مبروك يالحسين الف مبروك
هاللحين انت اتقنت مباديء الرقمي
بعدها تدخل للقسم الثاني وهو البحور
لكل بحر وزنه الخاص
الصخري = 3 4 3 4 3 2 .........3 4 3 4 3 2
وقافيته براحتك ممكن يكون بقافيه للصدر والعجز مثال ..هذي الابيات لي
حبيبي مااذكر انه كان سالي
وروحه دايم لروحي قريبه
يدق الطار في نص الليالي
ورقص الزار يغريني غصيبه
4 3 4 3 2 ......... 3 4 3 4 3 2
وممكن يكون مختلف القافيه مثل قصيدة السقيا لابو فارس
تلاوة كاهن (ن) ام نفث قاري
بقلبي يوم اجر الصوت ساري
ادندن دن دندن دن دندن
مثل مادندن الدندان جاري
وبالفصيح كتب عليه ابو فارس سقيفة معبدا .وبالفصيح الصخري اسمه(الوافر)
ومجزوء المديد = 2 3 4 3 2 3 4 3 مثل قصيده ناقتي ومرقصة الجمل وناقتي الاخيره
والشيباني = 3 4 3 4 3 4 3 4 لكلا الشطرين مثل قصيدة نوت
الرمل = 2 3 4 3 2 .....مثل قصيدة منيرة .. وطنقره براس عود ...الخ الخ
يعني كذا لكل بحر وزنه الخاص ..لو زاد حرف تختل القصيده كلها ..انت الحين تقدر تكتب على اي بحر
حتى لو عطوك بيت تجاريه وانت ماتعرف بحره
تقطعه ثم تكتب على نفس الوزن
عرفت وصلت وين ؟ فعلا الحمد لله يالحسين انجزنا والحمد لله وصلنا بر الامان تقدر تخوض اي بحر تبيه وانت واثق وميزانك معاك
والف الف الف مبرووووووووووووك
ودمت بخير
المفضلات