إبداعات أبي المنتظر

×× حيـــــــف وحرامــــــات ××

كَلبـــــي اليحـــــب يا حيــــف بيّن نِيتَه
للّــــــي هدالــــــي وَردتــــــــه ابحنيته
يا حيـــــف مـــــن كــــل الكَلب حبيتـه
شمدرينــــــي يطلــــــــع زهللي تاليتـه
++++++ مَكَــــرود حبّاب اوّفـــــي حَسبالي
يلعــــب لِعِــــب باعصابــــي ما يترَوّه
آسِــــف كَِلتلـه فـــــلان أروحـــن فدوه
رايــــــد جواب أشفي الصدر مِن حَوّه
هَــــم صار لو دار العشــــــــكَ بالكَوّه
++++++ وينــــه اليِرِد لَهفاي لـــو ينخالي
جلمـــــود كَلبـــــه يا بَشَـــــر مَدريتَه
تالــــــي وكــــت مــــو آدمي حسّيته
كنــــــت اعتقد إبـــن الأصل وِنْخيته
إبتقواه غَرنــــــي وياكثــــــر أدعيته
++++++ دنغوز أثاري ويلعــب بأحوالي
شما راد مـن كنّا وكنتْ ما اعصيته
طِيـــــب اوّفـــــه واخلاق انا وافيته
كلمـــــــــــن وذاته ويرجع التلابيته
عندي الخلــــل آنــــــي الذي عَدّيتَه
++++++ خِــــل اوّفي تالي عدو تراوالي
عَدّيت بُرجــــــه شو طلعلي الميزان
ما يحفظ العِشرَه وطلَع لــــــي خوّان
ومرّه طلع عكَرب وهَـــمْ عِنده لسان
أيعَبرَك النيل ودجله , ترجع عطشان
++++++ حيف وحرامات الذي يجرالي
بِنْيَّـــــه صِدتــــــــه شو طلع سعلُوّه
ما يعتــــــــــرف بالشوكَ لا بالخوّه
ما عِندَه حنِيّـــــــه أبــــــد لا امروَّه
شوفوا يَناس اشلعب بــــــيّ اشسوَّه
++++++ شَمَّت ابحالي اليوم كل عذالي
ايطببنـــــي ويطلّعنــــي بلوه ابّلوه
كَِتلــــه دخيلـــك بس أريدن عَطوَه
يهوى أذيتـــــــــي ويعتبرها سَلوه
نَغَّــــــزْ اكَليبـــــــي وعذّباه وجوّه
++++++ خابت ظنوني وياه , كل آمالي