قصائد وبحور (نبطي)

على بحر الهجيني / البسيط


أكبر من الحب

أكبر من الحب حبك مو هوى عابـر
قلبك و صابه شجـن والـروح هيمانـه

واكبر من الحب حبي عقلي بك طايـر
والكبد تشكي الظمـا وتصيـح حرّانـه

والعين تبكي ولابه من سبـب ظاهـر
شف لك طريقه وتذكّـر انـي انسانـه

كل ماطرى لي خيالك صحت :ياساتـر
وش لو ن اجيلك عطش وآعود ريانـه

واسمع هدير الندم من صوبـك يْهـادر
ماغير تطرى المـوادع قبـل ملقانـه

وتغصّ في دمعتك مخنـوق ع الآخـر
زهر البنفسج ذبل يابس على اغْصانـه

معقوله؟ اقبـل عليـك وكلـي يغامـر
ياحيف اجيلك عطش وآرد عطشانه !

انت الذي قلْت لي : اهواك .. والظاهر
انت الذي قلْت لـي بالـروح تفدانـه

أكبر من الحـب حبـك تكفـا لاتكابـر
كم مرّه حاولت لكن صعـب تنسانـه

وتعـود ليّـا وكلـك تكسـر الخاطـر
تلقاني وسْط الوله بآآآموت باحضانـه

أكبر من الحب حبـك هقوتـي صايـر
أصغر من الحب ياللي قلْـت تهوانـه


وسلامتكم