اساتذتي الافاضل
صباح الخير
شوفوا غيرت فيها شوي
جات القريحه علي الوزن بعد ماتعودت عليه وضبطت
معني ووزن وبسلاسه
في ماجا علي الكيف
ماهتميت الا للوزن مع ان القريحه كانت ممتازه وكنت اقدر اكتب احسن من كذا
لكن ابي اوريك هي بسرعه
وانتشرت
ماجا علي الكيف
الهوى ياهواي ماجا علـى الكيـف
الهوى لو عطى هدايا خذاها
والسوالف على التساويف ياحيـف
كلّ ابوها انتهـت بلحظـة صفاها
هي ليالي قضت وراحت مع الصيف
والشتا جا وجاب هـمّ و طواهـا
والسواقي على العطاشا الملاهيـف
صوتهـا انقطـع بزمـّة شفاها
صمتهن قال لا ولا قصْد تخويـف
لا امل للقلوب تروى بماها
لابْورودي ندى ولو ضمّها ريـف
والعطش يالعطـش ويامـن سقاهـا
والجفا برد في حناياك ياضيـف
عزوتك مااحتفت بضيف(ن) لفاهـا
والهوى مستبد ويشهر بعد سيـف
واحتسبت الجراح ويّا عناها
وانتهت عاشقه و علامك تجي طيـف
للقوافي تجـي و تحاور معاهـا
وش بقي في الحياه غير السواليـف
والف ليله علـى حياتي شقاها
والنهايه أموت وتموت : ياحيـف
والحكايه تموت محـدِ حكاها
الهوى ياهواي ماجاعلـى الكيـف
والجريحه عسى تلاقي دواها
دمتم بود
حاولت اضبطها بدون مايكون فيها كلمات ممكن تقرأ بطريقه واخرى
والسموحه على الركاكة
سلام
المفضلات