صفحة برهان المناصير

هذه قصيدة على بحر الهجيني وارقامه 4 3 2 3 4 3 4

وهي إهداء لأخي الغالي عادل الذي سافر من قريب

واحببت ان اضعها في صفحتي الغالية

يومين ما ينزف اللي به ولا سار= عيّا القلم خطّه وقرطاسي يطيعه
شفت السفر ياكل الصحه والاعمار= يمضي وتمضي بنا ذكرى تجيعه
يا ونتي ونة الجرناس لا طار= فرخه غدا بيد صيادٍ يبيعه
لا من وديدي مضى في وضح النهار= سافر وخلّى فؤادي بالفجيعه
اضحى فؤادي كما البارود لا ثار= يِجْفل خفوقه عصافيرٍ وديعه
عيني وما لومها تبكي على الجار= اليّا غدت دارنا عقبه شنيعه
يا دار عقب المضى ما انتي لنا دار= ضقتي بنا عقب ما كنتي وسيعه
يا دار انا ما بقى لي عقب ما سار= ما غير دمعي وشعري له ذريعه
يا زين الامس البقى ماضي وتذكار= وثغور قلبي عن البلوه منيعه
واليوم عقبه صويب الفكر منهار=وثغور قلبي تهاوت للوجيعه
الصاحب اللي خذا ويّاه الافكار= درب السعد والفرح عقبه نضيعه
من يوم فارق بدت لي كل الاكدار= كن السعد بي مضى يفطم رضيعه
بعض المصايب إلا جتني بلا انذار=اخرج بها عن صوابي والطبيعه
وعمر المصيبه إلا ترضى بالاقدار= ما تحني يوم الظهر لو جت فظيعه
ما دام صيفٍ علينا لا وإلا زار= عقبه خريفٍ ثم شتا يسبق ربيعه

يومين ما ينزف اللي به ولا سار= عيّا القلم خطّه وقرطاسي يطيعه

يو2 مي2 نما3 ين2 زفل3 لي2 به2 ولا3 سا2 ر ه

عي2 يل2 قلم3 خط2 طه2 وقر3 طا2 سي2 يطي3 عه2