بحر الممتد النبطي

مراحب

ومســـــــــــــاء الورد

بحر الممتد النبطي

وارقامه

2 3 2 3 4 3 2 3

وهذه قصيده على بحر الممتد

لسمو الأمير بدر بن عبد المحسن طول الله عمره

البتول

كل أرض تشيلك ياثقيل الحمول
وكل وقت كريم بالرضا والزعل

وين مارحت تلقى لك حبيب وعذول
وين ماكنت تلقى مثل ياسك أمل

ياطريق الترجي والوله والنحول
والله إني مشيتك لين حد الثمل

لاتظن المسافر من يسوق الرحول
من وقف دون حلمه عاجز مارحل

وما لمخلوق منجا في الحذر والجفول
ماتصيب السهام ولا يطيش الأجل

الليالي خوات مير منهي البتول
والحوادث عشاير مير وين الفحل

اتذكر في عين الشمس طفل خجول
شالته في هدبها وقت لين اشتعل

أعجب الناس وهجه بالجدل والفضول
مادروا عن جمال الجرح لين إندمل

مادروا عن جمال الجرح لين إندمل

إن لثمت الزهور وصاحبتني الحقول
ماهقيت إن صافي الشهد عيب النحل

إن تعبنا نحب ولا لقينا قبول
ماتسر الأماني ولا يفيد العذل

مابقى في ضلوعي كود ريح معمول
وثوب شاش عليه من الندامه وحل

لكن الله كريم وكل هم يزول
ماعلى الله بعيد ولو جفاك المحل

كل أرضٍ تشيلك ياثقيل الحمول
وكل وقتٍ كريمٍ بالرضا والزعل

وسلامتكم

تقطيع
كل أرض تشيلك ياثقيل الحمول

كل2 لأر3 ضن 2 تشي3 لك يا4 ثقي3 لل2 حمو3 ل ه =
2 3 2 3 4 3 2 3 ه


وكل وقت كريم بالرضا والزعل
و. كل 2 لوق3 تن2 كري3 من بر4 رضا3 وز2 زعل =
2 3 2 3 4 3 2 3

وين مارحت تلقى لك حبيب وعذول
وي2 نما3 رح2 تتل3 قى لك4 حبي3 بو2 عذو3 ل ه =

2 3 2 3 4 3 2 3 ه =

بحر الممتد النبطي

اسمعوها



ودمتم بخير


وهذه بعد على الممتد


فتنة الحفل زيدي مشيتك بخترة.
.........كل خطوة بروق وكل نفحة صهيل
باقياً بين عقلي والجنون شعرة.
...........اقطعيها ياشينه عاشقاً موهبيل

تقطيع بيت

باقياً بين عقلي والجنون شعرة.
...........اقطعيها ياشينه عاشقاً موهبيل

با2 قين3 بي2 نعق3 لي2 ول2 جنو3 نش2 عره3
اق2 طعي3 ها2 يشي3 نه2عا2 شقن3 مو2 هبي3 ل ه

2 3 2 3 4 3 2 3
2 3 2 3 4 3 2 3 ه

وهذي قصيده للشاعر ناصر الفراعنه على الممتد بصورة اخرى فاتنه

الممتد (-3) =


2 3 2 3 4 3 2


صَنٍّ مغطّى


توأم الشمس وش فيها تغطّى
من متى الشمس تحجبها غمامه؟


حبّها مرّةٍ موتٍ مبطّأ
ومرّةٍ في مثل ساق النعامه

من لمح جسمها يكسر عصا الطّا
شاف موته وراه ومن أمامه

كلّ ما جات من صوبي تخطّى
أرمي البشت وآطشّ العمامه


وكلّ ما روّحت عني تمطّى
قامت قيامتي قبل القيامه


كنّها في حشا صدري توطّى
لا مشت آه يا مشي الحمامه


خطَّ من حولها خطّاً وخطّا
دائرة موت قامه بعد قامه


لين منها بعالي الرجم نطّا
في خشوم العوالي من تهامه


كم لها شال (أخو شمّا) وحطّا
من صحاري ظفار اليا المنامه


كم على شط فتنتها تشطّأ
قلب من دمعته تسبق كلامه


كنّها من قدح خمرٍ تعطّى
في غنَج حكْيها باقي مُدامه


مثلها لا تكلّم ما يُخطّأ
دندنة عود ميحد أو سلامه


قطَةٍ دونها راع المقطّى
للزعامه على وجهه علامه


وفي هواها اشتري صَنٍّ مغطّى
هامة الموت اناطحها بهامه




وسلامتكم

تقطيع بيت

توأم الشمس وش فيها تغطّى
من متى الشمس تحجبها غمامه؟

تو2 أمش3 شم2 س وش3 في2 ها2 تغط3 طى2
2 3 2 3 4 3 2

من متى الشمس تحجبها غمامه؟
من2 متش3 شم2 ستح3 جب2 ها2 غما3 مه2
2 3 2 3 4 3 2

اسمعوها





صح لسان ابو فارس

هذا البحر له في الشعر النبطي الصور ( القوالب ) 19-20-21-22-23
من قوالب د. صويان :

http://sites.google.com/site/alarood/r3/Home/qawalib

وهذي القصيده لي

شوق عدّ ا وراح بْدون رجعه
لاتظنّه يـرد ثانـي لْمكانـه

وقت عدّا وهذا الوقت طبعـه
مثل طبْعك وماتْهمّـه الْخيانـه

مايعرْف الوفا خـوّان ربعـه
وامنياته اجي اطلـب أمانـه

واعلم انّي بوادعْك وْاودعـه
وانّي اقْدر علـى ردّ الاهانـه

لن حبّك رياء وكان سمعه
ومادروا الناس عن قصة هوانا

مادروا انّي بليل الحب شمعه
واحتراقي لجل اقهر عدانا

مابقى الاّ الندم بعيوني لوعه
هي حقيقه وخذهـا للامانـه

شوق عدّا وراح بدون رجعه
وقت عّدا نسى أول زمانه


مابقى الاّ الندم بعيوني لوعه
ما2 بقل3 لن2 ندم3 بعيو4 نلو3 عه2
هي حقيقه وخذهـا للامانـه
هي2 حقي3 قه2 وخذ3 ها لل4 اما3 نه2

مع تحياتي

اختكم

نادية حسين

ودمتم بود