بحر الهجيني بصوره المتعدده

شكرا استاذه اباء

وهذه صوره ايضا على طرق الهجيني القصير

غزلية بقلمي

ملاحظه

اجده صورة طبق الاصل من بحر المجتث الفصيح

اموت انا

4 3 2 3 2 ه
4 3 2 3 2

اموت انا فيك يازين
يابو العيون الكحيله

زينك عذاب المزاين
من كلّ وادي وْقبيله

الهيبه هيبة سلاطين
والرزّه رزّه جليله

جذاب تسحر ملاين
زين وعروق(ن) اصيله

ويلي وبك خلْق ٍ و دين
والباع راعي الطويله

والطول ميّه وثمانين
والقد فارع بميله

ممشوق رمح بنياشين
ياويل قلبي ياويله

والوجه يضوي ميادين
قمر يشعشع بليله

ليل الحواجب ونونين
وليل الهدب والجديله

وعينك تقل عين شاهين
أنا على الله دخيله

والشف ّورد ّالبساتين
يقهر ورود الخميله

والانف أجْمل او العين
والا الخدود الاسيله

واحتار انا بين وما بين
قلبك وصدر(ن) يشيله

واحتار دايم ببينين
ضيّع فؤادي دليله

وهنا بحط بين قوسين
(العقْل سابق لجيله)

وكل الرجال المساكين
غارو وضدّك شليله

الله خلقهم من الطين
وانته بطينه فضيله

وكل النسا بك مجانين
وقلوبهن بك عليله

واخذتني معْك الى وين
الى الهنا وسلسبيله

واسقيتي الحب كاسين
مزاجها زنجبيله

رديتني بنت عشرين
رديت نانا الجميله

للعشق تكتب دواوين
تشتاق لك كل ليله

والله مامنْك أثنين
والله مافيك حيله

وسلامتكم

ودمت بخير