النتائج 1 إلى 4 من 4

الموضوع: يوم ضاقت قلت وينك يالفرج

  1. #1
    تاريخ التسجيل
    May 2010
    المشاركات
    68

    يوم ضاقت قلت وينك يالفرج

    السلام عليكم ورحمة الله وبركاته

    هذي قصيده اعجبتني لصالح الشادي ياليت نسلط عليها الضو ومن حيث الوزن والتركيب حيث انها تعتمد على الكثر من المقاطع

    بدايتها بعد الموال




    يوم ضاقت ..
    قلت وينك يالفرج ..؟
    قال : جيت ..
    وشفت حولك ألف صاحب ..
    وخفت أسبب لك حرج !!

    إرتكيت ..
    بس وين اللي يشيل الحِمل وينه ..
    وين ذاك اللي ذخرته للظما قطرات .. وينه ؟
    وين أبو الفزعات عني ..
    ما قدرت ألقاه وينه ؟
    من لمحني فوق كفّ الموج .. فضّ
    كسَّر ألواح الرجا بيني وبينه !!

    حزّ نفسي ..
    غصّ في حلقي .. ورضّ
    كل ضلعٍ لي معاه .. وغضّ عينه !!
    يحسب إني مِتّ همّ ..
    ولا درى إني حيّ لكن ..
    مِتّ من خنقة يدينه !!

    يالفرج ..
    صاحبي ما شفت زوله ..
    من فقدته فيوم شِدَّه ..
    بس لو جاني على قلعة عيوني ..
    حالف إني ما أردَّه ..
    والمودَّه يالفرج .. هيِّ المودَّه ..
    صاحبي .. مالي بصدَّه ..
    صاحبي .. روحي عرينه ..
    ولو نصاني والنواصي عشب قبري ..
    والله إني غصب لآحيا .. ثم أعينه !!

    إرتكيت ..
    وطحت ..
    والجلمود .. ناخ .
    آه يا كذب الليالي البيض ..
    آه يا ظلم السباخ ..
    من مشاها ولا وراه زنود تبري الكبد .. داخ .
    يا كثر ما خيِّبتّ .. ظنّ اللبيب ..
    ويا كثر ما غيِّبتّ .. وجهٍ قريب ..
    ويا كثر ما شاف منها ..
    صافي النيَّه .. وشاخ .

    إرتكيت ..
    و أثر ظِلِّي ما يمون ..
    و أثرني كومة طعون ..
    من غلاة أصحابها ..
    ما قدرت أقول : آآآآخ .

    لي مبادي ..
    وصاحبي .. لوجار منه الجور .. عادي
    وصاحبي .. لو هو قتل ذكراي .. عادي
    وصاحبي .. لو هو بِخل بِرضاي .. عادي
    وصاحبي ..
    يبقى العزيز الناصع اللي له ودادي

    ودام أنا ستره وثوبه ..
    صاحبي .. ما أقول : عنه أبداً ، وتوبه ..
    يا هلا به ..
    وبعيوبه ..
    وبذنوبه ..
    يا هلا .
    إن وصلني .. ياهلا .
    وإن قطعني .. يا هلا .
    صاحبي وإلا فلا .
    والغلا نعمة كريم ..
    وساقها لكلّ الملا .

    ويالفرج .. حاول تحبّ .
    دام لآهل الأرض ربّ .
    ولو تشوف .. أصحاب واجد حول قلبي ..
    لا تعاندّ .
    السواعدّ من سراب !
    والحصايدّ من يَـباب !
    والشِعرّ .. كذَّاب !

    خلّ فِتَّال الشوارب .. عن يمينك ..
    ولا تخاف من الحرج .. لو قيل وينك ؟
    كلّهم مثلي تراهم .. باالنهاية ..
    طالبينك .. طالبينك
    طالبينك .. يالفرج !!

    ويوم ضاقت ..
    قلت وينك يالفرج ؟
    قال : جيت ..
    وشفت حولك ألف صاحب ..
    وخفت أسبب لك حرج .



    كلمات : د. صالح الشادي

  2. #2
    تاريخ التسجيل
    Sep 2006
    المشاركات
    4,594
    هلا اخوي احمد

    قصيده جميله على التفعيله وصح لسان شاعرها

    وهنا جت التفعيله على بحر الرمل

    ولى عوده ان شاء الله

    ودمت بخير

  3. #3
    تاريخ التسجيل
    Apr 2009
    الدولة
    MI. U.S.A
    المشاركات
    3,553
    يوم ضاقت ..
    يو مضا قَتْ
    2 3 2

    قلت وينك يالفرج ..؟
    قل توي نك يل فَرَجْ
    2 3 2 2 3

    قال : جيت ..
    قا لجي تْ
    2 3 ه

    وشفت حولك ألف صاحب ..
    شف تحو لك أل فصا حِبْ
    2 3 2 2 3 2

    وخفت أسبب لك حرج !!
    خف تسب ببْ لكْ حَرَجْ
    2 3 2 2 3

  4. #4
    تاريخ التسجيل
    May 2010
    المشاركات
    68
    مرحبا بكم جميع واسف النت فاصل عندي البارح

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الاتصال بنا
يمكن الاتصال بنا عن طريق الوسائل المكتوبة بالاسفل
Email : email
SMS : 0000000
جميع ما ينشر فى المنتدى لا يعبر بالضرورة عن رأى القائمين عليه وانما يعبر عن وجهة نظر كاتبه فقط