نهديكم هالبلوره الشعريه ونخص بالاهدا استاذتنا نادية الحسن

Center]السلام عليكم اخت ناديه والجميع اولن بارك الله فيك على مساعدتنا وتوجيهك لنا وعلى رأسكم الاستاذ خشان وجميع المشرفين والمشرفات بس قلنا هالمره الاهدا لك لاني دايم اهدي خشان ويعلم الله كلكم تمثلون بعض اتمنى تدلين برأيك بهالقصيده وذكر البحر وشكرن ويشرفني ردود الاساتذة الكرام جميعهم ورأيهم وان طلبتي تقطيع راح اقطع واسف لو احرجتكم او كثرت عليكم وان كان تبون اواصل نكتب قصيد ماعندي مشكله اومانكتب الي تشوفون نحن تلاميذكم [/center]

اللي ذبحني ياعرب مالـه اوصـوف=متمالكـن عقلـي ولانـي ملكـتـه
ان جيت اميز حسنها يقصر الشوف=يضيع وصفي فيـه لامـن وصفتـه
ماله شبيهن بالمزاييـن وخشـوف=ولابه جمالـن مثلهـا فيـه شفتـه
هدب عيونه رمشها سلـة سيـوف=ياويل منهـو فـي خطاهـا عثرتـه
يفز قلبي لا نظرتـه مـن الخـوف=سبحـان ربـن خالقـه لانضـرتـه
مالـه شبيهـن لابحصـه ولانـوف=مايشبهـه ياكـود ظبيـن خبـرتـه
له بحياتي منزلـن داخـل الجـوف=ولـي بحياتـه موطنـن ماذكـرتـه
ياليت من يدري عن الحال ويـروف=عاميـن صوتـه ياعلـي ماسمعتـه
اقصد بهم بين المساييـر وضيـوف=وبقاصـي العربـان ذكـره نشرتـه
بشيل حزنن والهوى صار مكشـوف=ولافيه حزنـن بالهـوى ماشربتـه
بكتم حنيني والقدر فينـي مكتـوف=ورجي وصاله مثل طفلـن حضنتـه
العمر مره والفرص وقتهـا يطـوف=والعذر ماينفـع لشخصـن خسرتـه
من بعدهم حالي من الوجد ملهـوف=والدمع يـروي ناضـري ماحسبتـه
وحلم بحياتي وانتهى بين عاصـوف=وحتى الفرح !! كل الفرح ماعرفتـه
ان كان قصده ياعلي يشكف ظروف=مافيـه دربـن يمهـا مـا سلكتـه
وان كان قصده يمنا يبخل الشـوف=الـي نسانـي ياعـلـي ماذكـرتـه
وان كان قصده يذكر الطيب ومعروف=هو الـي ظالمنـي وانـا ماظلمتـه
الله على وقتن مضالـي ومعسـوف=احلى الزهور اللي بعمـري قطفتـه
العمر مره والفرح يشبـه الخـوف=والحب يبقى بالعمـر لـو هجرتـه

[(أحمد الحكيم)]

ماشاء الله
لا فض فوك
ليس لي خبرة في النبطي ولكن اذني تراها جميلة جميلة جميلة

هلا اخوي المشعلي

صح لسانك ملايين قصيددة جميلة جداً ولاهنت

بحرها المسحوب

وزن وقاف ومعاني

تسلم على الاهداء

واليوم فتحنا قسم لقصائد الشعراء وكلن يحط القصايد بصفحته بعد مانحط عليها الختم بانها قصيده تستاهل تنشر بقسم درر شعراء العروض الرقمي

ونختملك

وهيدا الختم

على قول فيروز

درة

اشوف وش يجد بالنسبه للقسم واقولك

سلام

رغم أننى لم أفهم بعض الكلمات

الا اننى تذوفتها

لا فوض فوك أخى الكريم

تحياتى