اتمنى المناقشه في هذا .. ؟

لا عاد تسألني غلا ما من غلا يلحق جفـى=قلبي اللي يركض خلف حبّك عجز لا يوصله
ليتك معا قلبي .. ويومن جيتلك قلبـك لفـى=ما كان قلبي مات به حالـم وحلمـه يقتلـه
جيتك وانا ذايب غلا لين الغلا بـي اختفـى=حتى خفوقي في غرامك خافقـك يستجهلـه
شفني اعاني من عنا قلبي اللي حلمه طفـى=لا من حلم ياتي ولا قلبي وصـل مستقبلـه
يومن جروحي لامست نبضات تتنفّس شفـى=ردّيت لي اوجاع لا .. ما هيب بي مستسهله
همي وحزني من تلاميذ الجفى تاتـي خفـى=تسرق حياتي .. وابمواجيع القلـب متسلّلـه
ودي ابيّنلك همومي حين قلبـك بـي قفـى=صارت تشابه في حياتي نار توقـد اسئلـه
في زوبعة افكار عقلي زوبعـه مستعطفـى=تاقف على قلبي مثل حاكم يـداري مشكلـه
ينتابني اشعور في جرحن ينادي لـه وفـى=لأني مسالم .. غير حبك في خفوقي له بلـه
بستأذنك عندك جرح هاته وفي قلبي ضفـى=ما عاد في قلبي مشاعـر يالغـلا تستقبلـه

القصيده على وزن

مستفعلن مستفعلن مستفعلن مستفعلن

لا عاد تسألني غلا ما من غلا يلحق جفـى=قلبي اللي يركض خلف حبّك عجز لا يوصله

اختلف معي شاعر .. في كلمة ( عجز ) وقال يجب ان تستبدل بكلمة ( عاجزن ) حتى يستقيم الوزن

ونظراً ان كلمة ( عجز ) .. لا تسبب اي خلل ..

لا =2 عا = 2 دتس = 3 أل = 2 ني = 2 غلا = 3 ما = 2 من = 2 غلا = 3 يل = 2 حق = 2 جفى =3

قل = 2 بي = 2 اللي = 3 ير = 2 كض = 2 خلف = 3 حب = 2 بك = 2 عجز = 3 لا = 2 يو = 2 صله =3


قل = 2 بي = 2 اللي = 3 ير = 2 كض = 2 خلف = 3 حب = 2 بك = 2 عا= 2 جزن = 3 لا = 2 يو = 2 صله =3

ايهما ا صح .. ؟

وايضاً نظر إلي بيت الرابع وقال .. كلمة ( اللي ) لا بد ان تستبدل بكلمة ( الذي ) ..

شفني اعاني من عنا قلبي اللي حلمه طفـى=لا من حلم ياتي ولا قلبي وصـل مستقبلـه

شف = 2 ني = 2 اعا = 3 ني = 2 من = 2 عنى = 3 قل = 2 بي = 2 اللي = 3 حل = 2 مه = 2 طفى = 3


اتمنى ان نستفيد من الاساتذه .. ونعرف هل هذا الشاعر على صواب ام قريب إلي صواب ام على خطىء

لكم كل الشكر ..