انتو زورتوا الشهاده

أنا معرفش القصيده دى مكانها هنا صح ولا غلط
بس روحت لمنتدى النبطى مفهمتش الشعر الخليجى خااااااااااالص وبعدين مش فاهمه يعنى إيه نبطى ؟؟؟؟ يعنى عامى ؟؟
فنشرتها هنا
ربنا يستر بقى وأستاذ خشان ميرفدنيش من المنتدى قبل ما أتخرج بسبب كدا

وسبب آخر أنى حاولت أكتبها بالفصحى بس اللغه مطاوعتنيش طلعت عامى غصب عنى وأرجو من أساتذتى تشريحها ونقدها فهى خامس قصيده عاميه لى

ردا على الأحداث الداميه التى جرت أول أمس فى ماسبيرو بين الأقباط والجيش فى القاهره



إنتو زورتوا الشهاده !!!


لاقونى قاعده ع الرصيفْ
بزاحم الصيف والخريفْ
واغرق ف أيام الشتا
واحلام كتير متشتتهْ
مرميـَّه حواليــَّهْ
باستنى نسمه من الربيع
تحيينى مره بعد موت تلاتين سنه
ولقوا انوثتى اتـْبـَدلتْ
وبقيتْ خشب ودهنتنى بلون الرصيف
لاجل العساكر ميجوليش
ويقولوا من حق الرصيف
أدفع ضرايب
غير شبابى إللى اتفنى
وأنا باشتهى طعم الرغيف
سألونى ...
عارفه يابنتى أمك تبقى مين ؟؟؟
ولا أبوكى كان منين ؟؟؟
وقبل أمَّــا أرد
ورونى ف إديهم ورق
وقالولى دى شهادة الميلاد
وأبوكى كان إسمه خسيس ومالوش أمان
وأمك يابنتى إسمها غدر الزمان
وانتى طريــَّه ف لفتك
جـَتْ ع الرصيف هنا حطتك
صَرخت : لااااااااااااااااااااااااا ...........
انتو زورتوا الشهاده
أنا مش ضحية أم باعت بنتها
أنا أمى كانت يوم ضحية أهلها
أنا بنت مصر
أنا أمى مصر
أنا مصر لسه مشوفتهاش
حسيتها وأنا لسه جنين
لكن على وعد اللقا
ولسه برضو متعرفوش إن إللى ميت فيها عاش
أنا أمى مصر
أنا بنت مصر
حتى العيون تشبه عيونها
نفس رمشى رمشها
وابتسامتى والتفاتى
شكل خدى خدها
لون سمارى
طعم دمعى المالح إللى ف دمعها
زيحوا فتنتكم بعيد
ولـَّعوها بعيد عن الأم إللى صانت عهدها
وإللى رغم نزيف جراحها
تموِّتْ الخوف إللى خانق شعبها
بضمه واحده ف حضنها
أنا أمى أطهر م الطهاره
أمى أعدل مـَنْ حـَكـَمْ
أمى جنب النجمه جاره
أمى أمه بتتظلم
زيحوا فتنتكم بعيد
أمى كل ولادها واحد
الصغير والكبير
والبنات زى الرجال
المسيحى زى مسلم
الكبار زى العيال
أمى كل ولادها واحد
دم كل ولادها واحد
ما فى غالى ومافى هيــــِّن
كل شاكر زى جاحد
مصر دم ولادها واحد
زيحوا فتنتكـــم بعيد
أنا لسه برضو مشوفتهاش
لسه على وعد اللقا
ولسه برضوا بحبها
وهاموت بردد حبها
وعيسى ومحمد شهود
على فتنه قامت ضدها
أنا أخت كل المصريين
مسلم أخويا
مسيحى أخويا
من كل مله وكل دين
أنا بنت مصر
وانتو زورتوا الشهاده

نداء بصمت
صراخ بهمس
جعل من أنين الكلمات .. صدى بداخلى
قد ينشق الظلام يوماً
يمزق عباءة الأحزان
ويولد فجر جديد
يحمل نور صباح
كبسمة طفل برء
.
.
يا بنت مصر
ماأحلى كلماتك
سعيدة بأول حضور
من على ضفاف النيل
أهديك كل حبى وسلامى

تحياتى .. بعطر الياسمين

على الرغم من أنني سعودي ولم تطأ قدماي يوماً أرض مصر،
إلا أنني أكن لهذا البلد وأهله محبة لا أعلم لها حداً.
وأتمنى من الله أن أرى مصر تعيش في هدوء وأمن واستقرار.

طريقة كتابتك لهذة الكلمة "خااااااااااالص" رسمت على وجهي ابتسامة افتقدتها وافتقدت من يكتبها هكذا.

[(أحمد الحكيم)]

لا فض فوك

مبدعه كعادتك ورائعة رائعة رائعة

اعتقد ان مكانهاالشعر النبطي والامر يعود لاستاذتنا نادية حسين

سلم اللسان والبنان

لاقونى قاعده ع الرصيفْ = لقو نقعْ دهـْ عرْ رصي فْ = 3 3 4 3 ه
بزاحم الصيف والخريفْ = بزا حمص صف ول خري فْ = 3 3 4 3 ه
واغرق ف أيام الشتا = وغ رق فأي يا مش شتا = 4 3 4 3
واحلام كتير متشتتهْ = وحْ لمْ كتي رم شت تتة = 4 3 4 3

لغاية الآن هذه على تفعيلة الرجز 4 3 أو 3 3

عارفه يابنتى أمك تبقى مين = ؟؟؟

أرجو أن تبيني وزن هذا البيت .


كما أتمنى على المشاركين تناول وزن بعض الأبيات .

أشكر جميع من شرفنى بالمرور

أختى الحبيبه سحر ابنة النيل
أخى وأستاذى حازم الحيسونى وأتمنى أن تشرفنا يوما فى مصر
وأستاذى الكريم أحمد الحكيم

تحياتى وتقديرى لأهلى أهل الرقمى

سلم اللسان والبنان

لاقونى قاعده ع الرصيفْ = لقو نقعْ دهـْ عرْ رصي فْ = 3 3 4 3 ه
بزاحم الصيف والخريفْ = بزا حمص صف ول خري فْ = 3 3 4 3 ه
واغرق ف أيام الشتا = وغ رق فأي يا مش شتا = 4 3 4 3
واحلام كتير متشتتهْ = وحْ لمْ كتي رم شت تتة = 4 3 4 3

لغاية الآن هذه على تفعيلة الرجز 4 3 أو 3 3

عارفه يابنتى أمك تبقى مين = ؟؟؟

أرجو أن تبيني وزن هذا البيت .


كما أتمنى على المشاركين تناول وزن بعض الأبيات .

أما عن أستاذى الغالى أستاذ خشان يجب أن تعلم عن تلميذتك البليده الأتى ,......
أننى لا أدرى ....... وكما قال الشافعى رحمه الله أن لا أدرى هى نصف العلم

أنا لم أكن وربماأيضا لن أكون يوما شاعرة عاميه
هذا لأننى أعشق الفصحى وأحب الإختباء بين دررها فهى تغنينى

وهذه محاوله ربما تكون فااااااااااااااااااااااااااااااااشله من وجهة نظر الشعراء الكبار وبها ما بها من الأخطاء العروضيه

والله أنا لا أفقه أى شئ أى شئ فى الشعر العامى لا فى الوزن ولا النطق الخاص به وربما هذا ما يجعلنى أفشل دوما فى تقطيع القصائد العاميه لأنه لايستطيع قراءة القصيده العاميه بالوزن الصحيح فى نظرى ( سوى كاتبها )

ولكننى فقط أتذوق ( ويكفينى شرف المحاوله )

والله أنا لم أزن أى كلمه كتبتها نهائيا فى تلك القصيده كل ما فعلته أننى بكيت اثر مشاهدة الأحداث الداميه التى حدثت فوجدتنى أكتب هذه السطور حتى أننى تفاجأت حين قلت لى أنها رجز .......
ولكن لو وجد أحدهم ورائى خطأ عروضى فى قصيده فصحى فحينها باطن الأرض أولى بى من ظهرها
ولكن للمرةالثانيه من قال لا أعرف فقد أفتى .......... وأنا لا أعرف ........ فسامحنى وعلمنى وأعدك لن تندم بل ستفتخر

ومع ذلك سأحاول معك ربما حدثت معجزه وأمر الله بين الكاف والنون


قلو=3 لعر=3 ف=1 يبن=3 تأم=3 مك=2 تب=2 قمي=3 ن=ه ( هو شكله كامل بس كامل غصب عنه يعنى أنا عايزاه كامل هههههه )

سؤال بهذه المناسبه خطر على بالى
نعرف جميعا أنه لا يجوز العسف باللغه فى الفصحى لأجل إقامة الوزن مثلا كتحريك كاف المخاطب المؤنث كتابة وليس لفظا فقط
أو حذف ياء المتكلم والتى نعتبرها ضروره مستقبحه أومثلا تسكين حرف فى نهاية كلمه فى الحشو أو الصدر من غير تصريع خلافا للموقع الإعرابى لها وغيرها من الأشياء التى لا تحضرنى الآن
فهل هذا منطبق على الشعر العامى أيضا ؟؟؟؟؟ أنا أعرف أن أسلوب النطق عندهم مختلف عن الفصحى
يعنى أنا هنا قلت قلو =3 ولو كانت فصحى لقلت قا=2 لو=2 لى =2
فهل هذا يصح هنا أم لا ؟؟؟؟؟؟

أستاذتي الكريمة

أنا فخور بك وليس ما أعرضه هنا إلا من قبيل تشجيع الحوار حينا والتعلم أحيانا.

العروض كواصف للوزن كما تعلمين لا علاقة له باللغة ولا العامية ولا الفصحى . هو يتعامل مع الصوت كصوت . وتتداخل معه الضوابط الأخرى من نحو وفصاحة ..... إلخ إلخ

في العامي اكتبي ما تنطقين به كما تنطقينه ولا بأس في ذلك ولو خالف بعض قواعد الفصيح أحيانا.

عارفه يابنتى أمك تبقى مين ؟؟؟ كنت قد أت بنتي بالياء ( بن تي ) وهذا ما حجب عني معرفة الوزن

قلو=3 لــعر=3 ف=1 يبن=3 تأم=3 مك=2 تب=2 قمي=3 ن=ه

أضفت الملون على النص !!

قلولو عارفة ؟ أم قلولها عارفة ؟ الوزن ذاته.

اختلاط الكامل بالرجز كثير في اللهجة المصرية ولا بأس به . بينما الفاصلة لا وجود لها في النبطي .

دم كل ولادها واحد = 2 3 4 3 2 = مجزوء الرمل
ما فى غالى ومافى هيــــِّن = 2 3 4 3 2 = مجزوء الرمل

تأملي ساعة البحور والعلاقة بين الرمل والرجز .

أين أستاذات النبطي والشعبي وأساتذته ؟
يرعاك الله.

د/ هناء

مرحبا

صح لسانك قصيده رائعه من القصائد اللي يقشعر لها البدن


اما معنى كلمة
نبطي = عامي شعبي

وعروضه مختلفة عن عروض الفصيح ولااعرف عروض الشعبي المصري وممكن حضرتك بعد ماتتعلمي عروض الفصيح تحولي على العامي وتستخرجي منهج عروضي رقمي عامي مصري كما فعلت انا بالنبطي

وحاجي اتعلم منه اللهجه المصرية ان شاءالله



ومثل ماقطع الاستاذ خشان يعطيه ربي العافيه

شوفي ازاي قطع

لاقونى قاعده ع الرصيفْ = لقو نقعْ دهـْ عرْ رصي فْ = 3 3 4 3 ه
بزاحم الصيف والخريفْ = بزا حم ص صف ول خري فْ = 3 3 4 3 ه
واغرق ف أيام الشتا = وغ رق فأي يا مش شتا = 4 3 4 3
واحلام كتير متشتتهْ = وحْ لمْ كتي رم شت تتة = 4 3 4 3


الصيف = اص صف

احلام = اح لم

لانك كذا نطقتيها بالتأكيد

وبحاول اقطع


باستنى نسمه من الربيع
بس 2 تن2 ننس3 مم2 نر2 ربي3 ع ه
تحيينى مره بعد موت تلاتين سنه
تح2 يي2 نمر3 ره 2 بع2 دمت3

تلاتين سنه = ت 1لتن 3سنه 3 ؟؟؟؟ لو نطقتبها بهذا التقطيع تكون اللهجة المصريه تجيز الفاصلة
علما في لهجتنا النبطيه لا توجد فواصل

ولقوا انوثتى اتـْبـَدلتْ
ول2 قو2 انث3 تت2 بد2 دلت3
وبقيتْ خشب ودهنتنى بلون الرصيف
بق2 يت2 خشب3 و1 دهن3 تنب3 لو2 نر2 رصي3 ف ه =
4 3 ((4)3 4 3 ه

ارجو من الاستاذ خشان الرد فيما ورد باللون الاحمروالاسود


دكتورة هناء

بإمكانك فهم العروض الرقمي العامي ومساعدتنا في تدريس المادة باللهجة المصريه الحبيبه

قد لااتقنها مثل اهلها ولكن سأحاول الشرح بتقطيع ابيات معروفه

اهواك واتمنى لو انساك
اه2 وا2 كوت3 من2 نى2 لو2 ان2 سا2 ك ه
وانسى روحي وياك
ون2 سى2 رو2 حي2 وي2 يا2 ك ه

وان ضاعت تبقى فداك
ون2 ضا2 عت2 تب2 قف2 دا2 ك ه

لو تنساني

لو2 تن2 سا2 ني2

نشوف اغنية تانية دي طلعت خبب

كلموني تاني عنك فكروني

كل2 ل مو3 ني2 تا2 ني2 عن2 نك2

فك2 كا2 رو2 ني 2

وممكن

فكروني = فك 2كرو 3ني 2


ممكن لو تكرمتي تقطعي

يامصر عودي زي زمان
تعصي العدوين وتعاندي .. زي ماينطقها مغنيها
ا




عموما القصيده جميله

ومصر واهل مصر كلهم جمال في جمال

الله يسهل اموركم

وتحيا مصر

كنت هنا ذات وقت ..
فسرني بقائي بإبتسام
لحظة أمل وشوق للشعر المصري
كما يقال...
الله ....ما أبهاكِ سيدتي
حقاً إستمتعت بعزفك الزمردي
عللها أقرب للأغاني المصرية
أو ممكن تتشكل منها نصوص لحنية
حفظكِ المولى سيدتي..
ونسأله أن يبدد ما حل بأرض الكنانة
من نزف للألم....

أستاذتي الكريمة

تشترك اللهجة الغالبة في مصر مع الفصحى في الشعر من حيث ورود السبب الخببي ( ثقيلا وخفيفا) في فاصلة الكامل والوافر بخلاف الشعر النبطي.

كما يرد السبب الثقيل في الخبب.

وتقطيع ما كتبت بالأسود والأحمر هو كما تفصلت .

واحلام كتير متشتتهْ = وحْ لمْ كتي رم شت تتة = وح لم كترْ مت شت تته = 4 3 4 3

كلاهما يحقق الوزن ، ويبقى تفضيل إحدى القراءتين تبعا للهجة.

يرعاك الله.

يامصر عودي زي زمان
تعصي العدوين وتعاندي .

يمص=3 رعو=3 دى =2 زى =2 زما=3 ن=ه

تع =2 صل=2 عدو =3 ون=2 وت=2 عن=2 دى =2

؟؟؟؟؟؟؟؟؟؟؟؟؟؟؟؟؟؟؟ هل هذا صحيح يا أستاذه ناديه
أنا لم أسمع المغنى يغنيها والله حتى
لذا هل التقطيع صحيح ؟؟؟

اختي الغالي د/هناء

لم تسمعيها اذن

تفضلي واسمعيها






ودمت بخير