لا يا شهر تشـريــن قـم عـايـد التـيـن: عيدكم مبارك

السلام عليكم ورحمة الله
تقبل الله منا ومنكم وجعلنا برحمته وفضله من عتقائه ووالدينا

وكل عام وانتم بخير وعيدكم مبارك

[TABLETEXT="width:85%;background-image:url('http://img25.dreamies.de/img/651/b/bidy7oqy74g.gif');background-color:black;"]

[TABLETEXT="width:80%;background-image:url('http://img836.imageshack.us/img836/7424/kbjk.gif');background-color:black;"]

[TABLETEXT="width:70%;background-color:black;"]

لا يا شهر تشـريــن قـم عـايـد التـيـن

.............


لا يا شهر تشـريــن قـم عـايـد التـيـن
ذابـت عـنـاقيد الـعـنـب وانـت بــردان

غبـنـا ولا غابــو عن القـلـب غالـيــن
صـنَّــا غــلاهــم قــدر واحساس لـلآن

كل عــام وانت بخيـر وأيـامـك تزيــن
كل عام وانت لشوف مغلـيــك ولهـان

يلي تنـفس وارتــوى عشقــي سنيــن
لا هـان راسٍ: قَـــْدر مغلـيـه ماهـــان

لـوكان نــنسى كـــل من فـارق العيـن
ما عـاش في دار الحنـايا ولا انســـان

يقنعنـي الممكن رغـم ظرفنــا الشيـــن
لا صـرت حـي بـذاكـــرة كـــل نسيــان

جيتك وعصف الذهن محتاجك(إ)ذهيـن
ودي افضفضلك من الصــــدر قيـفـــان

مثْل العســر لأحتــاج لليســـر والليـــن
جيتك وله, مدري عتب, مدري احـزان

من مهجـــر الغربه ومنــفـى العناويــن
جيت ارتميبك شوق لاحضان الاوطــان

صمتـي هديـل وصرختـي بين ضلعـيـن
فينـي صخـب أمواج وهـدوء شطـئــان

فيني طعــن شلفــا لها جـــرح حـديــن
فينـي الكحَيْلَـه والســنـافـي كحـيـــلان

نبضن يحلق حـر لو سجنـــه البيـــن
ماهو طليقٍ خرب مقصـوص جنحان

كانــك نسيت الزرع ياطيـب الطيـــن
ليتك تـــذكـر يومـه القـفــر ظمــيـان

سبعٍ سمان وراحت بعجـف ثنتيـــن
ولـي رواك الأمس ذابـل وعطشــان

من قبل ترحل بك ريـاح الخماسيـن
يومك حدايـق ذات بهجـه وريحــان

من غير الوافيــن عن درب وافيــن
وآنا اخبر اني بالغـــلا قرة أعيـــان

كتبت والمعنـى يجـي بيـن قوسيـن
(كان الوفـا كايـد/ فلا تكون خـوان)
....
....
....

(كان الوفـا كايـد/ فلا تكون خـوان)



علي القرني

[/TABLETEXT]

[/TABLETEXT]

[/TABLETEXT]