خابت اليوم امنياتـي

وتلقاني علـي كـل المحطـات
وانا ابكيك مسحـوب وبياتـي


وارد اذكر تفاصيـل الحكايـات
وانا ادعي ربي يقـدر نجاتـي

تعب قلبي بعد هـذي النهايـات
الا ياكيـف بنسـي ذكرياتـي

متى ترجع لي يا كل المسـرات
متي ترجع تشاركنـي حياتـي

وسلامتكم
ناديه حسين
04-22-2009, 10:07 PM
بحر الرجز




العشق

العشـق هـذي علّتـه يهدي ألـم يهـدي دوى
تلقى المحب في غربتـه يشكي من الحرمان عوق

مسكين ياقلبي الشقـي عمرك بأحزانه ضـوى
ذكرى الهوى دايم تمـر وتترك بجوفك حـروق

ولي ذكرت اللي مضى تصيبني حمّـي النوى
فجأه يرد فينـي الامـل يسكب بروده في العروق

عجيب يـا هـذا الجوى حامض حلو ياذا الهوى
عذّبتنا بأجمـل عيون اغرقتنا في بحور شوق

أعانق أشواقـي وانا حزني على همي طوى
فجأه وانا بعزّ العطـش تجيني من عندك بـروق

ماادري بنهاية قصّتـي الحامض بقلبـي لـوي
ودّي انا بعمري معك والا أنـام ومـا أفـوق

وسلامتكم




وسلامتكم
ناديه حسين
04-22-2009, 10:10 PM
البسيط


حكم القوي


حكم القوي ع القوي يحرق حريقه
حكم القوي ع القـوي كلـه اذيـه

قال القوي اكتبي وهاتـي وثيقـه
يبي اعتذر له وهو مخطـي عليـه

وانا احبـه وفراقـه مـا اطيقـه
قررت له اعتذر وارجـع رضيّـه

سر ياقلم واكتب بخطـوه رشيقـه
وانثر على الكون ورداتي النديـه

اشرح عنا حالتي بصرخه غريقـه
واحذر كلامك يـرد نقمـه عليـا

ادري قصيدي يجيب لقلبه ضيقـه
يشوفه كنّه سمـوم بنـاب حيّـه

وسكوتي أفضل وهو أسلم طريقـه
لكن تجنّى القـوي هـد ّ القويـه

كيف اعتذرله وانا بوسط الحريقه ؟
.أقول تسلم لويـت القلـب ليـّا ؟

ارسلت لي حجار سجيـل بدقيقـه
جتني قويّـه .. وياهـي مسّتويـه

ومن سواتك عرفـت الله حقيقـه
شمشون قبلـك خلقّـه الله عتيـا

يبي اعتذر له واقدّم لـه وثيقـه؟
امام كل البشـر و ارسـل هديّـه ؟:smi49:

قلت اعتذرله بكـم جملـه أنيقـه
مير احتسب قلبي وجرحـي عليـه

كتبت له اعتبرني لك شقيقه
وحس باحسـاس الارواح الأبيـه

أبقصـر الشـر بعـدك ماأطيقـه
آبقصر الشـر ميـر الشـر عيـّا


وسلامتكم
ناديه حسين
04-22-2009, 10:13 PM
صخري


ثورة الثلج

هوى قلبك على من جاته بغنج
صدى نبضك يجاريـه ويلبـي

وعقلي مابقى به لو تبي بـرج
حسافه ماعرفت تصون حبـي

واثر طبعك هواوي مقوي وصج
تبي ارضخ وسايـرك واخبـي

بعيده عن شوارب خاطـرك دج
طلبتك روح لاتوقـف بدربـي

ماينفعك الكلام وكثـرة الهـرج
وابي ارحل و ماتحلـم بقربـي

وهذي هي بداية ثـورة الثلـج
اواجه واشتكـي منـّك لربـي

انا حتي حرام ازعل و احتـج
تعاقبني وكـن الذنـب ذنبـي

تعاندنـي اذا لمتـك أوتـْسـج
ولاهمك بحزن يصيـب قلبـي

ومو طبعي انْفعل او حيل ارتج
اذا حسيت انـّك خنـت حبـي

انا طبعي الم الجـرح وآهـج
هلا بأول قطـار يمـر ّجنبـي




وسلامتكم
ناديه حسين
04-22-2009, 10:17 PM
على الشيباني


فارس احلامي



أنا احبك أنا اودك انا مااقدروكيـف اصبـر

على بعدك على الفرقا علي شوقي لأعيانك




تخيّـل كثـرأشواقـك واشواقـي اذا تـقـدر

وكل ليله قضيناها مـع احزانـي واحزانك




بتلقي شوقي فى غيابك عذابي وحزني الأكبـر

وكيف اصبر علي حالي وحرمانـي وحرمانـك




حبيبي هذي اقـداري أحبـك كـل يـوم اكثـر

واعيش بغربة ايامي وهمـي آصـل اوطانـك




حبيبي لو انا ابكـي واشكـي حظـي الأغبـر

حقيقه بفقدعيونـي وتفقـد أغلـى خلانـك




حبيبي بنسي احزاني علي شاطي ولـه احمـر

واضمك حيل بإحساسي وعيش بدفىء شطئانك




رسمتك داخل احساسي بصوره وبكره تتبلور

ويمكن اكتبك ديوان والقى اسمي بديوانك




اشوفك كل يوم تمر بهيبة فارسي الأشعر

وانا سمع قلبك يدندن ويرقص قلبي لالحانك




ابرسم لك معاني الحب رقيقه همسهـا يسحـر

ولحّن لك من اشواقي قصيد يهيـّض اشجانـك




وانااوصف شوقي لعيونك احـس الهـرج يتعثّـر

سحر ذيك العيـون الحـور يوميلـي بأجفانـك




وسامحني اذا المعنى خذلني ومن خجـل قصّـر

أنا ان قمـت اتغـّزل احـسّ القلـب ماصانـك




ولكن بكتب احساسي وبلّـغ طيـري الأخضـر

يوّصّل لك رسالة شوق يرميها فـي أحضانـك




خياليّة علـي مـودك واحبـك حيـل واتصبـر

واذا ربي عطانا حظ بشوفـك والحـق ازمانـك




وبلبـس ثوبـي الابيـض وبتكحـل واتعطّـر

وبنقش لجلك كفوفي وتحملني علـي حصانـك




بشوف الحين بسماتك علي وجناتـك السكـر

وكن اسمعك تهمس لي :فديتك صح لي لسانـك

وسلامتكم
ناديه حسين
04-22-2009, 10:19 PM
هزج نداوي



تمادا


تمـادى اكثـر واكثـر
وعـذّب قـد ّماتقـدر
تمادى واكسر الخاطـر
تبي تهاجر بعد هاجـر
تناسا ذكريات الامـس
واحذفني من الحاضـر
واحرق رقمي والاشعار
ولاتتـرك ولاتـذكـار
ويالله كمّـل البـاقـي
واحرقنـي اذا تقـدر

وسلامتكم
ناديه حسين
04-22-2009, 10:23 PM
رمل



عودة الشك

ليت مامدّيت لـك كفـّي اصافـح
شفت في عينك كذب ..ودّك جفانه

شفت في عينك غرور بغى سابح
يعجبك صوت الوله اللي برجانـه

الشكوك تحوم فوقك شي واضـح
كيف ابا اصدّق حنان اللي نسانـه

كنت اصدّقك بزمن وارجع اسامح
رغم اني كنت اشم ريحة خيانـه

ماتبي قربـي ومـاودك تصالـح
بكره يومك بكره بتواعـد فلانـه

بكره تحضنها هوى ماله ملامـح
حب غيري وخونني وخون الامانه

منك لله ياهوى كـاذب وجـارح
قلبك بجوفين مـا عنـده ديانـه

ليت مامديت كفّي لـك اصافـح
كان قلبك حس وشلـون الاهانـه

وسلامتكم
ناديه حسين
04-22-2009, 10:25 PM
صخري


ياقو قلبك

ياقو قلبـك رمانـي باالحريقـه
ويتنمرد علـي ويغـلّ فيّـه

أشوفه صامد وماشي بطريقـه
رفـع خشمـه ومتكبـر عليّـه

ذبحني بشـي لايمكـن أطيقـه
يبي يحسسنـي بكبـر الأسيّـه

يذوقني الألـم بأبشـع طريقـه
حرمني جنتـه واحرقلـي فيّـا

ياقو قلبك جحد عشـرة رفيقـه
وقف عاصي ومتمادي في غيّه

وكل لحظه يبي يخنـق خنيقـه
قلب دنيـاي مستضعـف قويّـه

ياقو قلبك عصي و هذي الحقيقه
عداني وصرت انا مثلك عصيّه

عجبني اسلوبك وبتبع طريقـه
لاتستغرب .. وقول اني غبيّـه

حياتي تستمر مافينـي ضيقـه
واذا جيتك فـلا تسلّـم عليّـه


وسلامتكم
ناديه حسين
04-22-2009, 10:30 PM
مجزوء الرجز


ليل الوله




تركتني في ليل الوله


وكنت ماتسأل علي


وكنت حيل تصدني


وكنت حارمني دفاك





اجيك اسأل تنفعل


وتقول لي : لا تسألي


واذا اتصل بك ماترد


ولاادري مني ويش جاك!!!





وجايني الليله تقول :


ليه مني تزعلي !!!!!!


صحيح ماعندك نظر


ويمكن غرورك عماك

وسلامتكم
ناديه حسين
04-22-2009, 10:32 PM
هزج


بقايا الامس



يقول ان الهـوي كـذاب


ويظلـم اكثـر الاحبـاب


ومن قال الهـوي كذبـه


همس لعيوني اجمل همس



اذا الموعد نسي عيونـي


وحاول يجـرح ظنونـي


فلاتقـول الهـوي كذبـه


وتجرح في بقايا الامـس



بقايـا الامـس اشواقـي


بقايـا الامـس اوراقـي


بقايـا الامـس اشواقـك


وكـل الذكريـات وبـس


وسلامتكم
ناديه حسين
04-22-2009, 10:33 PM
رمل


اشواق الغرام


ياوجودي باقـي بنفسـي كـلام
ليه مستعجل علي يـوم الرحيـل

الفـراق المـر واشبـاح الظـلام
والعذاب اللي بعد وصلـي بديـل

ذكريات الامس واشـواق الغـرام
مااظـن تقـدر عليهـم مستحيـل

حتى انـا مااقـدر اقـوم ولاانـام
العذاب اللي بعـد عينـك طويـل

لو تـروح تردّلـي باكـر تمـام
ترجع الخطوه صفر من ألف ميـل

من هنـا لهنـاك مانلنـا المـرام
والف حسره فاتنا العمـر الجميـل

في حضور الحب ماينفـع مـلام
والمشاعر ترفض تفـارق خليـل

شوقي في بعدك خذانـي للعـدام
كم سهرت الليـل ولحـدّ المقيـل

اخفي الاشواق عن عيـن الانـام
واطلب الخفّاق عن حبـك يميـل

لو تجي تحسـب نتايـج لانهـزام
يكفي لو ليلـه بدونـي والدليـل

مـرت الايـام ماشفنـا ســلام
هل نموت ؟او نلحق العمر الجميل؟

وسلامتكم
ناديه حسين
04-22-2009, 10:34 PM
صخري


دكتور اشواق


أنا كلّي وله بـه كلّـي اشـواق
وهو مثلي يزيد الشوق تشويـق

سكنّي ماترك احسـاس برفـاق
ينـاور باالرسايـل والطواريـق

يعيـن الله عاشـق مابعـد راق
وطاروقه يغـلّ القلـب تطويـق

واشاوق له حبيب الروح مشتاق
ولاغيري ابـد لاشواقـه تليـق

وفاجئني الحلو بشـلال رقـراق
رسايل تنتشـى منهـا المعاليـق

حشاشة روحه الحلوه ياعشّـاق
عسل صافي و رسل مليون ابريق

سلاف الشوق والاشـواق دفّـاق
مشاعر تبهج قلـوب المعاشيـق

حبيبي ذا ملك دكتـور اشـواق
يداوي من ضناه الشوق مايطيق

وودّه نلتقي من عقـب الفـراق
وودّي بدندنه ونشبـع طواريـق

ولكن ماحصـل والوقـت بـوّاق
وعدنا وماصدق راعي التواهيق

حبيبي ياحياتـي خذنـي ببـراق
نسافـر مانبـي معنـا مخاليـق

ياويلي والمسافـه بعـد الافـاق
وهمّي بحت به من بعـد تعتيـق

حبيبي راح يم المـوت ماطـاق
وانا للحين اشاوق له وبي ضيق
وسلامتكم
ناديه حسين
04-22-2009, 10:36 PM
؟؟؟؟؟؟؟؟؟؟؟؟؟؟؟؟
ناديه حسين
04-22-2009, 10:37 PM
بسيط (هجيني)


نعمة النسيان



لو مارحمني الرحيـم وجمّـل الآتـي

تلقاني بين البشـر مجنونـه احاتـي

واحكي لأهل الهـوي أبشـع حكاياتـي

والحمد لله خلـق باالذاكـره نسيـان



كنـت بغيابـك يمامـه بالولـه بـردا

حمي العطش وش بها غير الفنا بعـدا

تعصف رياح الوجع تحرقنـي النهـدا

من وين القي الدوى لو ماانخلق نسيان



نظمت كل القصايد بالولـه والشـوق

وأحرقت قلب الورق من قلبي المحروق

تشره علي القصايد لاهجرت الشوق

تبيني ارجع واحبـك واكتبـك حرمـان



تبيني ارجع لماضي عشتـه لاحزاني

غيره ودموع والم لوعـات حرمانـي

مابي احبك خلص مابي احـب ثانـي

لاتشرهي ياقصايد لعن ابـو الحرمـان



مابي اجي له انا وش تالـي رجوعـي

مابي تعود الحرايـق نـار بضلوعـي

اليوم قلبي معي ماشي علـى طوعـي

والشكـر لله عطانـا نعمـة النسيـان

وسلامتـكـم
ناديه حسين
04-22-2009, 10:39 PM
رمل


كنت


كنت احبك حب مجنونـه لمجنـون
كان حبـك كبـر هالدنيـا واكبـر

كنت احسك قلب بالاحساس دنـدون
واثر حبـك مـن خيالاتـي تحـدّر

فيك مصدومه ولابو حـس مغبـون
من طعونك دمعـي الغالـي تنثـر

قلت اعاتب قال قلبي ليش واشلون ؟
لا تلومي انسان قلبـه قـد تحجـر

السكوت ابلغ وروحي الحرّه ماتهون
ليش أزّود من غرور اللـي تكبـر

لا عتاب و لا عيون الحب يبكـون
دام انا اقدر على الهجران اقدر

قوتي من عند ربي ربي لي عـون
وان تكّبر يـا ولـد .. الله واكبـر

وسلامتكم
ناديه حسين
04-22-2009, 10:41 PM
شيباني


تعبنا


تعبنا يـا زمـن منّـك بتآخـذ مننـا الأحبـاب
تبهذلنـا وتغربلنـا وتقهرنـي بضيـا عيـنـي

حبيبي دنيتي عمري توارى عن عيونـي غـاب
وكيف اسعـد بايامـي بدونـه تآقـف سنينـي

خياله ساكن بروحـي وحبـه فـي دمايـا ذاب
وكيف ارتاح في غيابه وهـو داخـل شراينـي

حبيبي كل اصحابي بدونـه مابقالـي اصحـاب
سوى ونّاتـي والآهـه وغصـه دوم تشقينـي

تهاوت روحي من فرقاه وقلبي يازمانـي شـاب
وصار الموت يتحـدى بنـار اشواقـي ينهينـي

قدرت اصبر علي بلواي كيف اصبر وهو منصاب
عذابه يتعب اعصابـي هويتـه وادري هاوينـي

أنا ادري به يهوجس بي ويدري بقلبي المكتـاب
و شوف تناظر بعينـي تبـي للمـوت ترمينـي

حبيبي يابعد روحي تصبّر كـل شـيء بكتـاب
عسي ربـي يواسينـا ويجمـع بينـك وبينـي

في دنيا مالها صاحـب تحمّلنـا ألـم وصعـاب
رضيت بصبر ياخذني الي آخـر رمـق فينـي

عسي الرحمن يآجرنا بجنّه من نخـل واعنـاب
واشوفك عقب ماضاع الرجـا بايامـي تجينـي

وتهنابـي واهنابـك بجنّـة خـلـد للاحـبـاب
هناك القـاك واتحـرّى اضمّـك يابعـد عينـي


وسلامتكم
ناديه حسين
04-22-2009, 10:43 PM
رمل

جاني

جاني ودموعه في عينه


يد ري ماشـي بيدينـه


قام يحكي في الفـراغ


مرتبش حالتـه شينـه






قلـت: روّح لاسمـاح


لاتجـي يـم الجـراح


تختفي وترجـع تعـود


وكن انا لك مستـراح !






أعرفك مالـك صديـق


مافـي بقلبـك غـرام


مايهـمـك أي شــي


لاعـتـاب ولامــلام


ماسألت الضـيّ نـور


لانـك تحـب الظـلام


والنهـار اللـي فقـدك


عايش بدونـك سـلام


ماسألت الصمت حرف


ماتبـي تسمـع كـلام


الحكـي كلّـه وجــع


والف حسـره ياكـلام






الشـوارع والبـيـوت


من مشاويـرك تخـاف


واللي اضناها السكوت


صابهـا منـك جفـاف






دام ماعـنـدك وفــا


سهل تتمـادى بطيـش


تدري ماعنـدك عـذر


ليش تتأسف و ليـش !


ونت عـارف غلطتـك


طنّش وانسى وعيـش






لاتقـول :باقـي علـي


ماتصوّر باقـي شـي


لاتقـول انـي هـواك


هدّي اعصابك شـوي






روح لاترجـي سمـاح


روح يكفينـي جـراح


وش تبي ؟ ارجع لحب؟


لاأراح ولا استـراح !






راح والدمعه في عينه


يدري ماشـي بيدينـه


ضاع تايه في الفـراغ


و اختفى وسط المدينه

وسلامتكم
ناديه حسين
04-22-2009, 10:49 PM
صخري

صدى للعنيده

انا اقدر ابتعـد عنـك زيـاده
انا اقدر اتركك وارجع وحيـده

وتتحـول سعادتنـا لنـكـاده
و أقدر انسحب وابقـى بعيـده

ولو اعشقك لي حـد العبـاده
اذا مااثبـتّ حبـك مـااريـده

وخذ منـي ابعطيـك الافـاده
علي قدر العطا وصلي ازيـده

انا في الناقصه كلـي حقـاده
وانا في الوافيه اصبح قصيـده

اصير السيل جـارف لاهـواده
اصير النص و الفكره الجديـده

احبك شوق مايهدى في بعـاده
احب اشواقك في بعدي وقيـده

تجيب الصابي من بعد ارتـداده
تجيبـه جـاي وقليبـه بإيـده

علي يّـدي يتلفّـظ بالشهـاده
وافـرح يـوم انّـي استعيـده

يهل الفرح وطيـور السعـاده
تشارك قلبي المغـرم نشيـده

ياعاشقني انا عشقـي مـداده
من احساسي بمشاعر ك الاكيده

حبيبـي ماتناسبنـي الـبـلاده
واذا شوقك نقص اعرف ابيده

ولو حقّي نقص عندي جـلاده
انا اعرف كيف ارده جاي سيده

اكب الزيت في موسم حصـاده
واشب النار في يابس جريـده

واغيظ عيونك بمنظـر رمـاده
بعد ماكان لـك جنّـه فريـده

ولايهمني بحزنـك واشتـداده
عنيده إيه انا (أكبـر عنيـده)

وسلامتكم
خشان خشان
04-23-2009, 12:35 PM
على بحر الصخر (الوافر)

3 4 3 4 3 2



[COLOR="DarkRed"]يدق

يدق الباب وقليبي يدقدق
ياويلي من عيونك وش وراها


على قد العيون اللي تعلّق
عيونك مايعلقني سواها


غموض البحربعيونك يشوّق
ونار الشوق فيني من لظاها


هدبها يجذب و قاصد يغرّق
وانا ودي وابي اغرق معاها




للشعر النبطي بعض الخصائص التي تميزه عن الفصيح ومن ذلك وجود قافيتين واحدة للصدر وأخرى للعجز. وكذلك قلة الزحافات أو انعدامها فيما عدا 4 في أول البسيط و 4 في آخر الطويل.

هذه محاولة لنقل أجواء هذه الأبيات للفصحى على وجهين:

الأول : المحافظة على القافيتين


بدق الباب يا قلبي فدقدقْ = ويا ويلي عيونك ما وراها
وكم عينٍ إذا نظرت تعلّقْ = عيونك ما يعلقني سواها
غموض البحر في عينٍ يشوّقْ= ونار الشوق تلفح من لظاها
وجذب الهدبِ إن يقصدْ يغرّق= ببئر ليس يعرف ما مداها

الثاني : التحرر من قافية الصدر مع تصرف أكبر في المضمون تقتضيه طلاقة الفصحى مضمونا ومستوى وطلاقة وزن


يد دقت على بابي فداها = فؤادي، إنما ماذا وراها
أحقا جئت ؟ أم أضغاث حلمٍ = بتخييل إلى سمعي تناهى
وعينك إذ تعلقني بشوقٍ = وليس معلقي أبدا سواها
أطوف بيمّها شرقا وغربا = فؤادي في اتساع البحر تاها
فسبحان الذي عينيك سوّى = وآتى نفسيَ الحرّى تُقاها

ليت بعض المشاركين الكرام يتناول على هذا النحو بعض الأبيات أو القصائد الأخرى مما حواه منتدى عروض النبطي.

ولعل ذلك يكون حافزا لشعراء النبطي لطرق ( دق ) باب الفصيح

مع التحية للأخت الأستاذة الشاعرة نادية الحسين
ناديه حسين
04-23-2009, 06:01 PM
ياهلا وغلا
مرحبتين استاذ خشان

الله عليك ابداع رهيب

للفصيح طعم ثاني .. لافض فوك

ومااجمله مع قافية الفصيج الواحدة

فتحت الموضوع الان وان شاء الله اساوي تحديث للقصائد وادراج ارقام البحور وتقطيع بيت من كل قصيده

لاعدمناك

ودمت بخير [/align]
ناديه حسين
04-24-2009, 07:15 AM
على بحر البسيط


وسواس


من كثرصمتك يجيني فيك وسواس
واتعب مع افكارتلعب في حواسي

قاصد تعذّب تحطّم فيني الاحساس؟
يحرقني صمتك على جمر المآسي

شهر زمن ساكت و ماقلت لاباس
ياكثر خوفي تملك فيني يآسي

ناسي وجودي وهاجرني بلا قياس
هو وين وعدك وقولك تاج راسي ؟

ووين حبك حبيبي وين هّماس ؟
ليكون قلبك لقى بغيري مراسي

صدري انْقبض من هواجس قلب وجّاس
ينوح وجده عليك وماتواسي

نسيتني بلحظه وكني بلا احساس
نسيت حالي ياحالي ليه ناسي ؟

ودي أجي لك واخاف تروح الانفاس
توقف بروحي قبل مااكمل لباسي

أبي أعاتب وودّع صابني ياس
أحس موتي لفا ومازلت قاسي
وسلامتكم
ناديه حسين
04-24-2009, 07:44 AM
همســـــــــــــــــــــــات وبحور




شيباني

الوفا



يضل الهاجر القاسي يغل بمهجة المهجور
ويبقى الحزن في الآخر عذاب يشل تفكيري

ومره اتخيلك ذاكر ومره اقول يامغرور
نسيت الحب والعشره وتنكر حبي وخيري

ومره تخونني الفكره واقول الخافقي معذور
ومره تصيب وعشره تخيب و تتبعثر معاذيري

يطير الطير في العالي ويرجع ثاني العصفور
ومازال الوفا موجود اكيد تعود ياطيري

وسلامتكم


ممتد



وسلامتكم

هجيني

للعيون السود


كتبت كل ّ القصايد والحبر اسود

حزني كبر في غيابك والوله أعود

عشقك كبر وسط قلبي شوق يتجدد

دمع الوله انتثر فرقا العيون السود

وسلامتكم





شيباني

عيون الشر


عسى من لامني ولامك يلاقيها فـي ايامه
عسى من ضامني وضامك يلاقي كل اسقامي


قلوب احقادها تظهر عيون الشـر ذمّامـه
تشوف الحب تحسدنا ويموت الحلم قدامـي


ذبحني الهم من بعدك وجسمي طاح بأسقامه
عسى مايجيك ماجاني عسى ماتذوق الامـي


وسلامتكم


شيباني

وتسأل


وتسأل كيف ايامي ووش سويـت بغيابـك
وحالي يابعد حالي مثل حالتك مـن دونـي


جبرني وقتي اتغرب وقلبي واقـف ببابـك
وافكر فيك وااتمنى وطيفك ساكن عيونـي


اشم الورد في خدّك وانا ارشف شهد عنّابك
والاقي الطيف يحضني جنونه يشبه جنوني



وسلامتكم

صخري


فلا تحلم



عسى اللي باعنـي مايشترينـي
ولو جاني بيحرجنـي وبصـدّه


وقل له : لو تشيب رموش عيني
من فراقـك فـلا تحلـم بـردّه

وسلامتكم

صخري

تروح الروح


تروح الروح تحسبني مع الناس
وانا قد مت وراحت مني روحي


جسد شامخ وواقف رافع الراس
وقلبي قد وقف ماكنت توحي


وسلامتكم


رمل

يالله الحقني


يالله الحقني تعال
ننثر المعني شعر


نسكن بروج الخيال
نعصر زهوره عطر


ماعلينا باللي راح
دام ينطرنا عمر


انتهي وقت الجراح
باقي نفرح ياقمر


هذي الدنيا براح
دام نقدر نستمر


وسلامتكم


بسيط

أكبر من الحب




اكبر من الحبّ لكـن لكـن ولكـن
مليون لكن تجي وتخربط الصـوره


لولا المحبه ولو ماكنت بي ساكـن
ماكان حلم الهوى شيّدلنا قصـوره

مليون شرفة غزل فيها القمر داكن
وبكل شرفـه خميلـة ود مبتـوره

اكبر من الحب لكن احـذر تراهـن
روح بطريقك غيابك الغي الاسطوره


وسلامتكم

صخري

اذا كشر



اذا كشّر زمانك هدّ نابه
(وما نيل المطالب بالتمني)

وسلامتكم

شيباني

يمسافر


جريئ ومايهمك شي وتفرض ع البحـر ذاتـك
تحب تعانق الموجـه وتغصبهـا تطيعـك أمـر


بقولك كلمة يامسافر ترى ركب العشق فاتـك
وبحر العشق متوتر مابين الحب مـد ّو جـزر


وهذي حروفي احرقها وكلّه مـن حماقاتـك
وصرت اجمع و احسبها واعد سطور باقي العمر


ابمشي واثقه بنفسـي ولاهمتنـي مـن جاتـك
انا ادري بغيبتي مغتاظ مت اليـوم حـرّو قهـر


وليتـك كنـت تحسبهـا قبـل جيـة نهاياتـك
وكنت اليوم متهني تغوص وتجني خيـر البحـر


وسلامتكم



رمل

ببتسم

ببتسم للحب والشوق وبريقـه
واعتقد إني شديـده والحقيقـه


الحقيقـه مابقـى إلا دقيـقـه
لحظة(ن) وآطيح من كثر الحنين


وسلامتكم


هزج

شعوري

اشوفك كنّـك الجنـي
واشوف الحيّه في كمك
ولابي لمسة كفوفـك
وليه تغصبني اضمـك




وسلامتكم


ممتد

إمّا


اما ترجع مثل محنا عرفناك
راعي الأوله فارس زمانك

والا ارحل وخذ اطياف ذكراك
وش ابي بك اذا بفقد حنانك



وسلامتكم




بسيط

معقوله!


معقول أعشق بعدماقلت هوّنت
معقول أرجع واصالح فيك كوني

والقاك ساكن خيالي وين ماكنت
واصير منّك وماتحيا بدوني

اناحمد الله على ايدك تجننت
واناحمد الله تجننت بجنوني


وسلامتكم




مجزوء الرجز


همس الشجون


وش قيمة الرمش الفتون

والكحل الاسود ع الجفون

وش قيمة الثوب الحرير

والعين ماتشوف العيون


اوآه ياهمس الشجون

وش عاد لو زاد الجنون

واهواه واهرب من لقاه

فدوه لهله واهلي اكون


وسلامتكم



هزج

ياتاركني


ياتاركني في عز البـرد

تحت الثلج ناسينـي


وتوعدني بعمري الجي

تلاقيني وتدفيني !


ياروحي مابي منّك شـي

ياليتـك بـس تعفينـي


وخلينا نكـون اخوان

لاتقولـي : أحبيـنـي



وسلامتكم


وسلامتكم
ناديه حسين
04-24-2009, 08:02 AM
بحر البسيط



حبيبك


(حبيبك اللي اذا جاب الغلا ذكره )

دوّر عليه وتعنّى له إذا تْعاني



الحبّ مرّه واذا فاتك فياحسره

والعمر مرّه ولايمكن يرد ثاني



الحق تجي له قبل لاينتهي عمره

وتفارقه للأبد وتعيش وحداني



وأذا لحقته ولكن صدّك بعذره

وقال انه بسيط الحال فقراني



وقال عنده عيال وحرمه تنتظره

وعنده شغل ومشاغل دن ّ ياداني



علّمه ان الهوى والماء والخضره

تغني خصوصاً اذا به زينّ ربّاني



وان قام يهذي يبي جيّات مختصره

يبي سوالف قمر أعين ورياني



(اذن حبيبك كسر قلبك مية كسره)

خلّله يوليّ ودوّر لك على ثاني



تقضى حياتك معه بالحب ع الفطره

والعمر يمطر زهر والجوّ رحماني
وسلامتكم
ناديه حسين
04-24-2009, 08:07 AM
يحر الصخر



يالايمي



حبيب القلب مافي منْه اثنين

اله الكون ابدع به وكمّل


ولو اوصفه ماانصف كامل الزين

ولاادري منين ابدا وشّ الاجمل


ولو انصف اقول السحر باالعين

واصوّر روعة الرمش المكحّل


وخلّي الضحكه الحلوه بقوسين

واعيد اوصف الاقي الطبع الاول


واذا بنصف ابدّل كل بيتين

دفا الأحساس باعماقه تغلل


واذا بنصف أجل بكتب دواوين

حنون وفيضه المعسول سيّل


على عمري على ورد اليساتين

لفانا الخير من عنده محمّل


انا مااقدر اعيش العمر مرتين

معاه المعجزه والله تحصل


ألايالايمي يكفيك بيتين

لجل تسكت ولا يمديك تسأل


لسانك والسلاح اللي بحدّين

يرد حسره على نفس المغفل


كفانا الله شر الكيد والعين

معانا الله والمفروض تخجل


يقولون المحبه بس حرفين

ولكن حبنا شرحه مطوّل


كذا اطول من خيالات المحبين

كذا مثل العسل يالله تخيّل


تخيّل روح مقسومه على اثنين

اذا الثاني غفا يحرسه الاول


تخيّل طير غافي في البساتين

معه طيره تدلله وتغزّل


واظن ماتقدر تفرق حبيبين

ولو ترحل ترى لاعصابك افضل


يالايم لو يلومونا ملايين

زلال الحب من ربي محلل


انا وياه في الدنيا سلاطين

بحكم الله والشرع المنزّّل

وسلامتكم
ناديه حسين
04-24-2009, 08:14 AM
مسحوب


همي

لاتْبرر غيابك ولاتقول معذور
لو ان عطيتك عـذر بأطـراف فمّـي

تهجر وتنسى حرقة ايام وشهور
للحين انت اصل العنا و..كلّ غمّي

لوما خيالك هالوفي دايم يزور
يجلس معي دايمْ يشـارك بهمـّي

يلقى لك الأعذار ويقول مجبور
تسحرنـي اهدابه وابوسه واسمّي

وعيونه النجلاااااءِ خلجانها بحور
ترسل لهايب شـوق يسـري بدمّـي

وإن سلهم بعينه الي عيوني الحور
انسى اساي انسى وجودي واسمـي

إن جيت أو ماجيت مامنّك قصور
طيفك معي دايم وولهـان يمّـي


من البدايه قلتها منت معـذور
واذا عطيتـك عـذر بيكـون وهمـي

مقهوره من اوّل ومثّلت لك دور
واليوم همـي زاد والجـرح يدمـي

ماعاد يمديني أجامل وباالزور
لاااااااا تعتقد ان شوفتك كـلّ همـّي

همّي انا أكبر من عذابـات مهجور
همـّي كبيـر الله عليم ٍ بهمّـي

همّي فقدت اليوم الاحساس باالنور
يومك طفيت شْموعي وْمات حلمي

همّي انا أكبر من خيالات مغرور
همّي زهدت وما بي تكون يمّي


وسلامتكم
ناديه حسين
04-24-2009, 09:08 AM
مسحوب

للعيون الزايغه



لالاتْحسد ولهان في حب خلّه
كب ّ الحسد ياخوك ماينقصك شي

عندك حبيبه تملك الزين كلّه
وش بك تحيّ ب(لولة) الحي ّوتْبي

(لوله) تحبّ (عبيد) حبٍّ من الله
وعبيد عاشق (لولته) فتنة الحي

(عبيد) لايمكن تجي منْه زلّه
(أعبيد) مخلص ماتدنّى ولاشوي

والحبّ نعمه مثْل مزنٍ وطله
اذا حضر يعشب زمانك لو تعي

امّا سؤالك ماعرفنا نحلّه
ودّك تحب الشمس وتغازل الفي؟!


ولو تمسّك كلّ خلّ(ن) بخله
ماصار في الدنيا خيانه ولاغي

كانت حياةالناس ضحكه وفله
مير العيون الزايغه تطفي الضي






وسلامتكم


لالاتحسد ولهان في حب خلّه



لالت4 حسد3 ولها4 نفي3 حب2 بخل3 له2




(عبيد) لايمكن تجي منه زلّه
(عبيد) مخلص ماتدنّى ولاشوي

اع2 بي2 دلا3 يم2 كن2 تجي3 من2 هزل3 له2
اع2 بي2 دمخ3 لص2 ما2 تدن3 نى2 ولش3 وي2 =

4 3 4 3 2 3 2

وممكن تجي

عبي3 دمخ3 لص 2 ما2 تدن3 نى2 ولش3 وي2
محمد الحميدي
04-24-2009, 09:20 AM
أسمحي لي بتشويه هذا المكآن الراقي ..~

بكلمة شكر على هذا المجهود المميز ,,~

لم اقرآها كلهآ ..~

لكن اعدكِ ان لي الكثير من العوده إلى هذا الديوااان

دمت كمآ انتِ ..~
ناديه حسين
04-24-2009, 10:09 PM
أسمحي لي بتشويه هذا المكآن الراقي ..~

بكلمة شكر على هذا المجهود المميز ,,~

لم اقرآها كلهآ ..~

لكن اعدكِ ان لي الكثير من العوده إلى هذا الديوااان

دمت كمآ انتِ ..~

ياهلا وغلا

وحياك الله

منور المتصفح وشكرا للطفك .. وهو لكم

وارجوا ان ينال استحسانكم بعروضه وشاعريته ومواضيعه وافكاره

وارجولكم المتعه والفائده

وياهلا وغلا
ناديه حسين
04-24-2009, 10:11 PM
على بحر البسيط


4 3 2 3 4 3 4
4 3 2 3 4 3 4


يانار


تكفا حبيبي سألتك ردّلي قلبي
دامك تركته على النيران ووذيته

وش نابني من غرامك متّ من حبي
والحين جيتك وابي تطرده من بيته

برميه داخل سجن موصود في جنبي
واصدر عليه الحكم وآشوف تاليته

وان جاك ثاني عسى بس يمحقه ربي
وافتكّ من حنّته ويموت ياليته

اعرف فضوله يبي يعرف مدى ذنبي
يوم(ن) يجيك وتصد كّنك محبيته

يمكن يلاقي سبب حتى يقف جنبي
ويكون عزوه وسند لي مني احييته

أرجو سيادة جنابك ردّه لدربي
وان ماتبي رجعته يفداك اهديته

يانار كوني لهب حارق بهم شبي
من عقّ صدري وْصبأ حقّه أشر ميته

وسلامتكم
ناديه حسين
04-24-2009, 10:36 PM
مجزوء الرجز


شمسك


شمسك تلاشت للأبد
والبرد جيّ بْلا هواد
خليك وآآآلم
واستعد
للموت ان ربي اراد
وقم تهيّا للحد
للنوم وبليّا مخاد
اليوم قررت ابتعد
اليوم
أعلنت الحداد
لاطيب لاكحل (ن) أبد
لااثواب حلوات وجداد
القلب منك ارتعد
والروح يغشاها السواد
ماعاد تلقالي بلد
والحكم من رب العباد
لابد ماتطقّ بكمد
وتصير حفنه من رماد
الله مايظلم أحد
احرمْك ودّي والوكاد
شمسك تلاشت للأبد
والبرد جي بْلا هواد

وسلامتكم
ناديه حسين
04-26-2009, 04:22 AM
مربوعه على بحر الرمل


اهداء للبطل الصحفي

منتظر الزيدي

عبقر

يسألونا وشوا عبقر في الشعر
كم نجاوب مير مافيهم فكر
عبقر بيومين صار المنتظر
عبقر بيومين اتجلّى عيان

عبقر تلاقوه بأرض المسلمين
أو بوادي ناديه بنت الحسين
أو بوادي شاعر العصر الفطين
وكل شاعر انشد وكسب الرهان

السحب بالخير ترعد له رعد
والرياح تجيب كل قاصي شرد
يارعاة الجنّ ماردكم رقد
منتظر من منتظر سحر البيان

القوافي لمنتظر قامت جيوش
والمعاني براس كل مسلم تشوش
شوش ياراسي على من ذلّ بوش
واطلب المولي يذل من قال جان

وسلامتك
ناديه حسين
04-26-2009, 04:33 AM
على بحر الهجيني


4 3 2 3 4 3 4
4 3 2 3 4 3 4


الفرقا طالت

ياعين ياليل ياعينى ويا ليلي
ساعات صمتك مع الآهات تحلالي

ياعين ياليل ياعيني ويا ويلي
اهمس بأسمه يهل الدمع سيّالي

حبه ذبحني غرامه هد لي حيلي
بيني وبينه حنين الحاضر الغالي

والفرقا طالت وشوقي عنه مايميلي
يشدّني له وامشي له ولاابالي

وودي اسهر معه وبرمشه يوميلي
والود اشمّه واضمّه واشرح احوالي

و.مجبوره اتبع قدر مافيه تبديلي
اطوي صحارى الألم واتعب بترحالي

ياليل روح لحبيبي وخذ مراسيلي
القلب قلبه ونوح الوجد موّالي

ياليل ياليل وصّل له مواويلي
روح بسلامه وردّ العلم طوّالي

ومن هنا للحدود اللي لها ميلي
يامركب الليل طمّن شاغلن بالي

قل له احبه ولو بعده غرابيلي
حتى ولو ماجتمعنا للأبد غالي

وسلامتكم
ناديه حسين
04-26-2009, 04:49 AM
زهيريه نداويه

ياحسين



ياحسين ضاق الصدر ياليل يامال

ياحسين شاب الشعر والحظ بي مال

ليت السعد يشترى ياحسين بالمال

كنا شرينا وبعنا المرّ باالحالي

جارالزمن والوفي مايوم قد جار

مخلص لربعه يصون الأهل والجار

واليوم مابه أحد تمشي معي جار

وتجر ّ صوتك معي لي من رثا حالي
وسلامتكم
ناديه حسين
04-26-2009, 05:00 AM
رمل

اهداء للصحفي البطل

منتظر الزيدي

يامال العز


يابطلنا يالعراقي منتظر
فرصتك جاتك ونلت الاحترام

يابطل ياذا الهزبر المنقهر
هجمتك جاته قويه من امام

ضربتك ضربة شجاع ونفتخر
يا بطل والله تعديت الغمام

جزمتك عيّت تلامس هالقذر
جزمتك تكرم تلامس برص سام

مرّت القرمه امامه تحتقر
مّرت تهينه وتبلّغه السلام

كم اوادم قبّلت وجه الودر
والجزم افضل دوى لداء الجذام

حكمة الربّ المعزّ المقتدر
ميّز حذاءك على بعض الأنام

فوق امريكا نعالك يشتهر
والمتاحف تطلبه وصاير زحام

والصحافه جالها يومن يسر
والشعوب اعطتك بالجمله وسام

عزّ ك الله يوم شهّرت بأشر
هانه الله المقتدر وبحفل عام

يافديتك قرم وسنافي وخطر
بوش خرّ لجزمتك يضرب سلام

اسأل الله السلامه لك أجر
ترجع لبيتك رغم انف اللئام



وسلامتكم
ناديه حسين
04-26-2009, 05:19 AM
مسحوب

ماءكم عكر

صدّق خفوقن مل ّمن كثر الاهمال
خذها قصيره روّح القلب طافح

كم قلت لك احذر غضب روح تغتال
قلبي معك لاتجرحه وكنت جارح

وهنت نفسك منتشى بسوء الافعال
ومات حبّك بالحشا طير طايح

طاب الخفوق وصار للهجر ميّال
مايلتفت صوبك ابد مايسامح

وانته السبب لاتشتكي سوء الاحوال
ماهمني دمع النوى بعين نايح

بلقى العوض واكتب قصايد للأجيال
بها غرام وشوق من عطر فايح

تحلى القصايد والعسل فيها سيّال
ماكم عكر لوّث زلال القرايح

وسلامتكم
ناديه حسين
04-26-2009, 05:35 AM
بسيط

مجنونه



رمشك رمالي سهام الحب بعيونه

وصاب قلبي وصار الوجه ليمونه

تفداك روحي فداك المنخطف لونه

من جيت صوبي وانا اشلاء مجنونه



وأحسب بعقلي وعقلي وينه وويني ؟

ان جيت ابا احسب حسب حسبه تسليني

اجمع واطرح واقسم من يباريني

وان قام يعطي النتيجه.. صدق مجنونه



عقلي وقلبي علي كفّة عفاريتي

وان جيت يمي انا اعرف وشو تاليتي

اذوب كلّي يتفتفت مع فتافيتي

تلمني او ماتلم .. مجنونه مجنونه

وسلامتكم
ناديه حسين
04-26-2009, 05:43 AM
صخري


شوق عينك




زمان اول أسرني شوق عينك
وهبت الروح فدوه لشوق لعيون

هجرت اهلي وسافرت لحنينك
جمعنا الحب مجنونه ومجنون

تناديني وارد ياحبي وينك
ألبي الصوت أجي لك كلي جنون

و.عواذلنا وشو بيني وبينك
تحديناالعواذل واللي يحكون

احبك حيل واتفاخر بزينك
وارد عاشق وابد مايعرف يخون

وقفت بوجههم وايدي يمينك
وماادري ليه قامو لجلي يبكون

ومر عمري وانا كنت بسنينك
جريحة حب ضحية شوق ملعون

انا لعبه وطاحت في يدينك
انا ماادري وكان الكل يدرون

فهمت اليوم كذبة شوق عينك
وليه كانو الحبايب لجلي يبكون




وسلامتكم
ناديه حسين
04-26-2009, 05:55 AM
صخري

يانور العين

يانور العين يافرحة زماني
جبرني الوقت أتغرب بدونك

وافكّر بك على مر الثواني
وامل عمري أعود احيا بكونك

وتعطيني وتآخذ من حناني
واعيش العمر في جنة عيونك

وأكتب لك من اشواقي أغاني
وتكتب لي وتشكي لي شجونك

ياخوفي لو دفا قلبك نساني
وبعد البعد تجهلني عيونك

واعيش بغربتي لآخر زماني
إسم منسي على صفحة شجونك

ياشوقي للخفوق اللي احتواني
وقبل مايقول احبك قلت عونك

حفظت الود لك داخل كياني
عظيم الشوق امر قلبي يصونك


وسلامتكم
ناديه حسين
04-26-2009, 05:58 AM
رمل


مواجع


مااظـن يرحع زمان
والفـرح مالـه مكـان
مت بأحضـان العذاب
مـت انـا قبـل الاوان


يوووووه ياكثر الحزن
اللي فيني وتحترينـي
ماقـدرت افـرح معك
ماقدرت الحـق سنينـي
والوجـع اللـي تقـول
ليتـه براسـي يجينـي
كان انـا سبـّة بلاك
جعل قبـري يحتوينـي
وكان انا اصل العناك
ليت تدري ويش يجيني
كان تنصفنـي بهواك
وقلت عودي سامحيني


كافـي احزان وقهـر
كافـي دمـوع وسهـر
كافي ابكـي كـل يـوم
والنهايـه في القبر


النهايه فـراق ومـوت
وانت ضايع في السكوت
راحـت ايامـي علـي
مااستوى توتك ياتوت !



لو قدرت اسـأل علـي
ما ابي غيرك أحــد
مابقي الا شـوي
يمكـن ارحـل لـلأبـد


بين ليلـه وبيـن يـوم
شمس ترحـل للمغيـب
ولـو بيـدّك أي شــي
لاتباخل ياحبيب



عطني من عطفك قليـل
ردّ لي بعـض الجميـل
كافي انك صـرت لـي
حزن في الليل الطويـل


وسلامتكم
ناديه حسين
04-26-2009, 06:01 AM
أنا وياك


انا ويّاك والحبّ وحداده
وامانينا والاحلام الفقيده

وحبّ(ن) ماطفى فينا وقاده
واحزان(ن)كتبها الله مديده

وطيف (ن)ماخذ ودادي بوداده
يساندني بمعاناتي الوحيده

يساهرني ويشاركني الوساده
يغنّي لي ويهدهدني بإيده

ينوّمني علي مهد السعاده
ينسّيني المسافات البعيده

حبيبي ماابي اكتب لك زياده
احس القلب يتقطع وريده

ابذكر ربي واخلص في العباده
الى ان يرحم المولى عبيده


وسلامتكم
ناديه حسين
04-26-2009, 06:02 AM
بسيط

البارحه


البارحه قلت لك مابه ولا قطره
واليوم جتنا مطر والكون طرباني

تقدر تلوّع سكون الليل وتسهره
تقدر تهزّ الكيان بحس وجداني

باكر اجي لك واقول اللي طرى ذكره
باكر اجي لك على الله اليوم تضماني



و

جيتك



جيتك بعد ماالصبر فيني نفذ صبره
جيتك اقول العطش للموت ودّاني


مرت سنين العمر اشتاق للمطره
ماشفت قطره مطر تنزل في بستاني

عم الخريف الشجر وتلاشت الخضره
عم اليباس اكتسى واحات وجداني


مرت سنين العطش بالشوق وتخبره
شوق الصحاري لحقته ماتعدّاني


مرّت دهور واقول الخير جي بكره
ماشفت زولك ولا كحلّت اعياني


تدري الظما يدمر الاحساس ويفطره
مدري متى ياهوى ترحم وتفداني


وسلامتكم
ناديه حسين
04-26-2009, 06:10 AM
صخري


أحكم ياقاضي


رفض قلبك يراضيني وزعـلان
وهاجرنـي ولا ودّك تراضـي


وقاعد لي على الدقّه وقزيـان
وودّك لو تصير اليوم قاضـي


اذا وّدك تعال احكـم بميـزان
ولا تزعل علي مليان فاضي ؟!


تماديت بهجر واعلنت عصيان
تماديك بسبب كثر التغاضـي


بديت الهجرانا كمّلت هجران
وردّة فعل من كبر اعتراضـي


ومن فينا بدا من فينا غلطان ؟
يقولوا البادي هو أظلم يقاضي



وسلامتكم
ناديه حسين
04-26-2009, 06:19 AM
غلطة زماني

قدر عمري انام واصحا بإرهاق
فقير الحظ قلبي لي عصاني

قضى عمره على نيران الاشواق
نعم للموت بعناده رماني

وهوذنبي مشيت بدربي الشاق
اصد قلبك ليا منّه دعاني

الين البرد يبّس خضر الاوراق
خريف العمر برده اكتساني

اخاف تجيني باكر بعد الفراق
تلاقيني بملامح شخص ثاني

خريف وارتسم بخدودواحداق
وجاني الموت من غلطة زماني




وسلامتكم
ناديه حسين
04-26-2009, 06:27 AM
بسيط


العين حمرا

العين حمرا وفيها شبه تعصيبه
والشوق سيّر عليك يقول تعجبها

والنفس تشكي على خالقها من ريبه
هلكني شوقك سألتك لاتشبشبها

قلبي بيدي لن ولا ماتقدر تصيبه
روحي بيدى تبطي ما تقدرتصوّبها

تقدر على ألف وحده واحذر الذيبه
حرّاسها حولها والقوّه من ربها

لالا تحدّى تقول لصاحبك هيبه
جنيك يخدعك يحسب انه يطربها

لو كان ماردك عاشق ياتغاريبه
بيعيش في حلمه الوردي يلاعبها

جني الحسيني ب تجيبه من عراقيبه
تبطي وتبطي جنونك من نهايبها

له رقية (ن) تحرق المارد و تسرى به
له رقية(ن) (ٍ غير) تذبح من يجرّبها

والنفس خضرا عليها شوقك مصيبه
والمشكله كلّ ماتبعد تقرّبها

همسه

تبي الصراحه وشي ماكنت تدري به
قلبي يحبك وكاس الموت شاربها

والروح عندك عطيتك نفسي بطيبه
تفداك روحي لأنك كل حبايبها

وسلامتكم
ناديه حسين
04-26-2009, 06:30 AM
اهزوجه


نذرت النذر يوم القاه
انا البس احمر باحمر


وانسي القهر وايامـه
مع عيونه عمر أخضر


عيونه حلوه يامحمـد
تجنن قلبـي نظراتـه


تغازل روحي وتوعـد
تعوض عمري مافاته


نذرت نذوري لربـي
عسي يجمعني بعيونه


ويوم القاه يامحمـد
بغني لحـن دلعونـه


وويلي ويـل دلعونـه
واموّل له على هونـه


وسلامتكم
ناديه حسين
04-26-2009, 06:34 AM
هجيني


من الهجران تكفا

خذني بصدرك ..من الهجران تكفا
ارجع لحبي وبادلني العواطف

فيني مشاعر حميمه وحيل ترفا
وانته تْعرف وش عنا ذيك السوالف



وفيني نفس الحنين اللي تعرفا
من يوم كنّا انا وانته ولايف

ذاب الهوى بين رمش وبين طرفا
ذاب الحشا كلّه بأحلى شفايف

واشوف قلبك حجر جلمود وصفا
والعمر ساعه وليه للحين واقف

فيني غصة فراقك برد ورجفه
طوّل غيابك وحيل الوجد خايف

تعال واجلس معي دفيني وادفا
لا ..ما يفيد الندم وقت الحسايف

وسلامتكم
ناديه حسين
04-26-2009, 06:59 AM
هزح


أنا ست الحسن كله
أنا كيد النسا وغله
انا احبك بكل مله
وهذا اعتقد كافي




وسلامتكم
ناديه حسين
04-26-2009, 07:07 AM
رمل

قولها



طال ليل الانتظار

حسّ بي بالقلب نار

قول احبك باختصار

للمحبه اصولها

قول احبك قولها



يالله صلي ع النبي

صرت احسك ماتبي

موقفي جداً غبي

سجّتك وشولها

قول احبك قولها




خايفه يمر الزمان

ينتهي فيك الحنان

والسعاده والأمان

لو نطقْ مانطولها

قول احبك قولها



وسلامتكم
ناديه حسين
04-26-2009, 07:33 AM
شيباني

عليك اعتب



عليك اعتب كثر قهرك
من اللي خانك
وضامك
كثر حزنك
على نفسك
كثر
ماكانت الامك

سألتك اجمع اوجاعك
وكل اوجاع
عشّاقك
تصوّر كثر اوجاعي
وليه فضّلت انا فراقك

ياليتك بس تتخيّل
ولا ظنّيت تتخيّل
وتفكيرك وقف مايل
وما يرجع
مثل أول


على الله
يا
عتب ضايع
انا مالى سوى ربي
انا ادري
هانت العشره
ولاهمّك وجع قلبي

وسلامتكم
ناديه حسين
04-26-2009, 07:46 AM
صخري


يالضاحك



اذا جاني البلا والموت الأحمر
تشمّت بي وتبدي لي ابتسامه

وتنصر من يآذيني وتجبّر
تخطّيني وتسل سيف الملامه

على لْسانك نطق شيطان أغبر
تمنى لو تقوم بْنا القيامه

بقلبك شي أحسه قام يظهر
يبان الحقد له ميّة علامه

تحاول تكسر اللي مايتكسّر
وله قامه تحدّت كل هامه

نسيت اني على الويلات أقدر
نسيت اني انا أم اليتامه

قدرت اصمد بوجه رياح صرصر
وصرت الغيم بهتونه وسلامه

نسيت اني هزمت الحزن الأكبر
وارديته قتيل (ن) في ظلامه

مرار الحنظل بأيامي سكّر
تعودت اشرب المر بكرامه

ولايهمني غرير بثوب قيصر
يبي يهز الثقه ويسحب كلامه

بحط جرحك مع اللي فات واقدر
اداوي قلب صادق في خصامه

انا لك نجمة (ن) بالظهر تكبر
بعيده عن شواربك اللئامه

تهيّا للقدر اللي تقدّر
ولاتاخذك للدمعه ندامه

ياليتك بس يالضاحك تصبّر
ولاتجيني تعذّر بابتسامه

وسلامتكم
ناديه حسين
04-26-2009, 08:07 AM
صخري مروبع


على بالي

على بالي السواليف الخوالي
وليالي الألف ليله في خيالي
عساها تمر في بالك وتذكر
لقانا وشوق تسكر به الليالي


على بالي وطيفك مر عابر
على باله يسلّم ثم يهاجر
على بالي اقل له لاتسافر
تعال و بالعواذل لا تبالي


افكر بك واحس الروح حنّت
على طاري ليالينا تثنت
تلوى من عذاب الشوق ونّت
ياويلك لو طرالك ماطرالي





وسلامتكم
ناديه حسين
04-26-2009, 08:19 AM
همســـــــــــــــــــــات وبحور




شيباني

ولا ونّه


بعمرك ماوقفت وْياي وانااحمد ربي واشكر
وبآخذ مايجي من الله ولااحوج نفسي للمنّه


لااعاتب؟ لا ولا اجرح بي شعوري واحتسب واصبر
ولاارجي من عديم احساس واخفي دمعتي عنّه


ياناكر للجميل اسمع طباعي اصفح واعذر
طلبت الله يجازيني بصبري وادخل الجنّه


تكبر اكثر واكثر تغطرس قد ماتقدر
انا اعْرف قلبك القاسي واخبر وش يجي منّه


ابكتم حزني بقلبي ولا اشكي منْك واتحسر
وانام بحضن احزاني ولاتسمع ولا ونّه

رمل

آخر رساله


هي رساله جتْك في ليل السكوت
اعتذرت وقلت لك آخر كلام


وآخر الاخبار حبي لك يموت
يلفظ انفاسه الأخيره باحترام


الحقيقه مابقي في الصوت صوت
والجديد بحبنا حل السلام


لاكلام ولاملام يرد فوت
والف حسره ياكلام وياملام


وسلامتكم


مجزوء البسيط

أكبر امنياتي


لو يسألوني عن أكبر أمنياتي
أقول ساعة صفا لو حلّ موتي


وش قيمة العمر وانته مب حياتي
بغيابك الكون نايم من سكوتي


احتاجك إنته لجل أفرح بذاتي
احتاجك انت الهوى والما وقوتي


وسلامتكم



مشكور




ادري خفوقك لقي غيري رفيقه
وماانتظر منك تنكر ما أحسه



وسلامتكم


شيباني


شهر وايام تنساني يمرعمري تموت احلام
ياخوفي ينتهي عمري قبل لا ينتهي هاالعام




وسلامتكم


كان ياما كان


:(


مابقي لي في حياتي
غير حزني وذكرياتي
ذكرياتي هي حياتي
هي حكاوينا سوى


كان ياما كان لي
صاحبٍ قدره علي
كان اغلا من هلي
له فؤادي وما حوى

آه ياحب ٍ ذوي


رحت عني يابعدي
ياعيونه ارقدي
عندر ربي واسعدي
واتركيني للنوى



وسلامتكم
ناديه حسين
04-26-2009, 08:29 AM
مسحوب


عذبتني


عذبتني ضيعتني حيل يـــــاحب
عاملتني كنّي جماد وبلا قلب


تدري الجفا بعد الوفا يصدم يضر
والبرد من بعد الدفا حمّه وشر


صدمتني عذبتني حيل يـــــاحب
عاملتني كنّي جماد وبلا قلب


ماجا على بالي اموت بكئابه
من اجل عينك شق صدري صوابه


مرمرتني عذبتني حيل يـــــاحب
عاملتني كنّي جماد وبلا قلب


وبكل ليله يبتدي عارض ٍ بي
واعصاب مافي وارتفع نبض قلبي


امرضتني عذبتني حيل يـــــاحب
عاملتني كنّي جماد وبلا قلب


لاماحسبت أضعف كذا مثل طيره
طاحت جريحه من صوابك كسيره


قتلتني عذبتني حيل يـــــاحب
عاملتني كنّي جماد وبلا قلب



وواقفه بنص الطريق و اناظر
واحتري اليوم الاخير واغادر


اهلكتني عذبتني حيلي ـــــاحب
عاملتني كنّي جماد وبلا قلب


لاماحسبت إني بكون الجريحه
والشوكه لذيك العيون المليحه


غيرتني عذبتني حيل يـــــاحب
عاملتني كنّي جماد وبلا قلب



ولا حسبت اني بقاوم واناضل
واصبح ضحيه للعيون الكواحل


بهذلتني عذبتني حيل يـــــاحب
عاملتني كنّي جماد وبلا قلب


كايد وساطي تمكر وتقدر تجور
تبيني ارجع لك ولو قلبي مكسور


احرجتني عذبتني حيل يـــــاحب
عاملتني كنّي جماد وبلا قلب



ماانسي عذابك والحقك واسبق الريح
تسحرني و فبالك اجي لك أو آطيح


سحرتني عذبتني حيل يـــــاحب
عاملتني كنّي جماد وبلا قلب

همسه

ولو أموووت الليله والله فلا اجي لك لو آموت
وربي قادر ينهي سحرك وينقلب ثم ٍ تموت


لوعتني عذبتني حيل يـــــاحب
عاملتني كنّي جماد وبلا قلب


وسلامتكم
ناديه حسين
04-26-2009, 08:38 AM
رمل


تكلّـــــــــم


إيـه تكلم أمزج المعنى بشعور
ايه تكلّم خلّي الدنيا تدووووور
القصيده سيّدة كل العصووووور
انثر االاشعار وابدع بالقريـــض

من مشاعر تفلق قلوب الصخور
من معاني ساميه يقلبٍ طهور
ارسم النبضه وما تخفي الصدور
اشرح الاحساس بالخط العريض



إيــــــــــــه تكلّم لوّن الكلمه بنور
من كلامك ينتشي صدر البحور
من غرامك تخصب الارض وتثــــور
من كلامك كل هاالعالم يهيــــض

وسلامتكم
ناديه حسين
04-27-2009, 10:02 PM
صخري

3 4 3 4 3 2
3 4 3 4 3 2

كرهنـــــــــــا



حكم بوش اللعين بموت أكبر
على كل العرب فسفور أحمر


تموت الناس في غزه بغاره
وفي بغداد هاالمنظر مكرر

وباقي القوم تتحسّر وتمرض
ياحسره موتنا بيكون أمرر

على سجن الحدود الحرّ صاحي
مكبّل بالقيود وروحه بتفر

الا كيف القلوب الحرّه تقدر
تشوف القهر مغصوبه تصبّر

كرهنا نلبس وناكل ونشرب
وفي غزه النسا تشكي من الضر

كرهنا اعمارنا والكل يشهد
زلال الماء غدا بحلوقنا مر

كرهنا نداوي امراض تجينا
نحس انا على الخيرات نبطر

كرهنا نكبّر كبار البلاوي
بعد ماصار فينا الظلم اكبر

من الاقصى الى بغدادشرقاً
نذوق الظلم من محتل أغبر

كرهنا بهجة الدنيا الدنيّه
بداخلنا تهيج الريح صرصر

كرهنا نفوسنا كرهنا التغاضي
بعد ماضاقت الدنيا بهاالشر

وكيف نعيش ونحس بكرامه
وفي العالم كرامتنا تعفّر

كرهنا بيوتنا كرهنا المدارس
وضقنا بشنطه وكتابٍ ودفتر

كرهنا نغني للمحبوب شعرا
ومات شعورنا بالحب أبتر

وربي حتى اقلامي الابيه
ابت ترسم ألم مشهد مصوّر

وهل ارسم عذابات الضحايا
وحالي حال هالطفل المنثر

كرهنا الامن وكنّا بالمقابر
نشاهد ثم نكبت ثم نفطّر

انا الأنثى ولا شي بيديني
اسطر حرقتي والود اثأر

اجل واشلون اصحاب المراجل
ومن فيهم عظام القوم تفخر

واحاسيس القلم دمع ٍ تنثّر
وما في القلب يااقصاي أكثر

وكم تخذلني الكلمه وترجع
حزينه بغصتي دايم تعثّر

وهل تنفع عذابات الاناثي
بزمن اغبر فقد ذاته وتنصّر

يشوف الموت ساري بكل ديره
ولن يرفع سلاحه بوجه اشهر

سلاحه في عظيمات المداين
مداين تصمد بزيتٍ وزعتر ؟!!!

مداين كم تعاني من بلاوي
رغم ذاك الحصار تقول تقدر

وهل مطلوب من شعبٍ محاصر
يقاوم جيش بسلاحه يتمنظر!

وهل تنفع اغاثه بكيس سكّر
وشاهي ورزّ لو هو رزّ مرمر

وهل يجدي نروح لكل مجرم
ونستجدي سلام بفعل منكر

بمجلس أمن عامي ماله ملّه
نساءه سود تدعس كل منخر

وهل نسكت على قلّ المروّه
حصار يدوم يقفل كل معبر

وهل نتصامى عن صوت الثكالا
وصوت الفاجعه من كل منحر

وهل نرجو من الغازي سلامٍ
وهو محتل للأرواح منشر

نعم نغضب ورب الكون يغضب
على المحتل نعم الله اكبر

الا ليت القلم صاروخ داوي
الا ليت الحبر فسفور أصفر

الا ليت الورق يصبح غمامه
على صهيون بالسجيل تمطر

دول للحق ربي قد خلقها
وحنا خير امّه نقاوم الشر

وباقي في سما التاريخ قصه
بعون الله عن النصر المأزر

الا يالله انا بوجهك دخيله
الا يالله جاوب كل مضطر




وسلامتكم
ناديه حسين
04-28-2009, 02:05 AM
خبب

2 2 2 2 2 2 2 2
2 2 2 2 2 2 2 2

رساله الى الصهاينه



يامن تقتل طفل بغزّه
الطفل بغزه متعوّد

متعود ع الموت وعادي
وبيحفظ درسك متوعّد

اصبحت المجنون الأرعن
ومشتت ماتقدر ترقد

روّعك الطفل الغزاوي
خايف من طفل وبتصعّد

خايف يكبر ثم يبدد
احلامك من ثم يوحّد

ويبيدك من وجه الدنيا
ويشيل سلاحه ويشرّد

اطفالك بانحاء العالم
حيث الحقد بكل مندّد

اضرب اقتل شوه احْرق
ونْساء الأمه بتولّد

اقصف اكسر حطم دمّر
لن يركع بيت او مسجد

ابطال الأمه بتتزايد
من كل العالم لاتحدد

والنصر الاكبر للأمة
بالموت الاكبر بنهدّد

الموت الموت لأمْريكا
واسرائيل وكل متهوّد
ناديه حسين
04-28-2009, 03:54 AM
مربوعه على الصخري




فمان الله

بعد هجْره عرفْت انّي مع النْاس
احبّ الزين وامشي له بلا راس
وضاع العقل منّي من رأيته
مسبّه مادريته وين ياناس

سلبني عقلي وزينه سباني
قتلني واعترف خربط كياني
اخذني للحنين لعمْر ثاني
ولاادري ليه غرقْت بْشبْر احساس


عشقته وكنت اظنّ انه عشقني
اخذني لْنار اشواقه وحرقني
هربت مْن الجحيم وهو لحقْني
واشوفه مادرى عن قلب وجّاس

بعد هذا عرفت بنفسي اخْطيت
ومدري ليه لهْ بالذات حنّيت
وكيف ارمي خفوقي لْكف عفريت
واجرّه للهلاك بضيق الانفاس

وهاضت بي مشاعر له تولّه
تقولْي مارحمتي الروح لله
تحبّي من ملك هالزين كلّه
وهل يرضى بسجون الحبّ قرناس ؟!



سألتك عن طريقه بالله روحي
وبالخافي سألتك لاتبوحي
ولاظنّي رشيق العود يوحي
بما صابك ولا بيْقول لاباس

فمان الحب غارق باالقطاعه
فمان الشوق للزين ومتاعه
فمان الصمت ياخلّي وْوداعه
فمان الله تركت الزين للناس


وسلامتكم
ناديه حسين
08-06-2009, 10:32 AM
على بحر الصخري

فتح موقع

قصيده ساخره

تقول الراويه وتوعي الأجيال
وتعطي للنسا ع النت درسين

(زواج النت )حكى به ألف محتال
فتح موقع ونادى للبزارين

تعالو للمواقع وانطحو الفال
وحطّو مبلغ وقدره ثمانين

واذا قصدّك ترقّم حط جوّال
ولكن به زياده فوق ميتين

وبنات النتّ ماتدفع ولا ريال
ويكفي تكون مصدر للملايين

خلصنا من محايل حصد الاموال
وباقي درس له عدّة عناوين

تقول الراويه الثعل ميّال
على كل قاصيه يتأمّل تلين

وانتي الطاهره يوم الزمن مال
تروحي برجلك لوكر الثعاليين :)

زمان المرجله ولّى بأبطال
وصارو رجالنا ياخزية العين

تشوفي الشحط فيهم دب اورال
وعينه زايغه ع الزين والشين

يبي أربع حريم الأخ عتّال
وهو متزوّج وعنده وراعين

وماشي باالكذب و بمشي بطّال
وحاله حال اخوان الشياطين

على المسيار ثعلب حيل دجال
وجيبه ماتلاقي به ريالين

يبيها موظفه أو مرأه اعمال
وهي تصرف وتشري له حذايين

وصارو رجالنا مضرب للأمثال
ومافيهم رجوله ولابهم زين

اذن ابقو اياما حطّو الاقفال
نخليهم عزوبيه الملاعين

وسلامتكم
ناديه حسين
08-06-2009, 10:48 AM
همسات




شيباني



انا مالي بهالدنيا سوى همسي دفا الإحساس=واذا لاموني مايهمني ألم الجرح باحساسي

واضمه بين اضلاعٍ ٍ سكنها قلبي الهمّاس=وابكتب دام فيني روح ودام بصدري انفاسي







هجيني




اصبر على الهم والحامض لواني =وموت ماقول تكفا للي يجفون

والله ماتفرح بقربي ثواني =مايهون دمعي ولا صدّاتك تهون




شيباني




على الله يا أمل ضايع انا مالى سوى ربي=انا ادري هانت العشره ولاهمّو وجع قلبي




مجزوء الرمل





يوم فكك لي دنا=شفت انيابك انا
ضربتي جت في الصميم=توجعك ميـّــة سنه




هجيني




في إلتزامك بتقوى الله معالي=والمعصيه ماتجيب الا العداوه



رمل



دور فيني يازمان=يا زمن قصقص ورق

قصقص اقسى الذكريات=انتشلني من الغرق

وارجع بعمـري النهـار =وااالفرح اللي انسرق

تندمـل كـل الجروح=في الخفوق اللي احترق


يرجع لقلبـي الامان=كن ما عمـره عشـق




وسلامتكم
ناديه حسين
10-16-2009, 11:16 PM
حدا


مااروعك


تبي الْحقيقه ..مااروعك= تحفه وصوّرها الأله
مجبور قلبي دلعك= خلاك تسكن في حشاه
وتحسب جمالك ينفعك= لى صار قلبك من حصاه
تحكي وتبيني اسمعك =مدري غرورك وش وراه
منته معي ولاني معك = واسمك شريكي بالحياه
وماهي غصيبه اتبعك = تفرض علي حكم الطغاه
اعرف غرامي مااقنعك= وادري زمانك وش لهاه
حقّك ولااقدرامنعك = طبعك كذا واعرف دواه
واعرف دوايا يوجعك = والعلم جايك في نباه
برحل بلا مااودعك =هذا دوى قلبي وشفاه
وانسى خفوقٍ متّعك = وانته حرمته مبتغاه





وسلامتكم
ناديه حسين
09-29-2010, 07:43 AM
صخري مقفى


انا برحل




انا برحل عن دْيارك مع الرّيح = الى آْخر ماتوديني الهبايب
انا ودّي اعيش بمرْبع مْريح = بعيده عن حبيبٍ حيل خايب
وهي زانت ومايحتاج تمْليح = صبرت وشابت براسي الذوايب
وقبل مارْحل ابي اعطيك تصريح= يمرر كل اصناف الحبايب
ابيك تْعيش ايامك تفاريح = بلا همي ووله قلبي اللي ذايب
انا قلبي شبع وياك تجريح = بدورله دوى ويرد طايب
وجيت اليوم اكتب لك تباريح = من الْليله اعتبرني بْحكْم غايب
بودعك وعسى من بعدي تْطيح= تدوّرلك لاحزانك طبايب
تشيل الهم ..يرجع عنْك مايْزيح = ومن همّك يصير الشعر شايب
وتضطر لجناح بهامة الريح = والى آْخر ماتوديك الهبايب



وسلامتكم
ناديه حسين
09-29-2010, 08:25 AM
على بحر الرمل

من يمد

من يمد لصاحبه طوق النجاة
كلن بحاله على همه سرى


والحياه يوم انتهت فيه الحياة
مالقى له ظل في حرّ الثرى

والنصيحه ماتهز قلب الطغاة
مايهز الصخر قبر (ن) لو طرى

كنت اظن الخير باقي مير جات
الوثايق تفضح نفوس الورى

شفت موسر غاص في حب البنات
ينثر امواله على جزمة مرا

وكم مريض(ن) مالقى حق المبات
في المشافي وعاف ساعات الكرى

من يمد الطوق للجنه ثبات
يرحم اللي طال صبره واحترى

ينفق بماله ويبغي الباقيات
يكسب الدنيا وبالجنه ترى


وسلامتكم
ناديه حسين
10-14-2010, 01:37 AM
رقمية على الرجز


تحبها ؟



من هي غرامك اللي فيني تخونها
وجيتني وْهي في حياتك ماقدرت تصونها!!
هل هي غرامك أو أنا .. مجنوني أو مجنونها ؟
تحبّها ؟ ماقلت لي
لكن احس إنّك أسير بْكونها
واليوم تتركني لجل تسهر بليل عْيونها :(
اليوم فيها تْخونني ولأمس فيني تخونها !
ياكبرها ياقوّها
وياهواني وهونها

أقدر اقول:
الله يكون بعون قلبي وْعونها

وسوالم
ناديه حسين
10-14-2010, 05:35 AM
http://www.36rb.com/song-play21945.html
ناديه حسين
10-14-2010, 06:50 AM
رباعيات رجز



هذا اللي ناقص



هذا اللي ناقص يازمن
أبيع روحي بْلا ثمن
ووهب حياتي للشقا
ازرع أمل واحصد شجن


هذا اللي باقي ياهوى
ارجع لبياع الكلام
واقول عاشق مانوى
غير الوفا غير السلام


هذا اللي باقي يازمن
افديه والعمْر الثمن
والله ماارْجع له أبد
لو كان هو جنة عدن




وسلامتكم
ناديه حسين
10-14-2010, 07:07 AM
رمل

نومة الظالم


نومة الظالم عبادة وانت قايم
ظالم لنفسك وربعك ماتنام


تختفي ساعة وثم ترجع تخاثم
شايف العالم خطا وانت التمام


ضايعٍ بين التجني وفعل آثم
وين أخلاقك ووين الإحترام


لاصلاة ولا عبادة غير حايم
حول نفسك صرت كتلة انفصام


مرةٍ القاك متأسّف ونادم
مير الاكْثر للمهاوش والخصام


ماهقيت بيوم تظلمني وتساوم
ماهقيت بيوم اسمع هالكلام


وماأظن بصبر على ظلمك وقاوم
شي بياخذني الى دنيا العدام


ياحسافة قلب في دنياك حالم
يحلم بساعة صفا حب ووئام


ياحسافة قلب كم لجلك يخاصم
تتركه بين المواجع في الظلام


غير أشكي للورق هم ٍملازم
ماتركني أهتني بْلحظة سلام


كل يوم ٍ في مصيبه وشر قادم
ليه هذا حب أو هذا انتقام


اسأل الله السلامه في الخواتم
واسألك تنسى حناني..والسلام



وسلامتكم
ناديه حسين
10-16-2010, 05:44 AM
على بحر الصخري / الوافر المقفى


نـــــــــــــدّوش



على بابي تقف ماسك لـي سْـلاح
ولو مـرّ الهـوى صوبـي تزيحـه


ومدري وش جرى وش جّد ياصاح ؟
وربي ..منْك مانـي مستريحـه


وهي غيره أو ان الشـك ذبّـاح
وهل خايـف اسبّـب لـك فضيحـه


انا احسب وابتعد عـن كـل مـدّاح
وردّ ردود مختصـره و شحيـحـه


اخاف انـك تصيـر بيـوم سفّـاح
بعد ماتْشـمّ ريحـه بْـدون ريحـه


حبيبي الحب ماهـو شـك وجـراح
وروح الحر ع الفطره الصحيحـه


انا اعرف كيف اهدي الكون افـراح
وانا اعرف ابعـد القـوم القبيحـه


ومن خوفي علي قـررت الافصـاح
قبـل لاصيـر (نـدّوش) الذبيحـه


انا بك طيره تملـك حـسّ صـدّاح
انـا لـك والقصايـد بـك مليحـه


ابـي ترتـاح يابـو رمـش ذبـاح
بدونـك ماتجـي اصـلاً قريـحـه



وسلامتكم
ناديه حسين
10-16-2010, 05:49 AM
على بحر الهجيني / البسيط


أكبر من الحب

أكبر من الحب حبك مو هوى عابـر
قلبك و صابه شجـن والـروح هيمانـه

واكبر من الحب حبي عقلي بك طايـر
والكبد تشكي الظمـا وتصيـح حرّانـه

والعين تبكي ولابه من سبـب ظاهـر
شف لك طريقه وتذكّـر انـي انسانـه

كل ماطرى لي خيالك صحت :ياساتـر
وش لو ن اجيلك عطش وآعود ريانـه

واسمع هدير الندم من صوبـك يْهـادر
ماغير تطرى المـوادع قبـل ملقانـه

وتغصّ في دمعتك مخنـوق ع الآخـر
زهر البنفسج ذبل يابس على اغْصانـه

معقوله؟ اقبـل عليـك وكلـي يغامـر
ياحيف اجيلك عطش وآرد عطشانه !

انت الذي قلْت لي : اهواك .. والظاهر
انت الذي قلْت لـي بالـروح تفدانـه

أكبر من الحـب حبـك تكفـا لاتكابـر
كم مرّه حاولت لكن صعـب تنسانـه

وتعـود ليّـا وكلـك تكسـر الخاطـر
تلقاني وسْط الوله بآآآموت باحضانـه

أكبر من الحب حبـك هقوتـي صايـر
أصغر من الحب ياللي قلْـت تهوانـه


وسلامتكم
ناديه حسين
10-16-2010, 05:56 AM
همســــــــــــــــــــــــتين






على بحر الشيباني


ياويلي


يويلي ماقْدر اتْكلّم واقول اللي علينا صار
كتمت الآه في صدري وْبكيت ولا أحد يدري


ولابه من يشاركني حزن دار بْدمايا سار
كما بركان يتوقد ضرامه في الجسد تسري


واذا شافوني اْتبسّم واحاول اخفي الاسرار
ولو تجرح اخليها مع هموم(ن) ملت صدري


ولو حسّو بْعذاباتي وشافوني وانا أنهار
بقول العين صابتني بعله في الجسد تبري


تنام الناس وعيوني عليك وحارسه للدار
وروحي يابعد روحي تجيك من الصبح بدري


وسلامتكم
ناديه حسين
10-16-2010, 06:02 AM
صخري مقفى /وافر


يالضاحك




اذا جاني الحزن والموت الأحمر
تشمّت بي وتبدي لي ابتسامه

وتنصر من يآذيني وتجبّر
تخطّيني وتسل سيف الملامه

على لْسانك نطق شيطان أقشر
تمنّى لو تقوم بْنا القيامه

بقلبك شي أحسه قام يظهر
يبان الحقد له ميّة علامه

تحاول تكسر اللي ماْيتكسّر
وله قامه تحدّت كل قامه

نسيت اني على الويلات أصبر
نسيت اني انا أم اليتامه

قدرت اصمد بوجه رياح صرصر
وصرت الغيم بهتونه وسلامه

نسيت اني هزمت الحزن الأكبر
وارديته قتيل ٍفي ظلامه


مرار الحنظل بأيامي سكّر
تعوّدت آكل الْخبْز بايدامه

ولايهمني غرير بثوب قيصر
يبي يهز الثقه ويسحب كلامه

بحط جرحك مع اللي فات واقدر
اداوي قلب صادق في خصامه

انا لك نجمة ٍ بالظهر تظهر
بعيده عن شواربك اللئامه

تهيّا للقدر اللي تقدّر
ولاتاخذك للدمعه ندامه

ياليتك بس يالضاحك تصبّر
ولاتْجيني تعذّر بابتسامه

وسلامتكم
ناديه حسين
10-16-2010, 06:08 AM
على الرجز


قلب الصخر


(شاق المعنّى لاعوى
ذيبٍ يحن للي تمنّه )

يومٍ خياله به هوى
شاقه بعيد الدار جنّه

قام لطيوفه واستوى
زهب سلاحه وقام سنّه

واليوم لحْتوفه نوى
وارسل عبيده تْنوب عنّه

تعطي وتاخذ له دوى
من قطر ورد وتمْر حنّه

قولو لمن قلبه هوى
قولو لمن طيفي سبنّه

القلب ظامي ماارتوى
من الف آه وألف حنه

قلبي حجر ماسه ضوى
للعاشقين دروب جنّه

مالي انا ومال الهوى
قلبي صخر مابه محنّه

وسلامتكم
ناديه حسين
10-16-2010, 06:13 AM
على البسيط / الهجيني


البارحه



البارحه قلْت لكْ :مابه ولا قطْره
واليوم جتْنا مطر والطّير طرباني

تقدر تلوّع سكون الليل وتْسهْره
تقدر تهزّ الكيان بوسط وجداني

باكر اجي لك واقول اللي طرى ذكره
باكر اجي لك على الله اليوم تظماني

وجيتك


جيتك بعَدْ ماالصّبر فيني نفذ صبْره
جيتك اقول العطش للموت ودّاني


مرت سنين العمر اشتاق للمطره
ماشفت قطرة مطر تنزل في بستاني

عم الخريف الشجر وتْلاشت الخضره
عم اليباس اكتسى واحات وجداني


مرت شهور العطش بالشوق وتْخبْره
شوق الصحاري لحقْته ماتعدّاني


مرّت سنين وْ أقول الخير جي بكره
ماشفت زولك ولا كحلّت اعياني


تدري الظما يدمر الاحساس ويفطْره
مدري متى ياهوى ترحم وتفداني

وسلامتكم
ناديه حسين
10-16-2010, 06:22 AM
هجيني /بسيط



تكفا


خذني بصدْرك ..من الْهجران تكْفا
ارجع لحبي وبادلني الْعواطف


فيني مشاعر حميمه حيل ترْفا
وانت تْعرف وشْ عنا ذيك الْسوالف


وفيني نفْس الحنين اللي تعرْفا
من يوم كنّا انا وانته ولايف


وفيني غصّه فراقك شوق ورجفا
طوّل غيابك وحيل الوجْد خايف

وذاب الهوى بين رمش وبين طرفا
ذاب السحر كلّه بأحلى شفايف


واشوف قلبك حجر جلمود وصفا
والعمر ساعه وليه للحين واقف


تعال واجلس معي دفيني وادفا
لا ..ما يفيد الندم وقت الحسايف



وسلامتكم
ناديه حسين
10-16-2010, 06:27 AM
http://www.fabiovisentin.com/photography/photo/12/most-beautiful-red-rose-wallpaper-dsc01230_high.jpg

قصيدة باللهجة الشامية

على مجزء الرجز/حدا

شو هالحلا


شوهالحلا شوهالحلا
قلبي بجمالك
أمتلا
وعيني حبيبي ع القمر
ع الليل بعيونو
السمر
ع الورد غافي
عالخدود
وشفاف احلا من
الورود
رح موت فيك وشو بني
رديتني للولدني
غني لنجمات
السما
وغازل عيونك
بالوما
اسهر إلك اكتب إلك
غني ألك كلي إلك
هيدا الغلا
والا الحلا
يااغلا من كل الغلا

عا تمك البلبل
شدا
صوتو على وسع
المدا
ونسمات ترقص
عالهدا
كرمال معشوق
الحدا
وبدون مايزعل
حدا
هيك الحلا
وللا فلا

للحب شو يْجود
الغزل
لشفاف احلا من
العسل
للشوق لخيال
القبل
للرمش باالشوق
اكتحل
انت الحلا انت الغلا
لولاك ماكتبنا ولا
قلنا حكي
متلك حلو
كلو حلا يْزيح البلا







http://www.youtube.com/watch?v=MaNDWgKHIMs
ناديه حسين
10-16-2010, 06:42 AM
مروبه مجزوء الرمل

خايفه





إيه اريـدك ياالحنـان
والقى في عيونك أمان
واعترف اني اخـاف
تنسى حبي واللي كان




ايه خفت الحب يكبـر
ايه خوفي بقلبي يكْبر
خفت يكبر ثـم تغيّـر
ثـم تتركنـي عيـان




خايفه يابعـد روحـي
افقدك واقعد بروحـي
ثم تزيد بْيا جروحـي
ويكسب الخوف الرهان




وطلبك نرجع سويّـه
ماألاقـي لـي بقيّـه
والهوى مالـه هويـه
والزمن ماهو الزمـان


وسلامتكم
ناديه حسين
10-16-2010, 06:47 AM
حدا / مجزوء الرجز


دافي الشعور





الوقت واقف مايـدور
واليوم صار بألف عام




مسكين يادافي الشعور
القلب صاحـي ماينـام




بركان في صدرك يثور
والنار في جوفه ضرام




وارسلت اشواقي طيور
اسراب من بجع وحمام




تنزل على قلبك سرور
ترقص على لحن الغرام




وارسلت لك مني زهور
باقة برد تشفي السقام




وارسلت اشواقي بنور
يغشاك ويزيح الظـلام




تنزل على روحك طهور
الله يحقق لي المـرام


وسلامتكم
ناديه حسين
01-04-2011, 04:28 PM
على بحر المسحوب


ناديه حسين

ياحْسين وان دارت رحا البين ياحسين
والشمس غابت والقمر مالقاها

واعتم زماني من فراق المحبين
والنفس ضاقت ما لقت مبتغاها

اعرف اردّ الوقت والعن ثوى البين
وآروح لارْواح ٍ تبيني واباها

روحٍ غلاها سار وسط الشراين
روحٍ تبيني صدْق اقعد معاها

روحٍ جميله وردةٍ في البساتين
تنثر هواها عطرتني بشذاها

روحٍ تقل نور الصبح ليلة اثنين
الخير فيها لين يلفي مساها

روحٍ كما نسمة صبا بين اثنين
بين الخمايل لا عواذل وراها

ياحسين ارجع للزمن قبل عامين
يوم اخْسفت شمس الضحى في سماها


قالو وعادو زادو الْماء على الطين
والله حماني وانكتب لي صفاها

اما المرزز مع بقايا البزارين
تدري جزاته اكتحل من غثاها

جعل الكدر لهل الكدر عشرة سْنين
ناسٍ تنقّل من صماها لعماها

وصرت انا فوق السحب ناديه حسين
اللي عرفها النور واصبح معاها

شعشع شعاها شمس رغم الملاعين
اللي ابتلتني والله عني خذاها

وسلامتكم
ناديه حسين
01-04-2011, 04:40 PM
مكرررررررررررررررررررررررره
ناديه حسين
01-04-2011, 05:28 PM
شيباني



اموت بعزتي





بعد ما اوْجعْت لي قلبي نويت انساك وآهاجر



شره حالي على حالي وعاتبني فؤادي فيك



يقل لي : اْشلون ترميني لواحد طبعه مْغامر
بدون اسباب يتغيّر ولجْهنم معه يرميك



بعد هذا العمر كله الاقي كسرة الخاطر
تلوعني وباقي لك تقل لي انتهى ماابيك



كذا ترخص هوى قلبي وكني لك هوى عابر


عزيز النفس مايرضى المذله وان يكن هاويك




تبي ترجع لايامك سوالف وقتك الغابر


. امل ابليس في الجنه ازعّل حالي وْارضيك




ولو زينك يشق صدري ولو قربك فرح باكر


وحتى لو هلك عمري بعد فرقاك ماأرجيك




تهون الروح والدنيا يهون الامس والحاضر


اموت بعزتي وحدي ولاموتي انا بيديك




وسلامتكم
خشان خشان
01-05-2011, 04:23 AM
سلم لسان أستاذتي
تأملي في أثر طريقة نطق الهمزة على الوزن


كل ما يلي صحيح من حيث الوزن وتبقى اللهجة هي المفتاح، ومن المناسب شرح هذا كتوعية للمشاركين الجدد على أهمية اللهجة واحتمال وجود أكثر من قراءة.


بعد ما اوْجعْت لي قلبي نويت انساك وآهاجر

بعد موْ جع تلي قل بي نوي تن سا كوا ها جر

*
بعد ما اوْجعْت لي قلبي نويت انساك وآهاجر

بعِدْ ما أوْ جعت قلْ بي نوِي تن سا كوا ها جر

*


بعد ما اوْجعْت لي قلبي نويت انساك وآهاجر

بعد موْ جع تلي قل بي نوي تن سا وءا ها جر


***

ازعّل حالي وْارضيك


أزع عل حا ليوْ أر ضي كْ
أزع عل حا لوا أر ضي كْ
ناديه حسين
01-05-2011, 06:06 AM
هلا استاذي العزيز خشان

والله يااستاذ اللي يتعلم للعروض لازم يعرف هذا الكلام واحتمال القرءآت مايجي الا بالخبرة وللمتمكنين من شعراء وعروضين
اجد فطاحلة الشعراء لايعرفون هذا الامر المهم في النقد

احيانا ابي اعرف وزن قصيدة اضطر لقراءة اكثر من بيت حتى اعرف البحر واتأكد منه

واعيد القراءة بالوزن الصحيح

موضوع اللهجة واحتمالات القراءة بعده وجوه تحتاج عروضين من الدرجه الاولى حتى ينتقدو

ومااقول غير الله يعطيك العافية

بكتب في هذا الموضوع في اقرب فرصة

والله المستعان
ناديه حسين
01-16-2011, 11:50 PM
تكفا

على بحر الصخري


كفاني منك اجحاف وتجنّي
اموت ولا أقول بْيوم : تكفا

زهدت بْقلبك اللي مايحنّي
ولا ارْجي شي من انسان أقفّا

انا لو عشت عمري بالتمني
معك , باجوع واتْعرّا وأحْفا

ولكن قلت ربي امتحني
بشخصٍ ميّتٍ به روح تلفا


عنيد ٍ يعجبه نوحي ووني
قويٍ مستبد جلمود وصْفا

بغني ( أعطني النايا أغني )
وباكل واشرب وألبس وأدْفا

لأني ساعة الأزمات كني
جبل ماتهزني ريحٍ بعصفا

كرامة نفسي ابقالي لأني
عزيزة روح بالاحساس ترفا

اعاف الجاحد وْلو كان منّي
دوى الاورام يارجال شلفا

أبيده ساعة اللي راح عنّي
وهذا طبعي كانك ماتعرْفا

وداعا قلتها لك يامعنّي
واموت ولااقول بيوم تكفا

وسلامتكم
دابراهيم ابوزيد
01-19-2011, 02:08 PM
قول يازمان

***

قولها معايا وعيد يازمان.....شجر الحب طرح احزان

شوف الورده ان خلعت توبها.....حيبان شوكها على الاغصان

***

قول يازمانى معايا وبوح.....قلب العاشق طير مدبوح

قصة حب حروفها خطايا.....ماده جذورها وساكنه الروح

قطفت اجمل حته فى قلبى.....زرعت دمعة ونار بركان

شوف الورده ان خلعت توبها.....حيبان شوكها على الاغصان

***

ياللا ياقلبى اسمعنى وتوب..... قبل مايبقى عليك مكتوب

كل اغانى العشق بتشكى.....بكّتْ ياما معانا قلوب

نار الحب ياقلبى سيبها.....نرجع زى ماكنت زمان

شوف الورده ان خلعت توبها.....حيبان شوكها على الاغصان

******
ناديه حسين
01-24-2011, 06:15 AM
قول يازمان



***

قولها معايا وعيد يازمان.....شجر الحب طرح احزان

شوف الورده ان خلعت توبها.....حيبان شوكها على الاغصان

***

قول يازمانى معايا وبوح.....قلب العاشق طير مدبوح

قصة حب حروفها خطايا.....ماده جذورها وساكنه الروح

قطفت اجمل حته فى قلبى.....زرعت دمعة ونار بركان

شوف الورده ان خلعت توبها.....حيبان شوكها على الاغصان

***

ياللا ياقلبى اسمعنى وتوب..... قبل مايبقى عليك مكتوب

كل اغانى العشق بتشكى.....بكّتْ ياما معانا قلوب

نار الحب ياقلبى سيبها.....نرجع زى ماكنت زمان

شوف الورده ان خلعت توبها.....حيبان شوكها على الاغصان


******


ياهلا ومرحبا حياك الله يادكتور ابراهيم نورت المتصفح وصح لسانك
ودي فرصة حلوة انسخلك م قديمي باللهجة المصرية


دكتور هيما احنا المجاريح
بيسلمنا الهوى للريح
في ناس اشواقهم جباره
وناس كدا اشواقهم تفاريح

والدنيا غروره وكذابه
بتفرق ناس دابوا صبابه
واحنا ياعيني علينا غلابه
زيّ الريشه بوشّ الريح



العاشق عاشق لحبيبو
والاحزان مش عايزه تسيبو
وآدي الجرح وآدي طبيبو
الشوق جارح قوي ياجريح




ولاعدمتك

دمت بود
ناديه حسين
06-22-2011, 12:11 AM
السلام عليكم ورحمة الله وبركاته
يوم سيء

بحر الممتد

يوم سيء بلا شكْ منْ بداية نهاره
باوّله شفْت انْاني شخْص بارد طعس

بأوسطه شفْت خايس مثْل كيس القذاره
بآخره شفت عادم ليته عنّي يطس

يوم خايس والاخْيس منْه وجهك ياجاره
التصبّح بوجهك جابني للنحس

عينك اللي احْسدتْني ياعساها لشراره
ودّها تْشوف حالي من سعيد لْتعس

ياعساك لْعيونٍ مثْل عينك غيارى
تحْسدك لين قلبك باللي فيني يحس

شي بين الحنايا قلب والع بناره
من هواجيس خطْره في كيانك تجس

تحْسديني على وش تحْسدين الفقارا
كيف لو انّي اظْهر كلّ شيْ ماأدس

كيف لو ماتحصّن والتزم بالطهاره
كان متّ بْعيونك وبْسهمْها النجس

جعل ربي يعوّض ماحصل من خساره
ووعدك ما اورّي شيّ لحْدٍ طفس


وسوالم
الله يبعد عنا كل عيانه
دمتم بخير
ناديه حسين
06-22-2011, 12:16 AM
تذكر؟

بحر الهجيني

تذكر ليالي الهوى يـوم التقينـا ؟
بــأول لـقـا والـولـه والـشـوق تـــوّه

كــان الـزمـن حـانـيٍ قلـبـه علـيـنـا
كـان القـدر رامـيٍ لـي حيـن ســوّه

وكان القمر ساهر بْقلب المدينـه
يرسـل علينـا الهنـا بخيـوط ضـوّه

وكان السحـاب بْسمانـا ياسمينـه
ينثر علينـا عطـر مـن طيـب نـوّه

وانتـه وانـا والـهـوى نـشـوان فيـنـا
كــنّــا حـبـايــب ومـعْـنــا زان جــــوّه

كنت الرضي والوفي الحر الامينا
فـجــأة لقـيـتـك لـهــا كــلــك مــــروّة

مــدري لـهـا مــدري لْـوحـده لعيـنـه
عـطـتـك قـــوّه لطـعـنـي بْـكــل قـــوّه

تنسى شعوري وْتجرّعني الغبينـه
و ابـلـع مــرار الأسـيّـه وْ مـاتـفـوّه

بعدك ليالي العمر صارت حزينـه
حـتـى قمـرهـا بـعـد هـجــرك تـشــوّه

امـا الهـوى غسّـل بْدمـعـي يديـنـه
يــوم الـزمـن مــن عذابـاتـي تـــأوّه

امــا السحـايـب مـطـرهـا زخ كـيـنـا
امـــا الـقــدر سـطّــر وْعـلّــم ونــــوّه

قـال القـدر كلمـتـه بنـبـره رصيـنـه
نسيـت كـيـد النـسـا واحْـقـاد حــوّه

مـالـك نـصـيـبٍ بـهـالـدره الثمـيـنـه
مـع السلامـه وسـوّي اللـي تـسـوّه


وسلامتكم
ناديه حسين
06-22-2011, 12:28 AM
للدعابه مجاراة للشاعر محمد الشطيطي

دعابة

على بحر الرمل

الله واكبر

الله واكـبــر مـــن عـمـايـل هالـحـريـم بـهـالـرجـال
مــن زمـــن آدم وحـــوّا سّـرهــا (الـبـاتـع) مـكـيـن

لـــو يـقـيـدوا عـشـرهـم شـمــعٍ فـــلا شـكــراً تـقــال
الـجـمـيـل بـشـرعـهــن رايـــــح وذا عــلـــمٍ يـقــيــن

لو تغازلهن تلاقي في صفا الغفله نعال
وان تطنشهن تلاقي حولك السحر اللعين

مــن يجاملـهـن فــلا يـلـقـى ابـــد غـيــر الـســؤال
وين رايح؟ مين عندك؟ قبل ترجع كنت وين ؟

وان تــجــاوب بالحـقـيـقـه مـاتـصـدّقـك وْمــحـــال
تقـنـع الـحـرمـه بـإنــك صـــادق ٍ وافـــي امـيــن

الله واكـبـر وان تـبــي مـنـهـا ولـــو عـشــرة ريـــال
تـصـرخ بوجـهـك وكـنّـك مـاخـذن منـهـا ضنـيـن

والله اكبـر لـو تبـي منـك الضنـا ومافـي مـجـال
تاخـذك عنـد الحكيـم اللـي معـه مشـرط سنـيـن

تــاخــذك يـــــم الـمـحـاكــم والـقـضـايــا والــجـــدال
تخلعـك خلـع الضـروس اللـي تقـول مسوسيـن

ثــــم تــــدور عـالـحــلال الــلــي تـخـيّـلـه الـــــزلال
تـاخـذ المـزيـون بــو غرّه عـريــض المنكـبـيـن

خـذ نصيحـة مـن اخيّـه وافتهـم يـاابـن الـحـلال
احذر اللـي تضحـك بْوجهـك علـى مـر السنيـن

هــذي افـعــال الـنـسـا؟ لاتْصـدقـونـي يـــا رجـــال
هــــذي افــعــال الــرجــال بْــنــا وحــنّــا الطـيـبـيـن

مالقينا في رجال اليوم خصله من خصال
النبي المصطفي طه امام المسلمين

والـقـصـيـده قـلـتـهـا ردٍ عــلــى هــــاوي الـشـمــال
قلتـهـا قـصـدي الدعـابـه واسلـمـو يالحاضـريـن

وسلامتكم
محمد القحطاني
07-16-2011, 11:59 AM
صح لسآنك ...

ماشاء الله موسوعه شعريه ....

حرف حرف شطر شطر بيت بيت قصيده قصيده تردد غير الشاعره نآديه ما نريده ...

بحبر من الذهب الملكي على صفحآت الشعر الالمآسيه يجب اني ينحت اسمك بصوره ابديه ...


ننتظر المزيد.... والىا الآمام
ناديه حسين
10-15-2011, 05:15 AM
صح لسآنك ...

ماشاء الله موسوعه شعريه ....

حرف حرف شطر شطر بيت بيت قصيده قصيده تردد غير الشاعره نآديه ما نريده ...

بحبر من الذهب الملكي على صفحآت الشعر الالمآسيه يجب اني ينحت اسمك بصوره ابديه ...


ننتظر المزيد.... والىا الآمام

حياك الله اخوي محمد

وتسلم على كل حرف كتبته وماعليك زود والحمد لله اعجبتك الاشعار

وياهلا وغلا:وح2:
خشان خشان
07-09-2013, 11:03 AM
سلمت أستاذتي


عيونك الله محليها

هذا الشطر يستقيم وزنه بالقول

عيو نكْ أل لمح لي ها ........فهل هذا جائز في اللهجة ؟

ثم العجز :


وشفاتك مسكٍ وعنبر

يمكن يستقيم على ذات الوزن وممكن يكون خببيا ؟

و - شفا تك مس كنو عن بر = " 3 4 3 4
وش فا تك مس كو عن بر = 2 2 2 2 2 2 2

وإن صح قولي فهو يبين أن اللهجة تحتمل قراءات مختلفة لذات النص حسب الوزن.

ما رأيك أستاذتي؟ رعاك الله.
ناديه حسين
07-10-2013, 01:08 AM
هلا استاذي الغالي خشان

وكل عام وانتم بخير مبارك عليكم الشهر

هي

عيو نك ال لمح ليهو
شفا تكمس كنو عنبر

واحتمال قراءتها خبب جائز كما تفضلت
بس انا كتبتها على

3 4 3 4 هزج الآن اضيف البحر والوزن للقصيده

خبب

وشفاتك مسك وعنير = وش فا تك مس كو عن بر
وعيونك شهد وسكر = وع يو نك شه دو سك كر


بحاول اخببها اشوف تزبط

وتقبل تحياتي
ناديه حسين
07-11-2013, 05:29 AM
مسحوب


ياطير يااخضر


ياطير يااخضر يارسول السلامه
سيّر عليهم جعْل دربك تساهيل


روح بسلامه وردّلي بالسلامه
ومعْك البشاير قبْل مايرجع الليل


وصّل سلامي للي زايد غرامه
واللي غيابه جرّني للبهاذيل


راعي الوفا راعي الترف والوسامه
ابو العيون الناعسه الساحره حيل


اللي تركلي في جنوبي ضرامه
واللي عشانه مت انا وعنْه مااميل


قله وحشني حيل ليلي منامه
قله على فرقاه ماعاد بي حيل




وسلامتكم:وح:1
ناديه حسين
07-11-2013, 05:38 AM
متدارك

2 3 2 3 2ه
2 3 2 3 2

كلها ايّام

كلها ايّام وتعود
روح روحي لْكياني

ويوم رجْعتْك ءءءء
اغلى يوم بزماني

بنتظر يوم موعود
فيه فرْح وتهاني

شوقي لك ماله حدود
لاتأخر ثواني

يكفني شهرن وزود
عشت دونك اعاني

لادموعي بها فود
لاسؤالي هداني

سرت في درب مسدود
وانحجزت بمكاني

وانت مازلت مفقود
مت ومحدن رثاني

والليالي غدن سود
والقمر مالفاني

وباقي ايام وتعود
روح روحي لكياني

ياعسى وقتك يحود
والتقي فيك ثاني

شوقي لك ماله حدود
لاتأخر ثواني

وسلامتكم:وح:1
ناديه حسين
07-11-2013, 05:58 AM
رجز



شهرين إلا


شهرين إلا ماترن
ولارساله في البريد


مااخْبرك قاسي ماتحن
اخبرك رومانسي عتيد


وش صار في هذا الزمن؟!
ليش الجمر صاير جليد


حرام من بعدك بجن
وانته عجب دوني شديد


لاتْكون محجوز ب سجن
ومْربّطينك بالحديد


وللا بعد ماسسك جن
ومكتفينك رجْل وإيد


أو انْك في جنة عدن
عايش مع الحور وسعيد


لكن حياتي مااظن
واظن في أمرٍ جديد






وسلامتكم :وح2:
ناديه حسين
06-28-2014, 03:02 PM
كلي جراح

مجزوء الرمل

من فجر ذاك الصباح

قبل يعلن انسحابه

شفت دمّي يستباح

من طرف حضرة جنابه

مادرى كلي جراح

يوم زهّب لي حرابه

مادرى ان السماح

مشرع ٍبالقلب بابه

قلبي لو هو طير باح

جرّ مواله ربابه

وستّل بذاك الجناح

سافر وأجّل إيابه

هذي الدنيا مراح

وفي نظر عيني ذبابه

مايهمني شي راح

ماتحسّر من ذهابه

:وح:1
ناديه حسين
06-28-2014, 03:24 PM
متدارك

شعر ساخر

الخيانه لها ناس .........ناس ياطون الادناس
يخدعونك بكل شي .....وانت ياقلب وجّاس

حرّ مايخدعونك ......... والفراسه بعيونك
يوم هم يتبعونك ........ مادروا انْك قرناس

واحمد الله يقلبي ....... كنت صاحي بجنبي
شت فاسد وسلبي .....وصابهم منّك الياس

الخيانه لها ناس

واللقافه لها ناس..........ناس داخلهم خْياس
والفضولي عدمته ......مدمنٍ ع التلسلاس

شايل الكلفه دايم ...........يقلقك وانت نايم
كنّه مْن البهايم ....شخص معدوم الاحساس



اللقافه لها ناس

والحماقه لها ناس ........ناس ....... يتبع:وح:1
عبد الهادي الشاعر
06-28-2014, 04:19 PM
متدارك

شعر ساخر

الخيانه لها ناس .........ناس ياطون الادناس
يخدعونك بكل شي .....وانت ياقلب وجّاس

حرّ مايخدعونك ......... والفراسه بعيونك
يوم هم يتبعونك ........ مادروا انْك قرناس

واحمد الله يقلبي ....... كنت صاحي بجنبي
شت فاسد وسلبي .....وصابهم منّك الياس

الخيانه لها ناس

واللقافه لها ناس..........ناس داخلهم خْياس
والفضولي عدمته ......مدمنٍ ع التلسلاس

شايل الكلفه دايم ...........يقلقك وانت نايم
كنّه مْن البهايم ....شخص معدوم الاحساس



اللقافه لها ناس

والحماقه لها ناس ........ناس ....... يتبع:وح:1


صح لسانك استاذه ناديه او ل مره اشوف بحر مايلتزم بالقافيه الا بحر الهلالي يكون صدره مهمل ياليت توضيحن لي ..
ناديه حسين
07-02-2014, 11:19 AM
اخوي عبد الهادي انت تتكلم عن الشعر العامودي تحديدا وحتى البحور الثانيه عادي تهمل قافية الصدر
والشعر له الحان وقوالب ومثل مايجيك قوله واكتبه دون قيود المهم لاتعدى الخطوط الحمرا


هذي المقطوعه تسمى مروبعه وبحرها المتدارك

ودمت بخير
ناديه حسين
04-06-2019, 02:38 AM
تغاريد النادية
[color="red"]مجزوء الرمل
العلوم ان جات في وقت اللزوم
والمشاعر صافيه متوافيه
مثل هتان ن ترك قلب الغيوم
وعانق زْهور البراري الغافيه


مسحوب

الريح تلعب بالغصون وبالاوراق
صيف وشتا تعصف وتشلع خفوقي

عم اليباس الروح واجْتاح الاعْماق
وانا الربيع اللي يبلّ العروقي

مجزوء الرمل

يارياح ٍ بي تروح ::صوب ذيّاك المليح
الهوي كله جروح::والزمن دايم شحيح
كيف احكي له وابوح::وباقي اشويه واطيح
بمطتي جرحي واروح ::واتجه عكسك ياريح


مجزوء الرمل


مانسيتك يالحنان
وب فؤادي لك مكان
لو يطول به الزمان
ماعطيته شخص ثاني


حدا


ياهيه
مدري وش اللي فيك..يجبرني أستنيك
وانته كأنك طير
طاير
من وادي لبستان.. وتردد الالحان
ساعه وثم تْطير
وتغيب
وتهبض الأشجان..في قلبي لولهان
وآآصير ماني بخير



صخري

ولا تشرق على ايامي الشمس
ولايضوي قمر ليلي ظلامه

بعد عينك تركني العمر للأمس
مع الذكرى وتمنى لي السلامه




مجزوء الرجز

ياليل ياليلي انا عندي دليل
ماجاني في حبه اكيد ن جاي له
يسهر طوال الليل ولحد المقيل
ويشوف مثلي من نجوم القايله



وسلامتكم

مجزوء الرمل

طمّن الملهوف يارب الرهايف
كلّنا عْبادك على بابك نطوف
مانبي الا الأمان مْن المخاوف
وانت قادر ياكريم ويارؤوف

متدارك

حسبي الله على اللي
مابقلبه محنّه
حسّه المضْمحلي
يرقص لْكلّ ونه
اشتكي له لعلي
آخذ العزم منّه
من بروده يقل لي
حنّ محْنا في جنّه
وسلامتم



مشطورة مسحوب

تدري بحالي ياعظيم الجلالي
باللي ظلمنى وش عمل وش نوى لي
انت العليم الداري بْما جرى لي
فوضّت امري لكْ وبك اتكالي


شعر النادية

ناديه حسين

ودمتم بخير:وب::ز ز::وب:
ناديه حسين
06-01-2021, 06:38 PM
طول الأمل
على وزن الكسره الحجازيه

4 3 2 4 ه
4 3 2 3 4


طول الامل في صلاح الميت
بيزيد في النفس حسراتك

في الناس من داخله تشتيت
له عكس سيء على ذاتك

ويشب في روحك الكبريت
حتي تصفي مراياتك

ياقلب اصحا اذاتأذيت
قوم وتأمل بما فاتك

مايصلح الدهر ماسويت
حتى تنقي علاقاتك

وشلك بمن في رضاه افنيت
نفسك ومالك وأوقاتك

وشلك بمجنون به عفريت
قاعد يزود بروعاتك

كم كنت تبني واذا هديت
تقدر تعوض خساراتك

خليه في عالم التشتيت
وخليك متفرد بذاتك
وسلامتكم
ناديه حسين
10-03-2021, 04:00 PM
غلطتي مو غلطتك

على بحر الرمل


انتظرتك لين ماراح الشباب
ومابقي في العمر كثر اللي مضى

غلطتي مو غلطتك يابو الشباب
كنت اعطي وانتظر منك الرضى

وانت لاهي بدنيتك فوق السحاب
مستبد وطاير تجوب الفضا

لاسألتك شي ماالاقي جواب
غير وش تبغين في وقت الفضى

وانكسر ظهري وحتى الصبر شاب
وغبت عني وغيري بوقتك حظا

ولاحظيت بيوم الابالغياب
عشت انثى فوق جمرات الغضى

وانت لاهي ماتفكر بالعقاب
لابرب ولاجحيم ولا لظا

كنت اطارد لي في هالدنيا سراب
واكتشفته بعد ماعمرى قضى


والقصيده قلتها للموعظه

ودمتم بخير
الناديه
خشان خشان
10-03-2021, 10:20 PM
غلطتي مو غلطتك

على بحر مجزوء الرمل


انتظرتك لين ماراح الشباب
ومابقي في العمر كثر اللي مضى

غلطتي مو غلطتك يابو الشباب
كنت اعطي وانتظر منك الرضى

وانت لاهي بدنيتك فوق السحاب
مستبد وطاير تجوب الفضا

لاسألتك شي ماالاقي جواب
غير وش تبغين في وقت الفضى

وانكسر ظهري وحتى الصبر شاب
وغبت عني وغيري بوقتك حظا

ولاحظيت بيوم الابالغياب
عشت انثى فوق جمرات الغضى

وانت لاهي ماتفكر بالعقاب
لابرب ولاجحيم ولا لظا

كنت اطارد لي في هالدنيا سراب
واكتشفته بعد ماعمرى قضى


والقصيده قلتها للموعظه

ودمتم بخير
الناديه

كل غيبة بسلامة أستاذتي.

هذا هو الرمل = 2 3 4 3 4 3 أو 2 3 4 3 4 3 2

مجزوء الرمل - 2 3 4 3 2
ناديه حسين
10-08-2021, 02:24 AM
كل غيبة بسلامة أستاذتي.

هذا هو الرمل = 2 3 4 3 4 3 أو 2 3 4 3 4 3 2

مجزوء الرمل - 2 3 4 3 2

تم التعديل وشكرا للتنويه استاذي الكريم

ويارب كل غيبة بسلامة

ودمتم بخير
ناديه حسين
09-13-2022, 05:56 PM
على بحر الصخر المقفى

3 4 3 4 3 2
3 4 3 4 3 2

ثقه

يادلوعي لقيت اللي تحبك ؟
كثر حبي أو انك بعد باقي

تدور في النسا انثى تعجبك
وفيها شوق لك كثر اشتياقي

انا ادري مالقيت وذاب قلبك
وحب الروح مايروح بفراقي

ولو بنت القمر والشمس جنبك
تصد عنها وتشتاق لعناقي

عسى الايام توعدني بقربك
وتسعدنا اذا تم التلاقي

وسلامتكم


وحب الروح مايروح بفراقي
وحب ظ£ برظ¢ روظ¢ حميظ£ روظ¢ حبظ¢ فراظ£ قيظ¢
ظ£ ظ¤ ظ£ ظ¤ ظ£ ظ¢