أنثر حروفي




أبنثر بالكتاب حروف أحاول اجمع أشجاني
ليا منها تعود سطور أشوف البسمه والدمعه






نحيب الليل صحاني ونوح الطير بكاني
جروح العمر في قلبي بتال الليل مجتمعه






أقوم وانفض الذكرى وبطرد طيف الاحزاني
وارد الدمعة في عيني وبشعل للأمل شمعه






غريب بدنيتي وامشي رياح اليأس تنحاني
يجيني من بعيدن صوت وأذن القلب مستمعه






بنبرة حب يوم يفوت ألين قطّع آوتاني
وما يدري تراه الموت قلبن يحسبه طمعه






وما يدري دموع الورد كذبه بيد سجاني
عصرها لين صاح الورد ظنه غنى من سمعه






حروف الوجد بي تغرق وبحر هاج وجداني
تروح وتختفي فيني محارة شوق ممتنعه






وأخط الحرف إلا نوّر قمر في عتمة العاني
ترى هالدنيا ما تسوى تنزل لاجلها دمعه


برهان



نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي