سلام ياكرام
سلمتي عبورة الله يعطيك الين يرضيك
اهلن استاذ برهان
وصحت السنتكم
وسلمت استاذي خشان ملك التشطير
أما انا فهوايتي المجاراة وسأشطر لأول مرة حتى اعرف رأيك
يا وجودي ما بقى فيني صبر
( لا تلوّع من صبر وابدى السلام )
(كم نصحتك مير يالقلب الحجر)
من سكوتك انتهى فيني الكلام
جيتني ببرود يذبحني دهر
( خير يا طيري تمادي في الهيام )
ملّ صبري من غموضك واحتضر
(قلب عاشق احترف هجرك وصام )
(من صبر حطّم غرورك وانتصر)
صاح وجده ما يبي منّك سلام
وسلامتكم
اما المجاراة
يا انا ورقه على غصن ٍ خضر
والرياح تهيج وبصدري سلام
فجأه حسّيت الخطر لا من مفر
صادني صياد هاوي لليمام
صرت له غاية مراده يابشر
صرت له مطلب اساسي للغرام
بالليالي صرت له ضوّ القمر
ولمزاجه صرت له كاس المدام
ولعيونه صرت له احلى الصور
ولشفاته صرت له منهل هيام
وبحياته صرت له كل العمر
ولجنانه صرت له جن الظلام
انتفض قلبه وماصدّق خبر
كنت اظنه عاشقن بي مستهام
والحقيقه ماعشقني واحتكر
الحقيقه صارت الموت الزؤام
صادني من دون عذرٍ يغتفر
يب يجرّب قدرته بْرمي السهام
اعترف انه مكر وانه غدر
واشتكيه لرب عينه ماتنام
من خذلني واهتوى بنت الغجر
انكسر قلبي وْغدى كتلة حطام
من يضر الناس بالتالي يُضر
من يضيم الناس لابد مايضام
وسلامتكم
دمتم بخير
المفضلات