المشاركة الأصلية كتبت بواسطة دابراهيم ابوزيد
قول يازمان
***
قولها معايا وعيد يازمان.....شجر الحب طرح احزان
شوف الورده ان خلعت توبها.....حيبان شوكها على الاغصان
***
قول يازمانى معايا وبوح.....قلب العاشق طير مدبوح
قصة حب حروفها خطايا.....ماده جذورها وساكنه الروح
قطفت اجمل حته فى قلبى.....زرعت دمعة ونار بركان
شوف الورده ان خلعت توبها.....حيبان شوكها على الاغصان
***
ياللا ياقلبى اسمعنى وتوب..... قبل مايبقى عليك مكتوب
كل اغانى العشق بتشكى.....بكّتْ ياما معانا قلوب
نار الحب ياقلبى سيبها.....نرجع زى ماكنت زمان
شوف الورده ان خلعت توبها.....حيبان شوكها على الاغصان
******
ياهلا ومرحبا حياك الله يادكتور ابراهيم نورت المتصفح وصح لسانك
ودي فرصة حلوة انسخلك م قديمي باللهجة المصرية
دكتور هيما احنا المجاريح
بيسلمنا الهوى للريح
في ناس اشواقهم جباره
وناس كدا اشواقهم تفاريح
والدنيا غروره وكذابه
بتفرق ناس دابوا صبابه
واحنا ياعيني علينا غلابه
زيّ الريشه بوشّ الريح
العاشق عاشق لحبيبو
والاحزان مش عايزه تسيبو
وآدي الجرح وآدي طبيبو
الشوق جارح قوي ياجريح
ولاعدمتك
دمت بود
المفضلات