.

.
غرد العصفور ...



في بحور الصداقة مركبك مكسور
............من سبايب عيون الأمس مغليها

لي قظيت الزمن في رفقته مسرور
ما دريت ان بيوم المر تاليها

ضيق حالك فضح ما كان به مستور
...........لي خلع ثوب صدقه من درى فيها

حتى بيت الصدق في قلبه المهجور
...........عشعشت به خيانه وما يراعيها

ادري انك تداريه الزمن مقهور
من بتكتم دموع العين تخفيها

وادري انك قظيت العمر به مغدور
.............مير غدره يجي بالحكمة تدريها

تاخذ العبره من غدره كما التنور
............تمسي خبزٍ حبوب القمح يكويها

خلي ميزان قلبك بالحذر معمور
............لا تودي المشاعر من يناديها

لا تغرك صفاة اللي لفى بزهور
............من تمد الايادي الشوك يدميها

لكن اياك تمنع حق له وتجور
............طيبة القلب ما يومٍ تخليها

باكر ثمار طيبك من تجي القبور
............في ظلام القبر نورٍ تلاقيها

أشهد أن الذي عاف البشر معذور
............واشهد انه يعز نفسه ويعافيها

وآخر القول بكتاب العمر مسطور
............الخلايق تجي روحٍ بتعطيها

اختم اللي بديت وغرد العصفور
............في كلامي عبر للي قرا فيها


.