السلام عليكم هل هذه القصصيدة موزونة


الغلط لولاه ياناس ماقلنا صحيح
والصحيح اللي يقوله على صدره وشاح

كثر ماتوحي علوم بها حب ومديح
لا تصدق هرج ناس تكثر بالمداح

وكل ماتعشق بنيه لها وجه مليح
ملحها في قلبها لا تدور للملاح

لا تغرك مشيتك باكر الجمل يطيح
من مسافات طويله تعنى ثم طاح

كلنا نعدي ونشقى في هالكون الفسيح
كم سمعنا نوح طير وسمعنا ديك صاح

وكم سمعنا طفل يبكي على امه يصيح
وكم سمعنا عود يعكز على عوده وراح

وكم لمحنا برق غيم وهجدنا هب ريح
وكم كسبنا راس مال وخسرنا هم زاح

وكم كسرنا عود طلح وقطعنا عود شيح
وكم قطفنا عود راك وحرقنا عود فاح

وكم كوينا جلد نار ونزفنا دم قيح
وكم بكينا من فراق وضحكنا بالمزاح

وكم سمعنا من لسانٍ تحلى بالفصيح
وكم سمعنا من حناجر تجرح بالصياح

وكم سمعنا رجل يحلف على كذبه صريح
وكم سمعنا شيخ يفتي على المنهي مباح

وكم سمعنا ناس تلطم على باب الضريح
وكم سمعنا جيش يرمي على المسلم سلاح

وكم سمعنا قس يروي على دين المسيح
وكم سمعنا شيخ ينفث على الجني نفاح

وكم سمعنا سيخ يمشي على نار(ن) وفيح
وكم سمعنا بوذي يشكي على شمس الصباح

وكم سمعنا من فقير(ن) ترفد بالشحيح
وكم سمعنا ذيب يرقص على طبل النباح

الحياه اتدور بالناس مابه مستريح
السفينه ماشيه فوقها عكس الرياح