وزن وملاحظة وتساؤلات

السلام عليكم ورحمة الله وبركاته

هذه القصيدة الأولى احببت أن اضعها كاملة

شاق المولع لا عوى
ذيبٍ يحن للي تمنّه

امست حروف اللي ذوى
طوع الهوى للي سبنّه

اهوى المحال الما نوى
يهوى كما بالحب فتنّه

قلبه حروفه بي سوى
سوّن فعايل يجرحنّه

في ساعة الحب بي ضوى
نجمه وثم فينا ضونّه

ثم بالجفا منه هوى
كل شي جميلٍ ضاع منّه

يا من بناره لي كوى
لا ما درى هو كم كونّه

عزالهوى كم به قوى
ينظر زهوره بي ذونّه

اليا خدا بيده طوى
قلبي وضيعنا وطنّه

امسيت انا همي دوى
يشفي حروقٍ لا دهنّه

شاق المولع لا عوى
ذيبٍ يحن للي تمنّه

ليتك أخي برهان تنظم بضعة أبيات على الوزن الجديد في النبطي لنرى كيف يبدو وما هو رأي أساتذة النبطي فيه.

غاب الحبيب وما نسى=قلبي وذكره شاقنا
ناديت لا حل المسى=طيفه إلا منه دنا
طيفه درى بي يا عسى=راعيه يدري ما جنا
لا من خذانا للقسى=تشعل ظنونه نارنا
ناديت انا خلي عسى=في غيبتك خير وهنا
من يوم غاب وما رسى=مركب فرح في بحرنا
عقلي على قلبي قسى=يكتم وفيه احتار انا
خوف الفشيله والأسى=ما يوم نظهر حبنا
ارسل حروف اليا عسى=توصف لقلبه ما جنا
طيفه ابد ما ينتسى=من حلّ فيني ما فنا
ما نالنا غير الأسى=والشعر يوصف حالنا
لو ذاق خلي واحتسى=حرف الوله لي جابنا
ما كان غاب ولا نسى=ويصير قلبه جارنا
يسبق طيوفه يا عسى=وتقرع حروفه بابنا
خلي إلا منه رسى=قلبي بشطه عافنا
لا جيت ببحر من أسى=ياخذني موجه للعنا

ارجو ان اكون قد اصبت

.