بسم الله الرحمن الرحيم
اللهم صل على محمد وعلى آله وصحبه أجمعين

إهدائي لكم

على المخومس = خماسي الهزج
اتمنى ان تليق بذائقتكم مع فائق الاحترام




...............
وش أدفـى مـن حـنان الـدار واصـدق مـن حـنينك يـاغريب الدار
وش أقـسى مـن وجـع غـصن ظـليلن لو عشق فاسه وحطابه

يـمـر الـجرح . فـوق الـجرح . يـاليل الـمواجع . مـطول الـمشوار
عـلـى جـرحـن عـمـيقٍ يـحـضن الـرمـضا صـبر وضـماده خـضابه

لــك الله : يـاضـحاوي الـمشاعر فـي الـصدور الـي وراهـا الـقار
لــك الله : يـالـعيون . الــي كـراهـا مــن عـنـاها طـارت اسـرابه

تَـعَـبْ : يـجـمع شـتـات الـذكريات ويـنزف عـروق الـحنين اشـعار
عَـبَـثْ : يـشـعل بـكـف الـريـح شـمـعه . والــذواري تــوأد شـهابه

تـعِـب يــزرع . أخـاديـد الـقساوه . والـجفاوه ... والـجروح اعـذار
تــعِـب يــمـلا فــراغـات الـغـياب .... ويـقـتنع . بـظـروف كـذابـه

يـرقـع وش يـرقـع .. وش يـخـلي والـشـقوق الــي يـخيط كـثار
وش يـكـفـيه مـــن طــاقـة صـبـر.. لـوكـل جــرحٍ يـلـبس ثـيـابه

تـغـافل . شــام. وتـسـامح. (ولــوْ تـكْبر صـغار وتـصْغَرنّ كـبار)
وقــدم لـلـمشاريه الـعـشم وان ضــاق صـدره .... شـرَّع ابـوابه

بـطيبه : يـنهمر فـي جـدبهم ، صـدق وْ. وفـا بحساسه المدرار
قـسـم بالله ..... مــا جــاد الـسحاب ولـلعطايا حـسَّب حـسابـــه

وفـا : واسـتوفت الـغصات مـن صـبرالمحاني فـوق سبع اعشار
وفــا نـصـلن سـطـابه . قـبل حـوله . والـضلوع اسـتوفت نـصابه

صحى . من عقب صفعات الهقاوي. منذهل.من صدمته وانهار
بـعينه ... والـمحاني سـاس عـرشٍ فـي عـروقه راسـي اطنابـــه

تـلـفت : لاتـجـاهات الـرحـيل . الـمـوحشات الـموجعه . واخـتار
يـكـون أقــرب مــن انـفـاس الـحبايب . .والـبعيد الـموجع غـيابه

غـيـاب الـنـور فــي ســود الـلـيالي واشـتـياق الأرض لـلأمـطار
ويـبـقـى : طـيـب ذكــره . والـرحـيل مـخـلدٍ ب عــداه واحـبـابه



الشاعر علي القرني

العضويه مستعاره في أنتظار التكرم بتفعيل عضويتي

احترامي:وح:1