إبداعات أبي المنتظر

,,,, إنْبِكَِــــــــــــــــــتْ ,,,,

أَلِف يا حيف وحرامات أنبِكِّتْ
بالنهر غَطّيتْ مَرَّه وإنبَكِّـــــتْ
عاوَدِتْ للنهر أخرى وما تِبِــتْ
راسي غَط ولا بجالي كَيَّشِـــتْ 000 ثاري بالجالي طَلَعْ كَلِش غِميجْ

يا حَسافه الكَلب جَم جَوْيَه انْجِوَه
لنتو ضَمَّدتوه لنطيتــــــــــو دوَه
لا ولا نِكَاط ماي ولــــــــي روَه
جمر حبكمْ بالكَلب شَـــبْ اودُوَه 000 والله هالصحبَه فلا تِسوَه العِتيجْ

عَركَه بالكَصَّه فلا عِدكمْ أبَــــدْ
أسَفْ آنه كنت أريدَنكُمْ سَنَـــــدْ
هاي هَمْ مِن الله قِسمَه لو وَعَـدْ
هَبَّطِتْ راسي فلا اريدَنْ بَعَــدْ 000 مِثِلْ هيجي اعلاس لو هيجي رِفيجْ

ولك لو تسوَه العَتَب جا عاتبيتكْ
هدانْ أرعَنْ من زمن آنه دريتكْ
شبيدي عالوَكْت وزماني وصاحبيتَكْ
عسى بالأبيض يِلِفّونكْ يَريتَكْ 000 تشوف أفعالك السوده بالطِريجْ

كَِلّي عذرك شنهو باجر لو إلاهكْ سائِلَكْ
وين تنطي الوجه يَغبَرْ لو بعدله عاملكْ
ربَّكْ ابحَقّي يِداعي , أبَد لا ما يجاملَكْ
هناك وتشوفه ابصراحه شلون دوران الفَلَكْ 000 لا أخو ينفع ولا صاحب صديجْ

لا هناك المال ينفع لا ولا حتى البنون
سَعيَك الخايب هناكَ تخيب بي كلّ الظنون
تشوف مَجزات الإساءة والصَلافَه واليخون
تشهد اجدامَك وديك وكَلبك وحتى العيون000 هناك غَزلَكْ كلَّه يِنْفَلْ والنسيجْ

أنه اشوفَك مِن تِنِط يفلان من سطح السَطحْ
وانه أدريبكْ رذيل وأرعَنْ او وجهك كَبِحْ
وبالعشيره أكو مثلك هَم يِصِحْ
كون واثق أبَد ما تجني رِبِحْ 000 لو إجَه باجر فلا تِبلَع الريجْ