التسجيل متاح - التسجيل باسم ثنائي - تحول لون الاسم إلى الأخضر يعني تفعيل الاشتراك - كل المشاركين الجدد يبدؤون التطبيق قي الدورة الأولى في الصفحة المعنونة ب ( المشاركون الجدد - 1 )

 

أخر عشر مواضيع ضع كلمة مكان الصورة  آخر رد: خشان خشان    <::>    أنثى القصيد  آخر رد: خشان خشان    <::>    يحيى المصابي - 1  آخر رد: (فاروق النهاري)    <::>    كالصبح  آخر رد: خشان خشان    <::>    مؤشر م/ع في بعض آيات سورة الحج...  آخر رد: خشان خشان    <::>    تشعير - كأنما الصبح  آخر رد: خشان خشان    <::>    وسام للرقمي  آخر رد: خشان خشان    <::>    تمرين البند الخببي  آخر رد: خشان خشان    <::>    محكم ساعة البحور  آخر رد: خشان خشان    <::>    أشباح عروضية  آخر رد: خشان خشان    <::>    نظيرة محمود ٣  آخر رد: نظيرة محمود    <::>    أمسية صالون د. طي حتاملة  آخر رد: (ثناء صالح)    <::>    أيمن العتوم - القدس  آخر رد: خشان خشان    <::>    درر نظيرة محمود  آخر رد: نظيرة محمود    <::>    محمد الجهلاني - نبطي  آخر رد: محمد الخبيش    <::>    مع الكبير ناصر الفراعنة  آخر رد: محمد الخبيش    <::>    المفروق والطويل في منهج الخليل  آخر رد: خشان خشان    <::>    الخارق والمخروق  آخر رد: خشان خشان    <::>    نظيرة محمود - 2  آخر رد: خشان خشان    <::>    اللامنطق المضحك  آخر رد: (ثناء صالح)    <::>   


الإهداءات


العودة   العروض رقمـيّـاً > ** > المنتدى الثاني
المنتدى الثاني خاص بالشعر النبطي وعروضه ويشمل ذلك الشعر الشعبي عامةوصفحات المشاركين فيه

رد
 
أدوات الموضوع طرق مشاهدة الموضوع
  #1  
قديم 04-26-2009, 04:48 AM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,573
شعر خببي باللهجه المصريه

اعزائي في منتدى العروض الرقمي

اسعد الله اوقاتكم بكل جميل

هذه اشعار خببيه شعبيه باللهجه المصريه (محاولة لمعرفة اللهجات)

من كتاباتي ردا على قصائدهم على ايقاع الخبب

وهنا قصيدة الدكتور ابراهيم ابو زيد (زي مارحنا)


http://arweqat-adb.com/vb/showthread.php?t=2046

وهنا الروابط

قالو في الستات للدكتور الشاعر احمد الليثي

http://arweqat-adb.com/vb/showthread.php?t=1628

وهنا بيبان الشوق للدكتور الشاعر ابراهيم ابو زيد

http://arweqat-adb.com/vb/showthread...1009#post11009




ارجوا ان تقضو معها اوقات جميله ولطيفه


لما الحب


لمّاا الحب يبان ف عينيه
انسى عذابو واجري عليه
انسى ليالي الحيره معاه
وارجع تاني احن اليه


هو حياتي وساكن روحي
هو قدر مكتوب على لوحي
هو حبيبي مداوي جروحي
ايوه بحبه من غير ليه

هو حياتي وضي العين
هو لوردي سواقي حنين
هو وبس حبيبي (حسين)
ابني وكل احبابي عنيه


وسلامتكم


مجاراة لقصيدة كل مااقرب للدكتور العزيز ابراهيم ابو زيد


ليه الحزن بصوتك جارح
ليه العقل بحزنك سارح
ليه الكلمة القاسيه تاخدني
وارسم لها دمعه وملامح
تجرح كل كياني بقسوه
ليه دايما لاحزانك غاوي

ليه الحـب عبيـره بيجـرح
بعد ماكان بالـورد يـداوى


فاكره امبارح فاكره عذابو
فاكره الشوق وكل اصحابو
فاكره قلوب سوى وقفوا ببابو
والشوق على فرقاهم ناوي

ليه الحـب عبيـره بيجـرح
بعد ماكان بالـورد يـداوى





مجاراتي للدكتور الأديب والشاعر


د/ابراهيم ابو زيد


ولقصيدته


زي مارحنا زي ماجينا


ليه ياغرام قاسي ويّانا
استكترت الحب علينا ؟
عشنا ليالي البعد حزانا
والفرحه حلفت ماتجينا
انته معاهم والا معانا
ولا زمان الفرح نسينا


(رحنا بدمعة وجينـا بدمعه
زي مارحنـا زى ماجينـا)



بردت حتى عيون الشمس
والشتا بالاحزان يلاقينا
هات احساسك دفا للهمس
مليون همسة امكن تداوينا
رحنا بدمعة وجينـا بدمعه
زي مارحنـا زى ماجينـا



بدر بنوره هل علينا
في ليالي البرد يسلينا
هات احساسك غطى للبرد
الهمسه الحلوه تدفينا
رحنا بهمسه وجينا بهمسه
وزي مارحنا زي ماجينا



من قال ان مكانك فاضي
بستناك تجي زي الخير
وامّا تهل علينا تنادي
افتحلك شبابيكي حرير
واهديلك فرحة اعيادي
واهديلك اشواقي عبير
عايزه اشوفك دايما راضي
بس انته اللي تملي تطير

يعنى الحب ماكان بإدينا
وزى مارحنا زى ماجينا





انته وانا والحب اثنين
مش عارفين ريحين على فين
واه م الصبر واه م الخوف
دبنا تعبنا وادينا راجعين

راجعين والدمعه في عنينا
وزي مارحنا زي ماجينا


والدكتور يفتح له عياده
مش يقفل يفتح دكان
دمك سكّر زي العاده
بيهون قوى ع العيان
يعني خلاص دكتور خفّينا
وزي مارحنا زي ماجينا


:sm17:




اهلا باالحب المجنون
ومشاعره الحلوه الورديه
والشعر الشعبي الموزون
بيقدّم لك ألف تحيّه
وندّوشه ام احلى عيون
البنت الشاعره النبطيه
تكتب لك اهلاّ مليون
باللهجة الحلوه المصريه
وماظنش اتقنت اللون
اللهجه رجعت سعوديه
باللهجه الحلوه غنينا
وزي مارحنا زي ماجينا


وسلامتكم




مجاراة للدكتور الأديب والشاعر



د/ابراهيم ابو زيد




ولقصيدته


بيبان الشوق



(1)


اصحى ياقلبي لنفسك فوق
اوعى ياقلبي تروح للشوق
لابأحلامك لابأوهامك
اوعى ياقلبي تطيح من فوق
حاول مره تنسى هيامك
مانتش عاشق ولامعشوق


(2)
ضعت في بحرك يابن الايه
هو المر الحلو دا ايه ؟
مش بعرف لكن حكتب لك
من غير لكن من غير ليه
تسمح قولّي واقدر احسب
اصل حسابي لايعلى عليه



(3)


طيب يالله نقول في الشوق
خلي قلوبنا بجد تروق
هو الشوق يظلم اصحابو؟
او اصحابو ظلمو الشوق ؟
شفت اصحابو ياعيني دابو
يشكو ياعيني بمسا وشروق



اخر شاكي دا كان برهوم
قال لي الحب دى كله هموم
ومفيش عاشق نام مرتاح
او مرتاح ويكون مغروم
فجأه طلعلي البحر براح
ولقت حالي بعرف اعوم


(4)


شجر الشوق حيفرع اكتر ؟
دا مفرع فوق ماحتتصور
وبيطرح تفاحو الاحمر
واللي حياكله مش حيروق


الا بهمسه الا بلمسه
الا بنظره وكلمة حب
يمكن حتي تلاقي الهمسه
بتشعلل اوي نار القلب



(5)


جت (نعمه) وقالت لي بذوق :
اللي حياتو مفيهاش شوق
مش عايش واحسن لو يعيش
مش حلوه حياة الدراويش

قلت يا (نعمة) ازاي ازاي
اللي بحبو ماظنش جاي
قالت :عنه ماجاش حبيه
وعلي باب الشوق استنيه

قلت لقلبي نروح للشوق
ووعى ياقلبي بمرة تفوق
واحضن شوقك برد ونار
بكره ياقلبي الدنيا تروق




(6)



لما حبيبك فجأه يسيبك
افهمها وسلّم وارتاح
وافرح واتمتع بنصيبك
ليه تحزن والدنيا براح


فيها عيون وقلوب بتدوب
فيها اللي يجمع قلبين
ربّك عالم رب قلوب
يجمع بين اثنين حلوين




مش مستاهله الدنيا دموع
مش مستاهله سهر وعذاب
واللي يحبك قيد له شموع
وافتح للشوق ميّة باب


مش مستاهله تضيع عمرك
بين حيره وسهر وحنين
هو العمر دى فيه كم يوم
وانته حتقضي العمر حزين ؟!



(7)


الغايب اعذاره معاه
نعرفها بأوّل مايعود
نفرح اول ماحنلقاه
والقلب يدندن ع العود



غنوة فرحه تهز الكون
تدمع ليها قلوب وعيون
دمعة فرحه دمعة شوق
مايكدرها اي ظنون



(8)

شوقنا بروحنا عانق ويل
واسهر سارحة واناجي الليل
اهل الشوق ياحرام مساكين
نارهم قايده ليوم الدين
وبأفراحهم وبأحزانهم
دمع تملي يبان في العين



(9)


باب الشوق دايما مفتوح
وضيوفه قلوب المجاريح
جارح بيعذب مجروح
حتي الجارح جارحه جريح


(10)


ايوه ياهيموا كثر الهم
بيزود قوى ضغط الدم
نعمل ايه احنا العاشقين
مش ممكن نهدى ونتلم



(11)


حزن الشوق فالقلب حياه
وقلوب العاشقين تهواه

عايشين علي نار الاشواق
ويابخت اللي حبيبه معاه



(12)



لمّا لهيب النار يكوينا
نهرب علي اطراف رجلينا
نقفل بابنا وتبكي عنينا
نضعف من شوقنا وننهار



يبقى وجودنا اسمه وجود
تلقى الجنّه لبتنا حدود
تلقى قلوبنا بحضن المود
صاحيه وقايده شموع الدار
(13)


قرّب ليّا واوعى تشوف
لون القمرايا المخطوف
روحي ياحبة عيني ياعيني
عاشقه وخايفه تموت بالخوف


(14)


جتلك تاني وجتلك عاشر
قلبي يجيلك م الشوق طاير
عاوزه أقول : انته بتوحشني
والشوق دايماَ ملهوش آخر



(15)
ليل وبرد ومطره تمطر
والشوق شقشق قلبي الأخضر
بكره لليالي البرد تفوت
بكره الورد الاحمر يكبر





عدّا الوقت وانا ف بساتيني
ازرع ورد وفل مديني
والساقيه من الصبح تشقّر
ساقيه وتسقي بدمعة عيني


دي غصوني كبرت بالريف
بين البرد وحرّ الصيف
عاوزه احكي عن وقت مخيف
ضاع مني واحكي ياسنيني


غيمة ومرت شوق مع رعد
صعبه الفرقه صعبه بجد
حزن وحيره و دمعة ورد
ياللي فراقك كان علي عيني


شفت الورد عجبني الورد
حن ّ القلب لأجمل وعد
ونضمت ورودي مع الود
جت لك تاني ويا حنيني


عاوزه اهدي لك عقد الشوق
عاوزه تاخدني بشوقك فوق
عند القمر العالي الزوق
جت لك دايبه وعاشقه داويني

(18)

ارسلت الاشواق عصفور
فوق اشجار الدنيا يدور
يرمي رسايل شوق وحنين
لعيونه السمر الحلوين

وارسلت الاشواق سلامات
لخدود القمر الشربات
ارسلت اشواقي حكايه
وحكوها الناس في الروايات

وارسلت الاشواق دمعه
سهرا نه من يوم الجمعه
دبت ف ليل الشوق شمعه



وارسلت اشواقي مرايه
تعكس حزن القمرايا
وتجمعوا صبيان وبنات
وشافوها وبكيوا معايه

(19)


انته الحب بحسّك نور
متجمّع علي ماسه تدور
يعكس لنا الوان الطيف
ويصحّي في قلوبنا شعور


(20)

ليه زعلان وواخد لك جنب
كنت بقول عن ناس غداره
خلّتني احس ب100 ذنب
بس خساره والف خساره


فين احساسك لما يصور
زنبقه بيضا وقلبها أخضر
مادد بوزك كدا ومكشّر
فين ودّاك شوقك ياسماره



(21)

انفض ريشك هشّ وبش
ومتعطيش احزانك وش
وارسم نقطه ونقطه وعش
ياللا نطير سوى بالأشواق


(22)


دكتور هيمو احنا المجاريح
بيسلمنا الهوى للريح
في ناس اشواقهم جباره
وناس كدا اشواقهم تفاريح

والدنيا غروره وكذابه
بتفرق ناس دابوا صبابه
واحنا ياعيني علينا غلابه
وقلبي الريشه بوجه الريح



العاشق عاشق لحبيبو
والاحزان مش عايزه تسيبو
وآدي الجرح وآدي طبيبو
الشوق جارح قوي ياجريح

(23)

من يراعينا من يواسينا
دا مفيش غير المولى بارينا
قادر بالافراح يلاقينا
ربك رب قلوب قادر

قادر يجمع شمل احباب
واقفين من كم سنه ع الباب
طالبين من رب الارباب
يرحم شقا مليون صابر


(25)




نكتب لك بالواو والنون
قافيه جميله دفاها شجون
لما الشوق يظلم اصحابه
تبقى مصيبه تهز الكون


اه لو تحصل كن فيكون
ونسافر لأبعد مايكون
ولقي نصيبي ويّا حبيبي
يبقا ساعتها ملكت الكون


هجر الصحبه وكسر الكاس ؟!
معقوله يخون الاحساس؟
مش معقوله ياابن الناس
هو الشوق نهاياته جنون ؟

من قال ان الحب خصام ؟
من قال ان البعد سلام ؟
من قال ان البعد ينسّي؟!!
من قال الاشواق بتهون؟!!!


(26)

يسيبه


طبعا مش معقوله يسيبه
لو فعلاَ بالحب حبيبه
لكن يمكن حب من جانب
واحد والأشواق تغاريبه

يالله نقول في عذاب الحب
لما يجور على صاحب قلب
حب حبيبه وذاق تعذيبه
عايش موقف جدا صعب

(27)


صارح قلبك اصحى وفوق
اوعى تكشّر اضحك روق
مال الدمعه في عينك حايره
اوعى ياقلبي تموت بالشوق



(29)



غني مع الناي الولهان
غني على مود الاحزان
واسمح للعفريته العاشقه
حتنادي علي ملوك الجان



صوت الناي حيكون مزمار
وبموالي حنرقص زار
دقوا طبولي ونادوا الجن
هيّا نجن علي صوت الطار



اصل الحزن طرح احزان
والاحزان نهايتها جنان
دقوا طبولي ودوروا ياإنس
وانسوني معاه في الدوران


(30)



غني ياناي على لحن عبير
خلي الحزن القاسي يطير
يالله نغني سوى يااحبابي
هاتوا الدف مع المزامير

غني ياناي علي نبض القلب
هات للأرض ملايكه تحب
وترفرف وترش علينا
احلي تهاني لأجمل حب

غني ياناي ورقص يازماني
عهد الحب حيرجع تاني
لما الشوق للحب رماني
شفت الأصعب مبقاش صعب
(31)


كلنا في الاشواق تايهين
عشاق وحيارى ومساكين
غني ياناي واحزن ويانا
داوي قلوبنا بدمع العين



غني ياناي احنا المجاريح
حزننا فينا وشوقنا صريح
زار حيولع في المزمار
قول لحبيبي في حضني يطيح



مجاراتي للدكتور الاديب والشاعر المصري الكبير


د/ أحمد الليثي
بقصيدة (قالو في الستات)



((((((((فكاهيه)))))))





(1)


احنا نحب الراجل راجل
والراجل تعلب ستات
والتعلب غاوي و متحايل
عم بيلف سبع لفات
واحنا نشوف الحال المايل
وبنفهم كل الحركات
وبنعمل غلبه ومشاكل
وبنكسب كل الجولات
ليه يا(احمد) دايما متحامل
والستات فيهم حسنات
في المطبخ تعرف تتحايل
تعمل اكل بدون طلبات
هيا مراتك دايماَ حامل ؟
مش بتجبلك الا بنات ؟
مش بتغازل مش بتجامل
مالك يا(احمد) ع الستات






(2)




جيت لكوا ياخواتي الستات
ونا عارفه نهايتي كدمات
اصل الست تغار من الست
ليه بقا بتغاروا يابنات



اكبر عدو للست الست
تتجوزلو جاها يفت
مش بتفكر الابروحها
ناسيه مواجع زوجه زوجها


الاولى الست المسكينه
والتانيه اللي ليلتها طحينه
خربت بيت الست (سكينه )
ناسيه التالته اللي في السكه


والتالته جيّه وفرحانه
بتغيظ الست ام (شبانه)
والاولى الست الغلبانه
بتزغرط شمتانه في (بهانه )


في الاخر كلنا مساكين
وضحايا لتعلب بذيلين
لو نتوحد احسن لينا
نرفض راجل له قلبين



(3)







ايوه كلامك صح يا (كوكي)
وكلام (هيما) برضوا صحيح
هي الست الشاطره يابنتي
بتقول :عجبي بدون تلميح?


ايوه ياستي قولي وقولي
وارمي الملح بوجه عزولي
لكن اوعي تجيبي العيد
يخرب صف اسنان اللولي


الراجل يضرب م القهر
قلم الراجل يوجع شهر
ويوريكي نجوم االليل
وانتي يا(كوكي) بعز الضهر هههههههههه


وانته يا(هيما) راجل قيمه
مش ممكن تضرب في يتيمه
جبلها كم خاتم الماس
واكتب لها شعر باحساس


وامسك ايدها بكل حنان
حسسها ان الدنيا امان
مش تدلق لها جردل ميه
والميه عداوه ياقرفان


اما انته يا(احمد) زهقان
مش بتسايس في النسوان
الست الحلوه بتسايس
حتى الست الوحشه كمان


اعدل حالها با النبوت
اهي علقه والعلقه تفوت
هيا ح تدعي يارب تموت
حيّه اتلفت على تعبان


ارمي يمينك قبل ماتضرب
م الست الوحشه بتكهرب
اضرب اضرب وبلاش تهرب
اضرب اضرب في المليان


وسلامتك



(4)




طبعا مشهورين باالكيد
كيد الست الجاهله اسيد
مش حتسيبك لو تنويك
غير ناقص رجلين وايد






(5)


ايوه الست تخصص زار
وتلف و حواليها النار
كل هدفها تخلّلي الراجل
قاعد متلبّش في الدار



دول الستات النص كم
زي افاعي (رفاعي) بسم
كل جنون الارض معاها
وفي الآخر نهايتها تغم
في الاخر وبقدرة قادر
ينقلب السحر على الساحر
تترمّل ويموت الراجل
وِفْ وِرْثه تبرطع وتلم




شرم برم كيد الستات
شرم برم عفاريت وزارات
شرم برم والوحده تخينه
شرم برم لحية وشنبات



(7)


اصحي ياهانم فوقي ياست
الراجل في حقوقه يبت
لو عايز اربع نسوان
الفول للي معاه اسنان


كنت بفرح (كوكي) شويه
واتحاشا الكدمات الجيه
وانرفز (هيمو وحماده )
واشعلل في الجو زياده


اصل الست تحب تشعلل
لجل ماتوصل لهدف ما
وتحاول تشرح وتعلل
ادي حكمة ربي في ولياه


اصبر يااحمد اصبر اكتر
واتحمل كدا قد ماتقدر
واتجوز اتنين وتلاته
واتعنتر يااحمد اتعنتر


ومّاب ترسالك علي بر
وتلاقي الست اللي تسر
خدها وطير ماتبص وراك
اهرب م الحسد وم القر


لايهمك ولا افحل ست
افحل ست تنهيها بست
ربنا عارف ربنا شايف
في ستات حلوه ورهايف
في ستات معجونه بسمنت


وسلامتكم




(6)




شفت بهانه وام شبانه
وماشفتش الا الميلانه هههههههه
مش كنت تدور وتشوف !
ردي التاني وتجي ويانا


انته (ياهيمو) شكلك شايل
وبقلبك ياما ياما هوايل
بتعاند وتشاكس بس
عامل زي (احمد) متحامل




شفت ازاي احنا الستات
قال ح نعيش في تبات ونبات !!!!!!!!
وازي بس نقدر نعاشركم
ونخلف صبيان وبنات



شفت ازاي احناالمساكين
نتاخد كدا ع الوشين
لو امزح مزحه صغنونه
تنسى جمايل اجدع (نونه)

والقالي منّك قلمين



احنا يااخويا معانا رساله


للستات ويّا الرجاله
اللي حالتهم اسوء حاله
قلم يفوت ولاحد يموت
بس ايّاك تبعت شلوت


الشلوت عمري ماعرفته
وتكهرب لمّا اسمع سيرته
ازي( يااحمد) لو انا شفته

يمكن اطق ويمكن اموت

(8)


شكل الدنيا إيه من غيركم ؟
زي الدنيا بدون متاعبكم
طبعا عارفه هايبقى كئيب
واحسن حاجه اننا حبايبكم


بس ماتقلشي علينا ذيابه
دحنا ندوب في الحب صبابه
واحنا كمان ياخواني غلابه
واحسن حاجه اننا نعجبكم


احنا الستات الحلوين
مالناش في ساطور وسكين
احنا نخلّي الاسود اخضر
دايما قمرات وعاشقين


واما القمرايا بتتخان
تهرب تغطس في الاحزان
تهجر تنسى وتقدر تقسى
تهرب متسبشي العنوان


وسلامتكم


ارجوا ان اكون وفقت :sm58:

ودمتم بخير

التعديل الأخير تم بواسطة : ناديه حسين بتاريخ 04-28-2009 الساعة 11:56 PM
رد مع اقتباس
  #2  
قديم 04-28-2009, 10:22 PM
علي العُمَري غير متواجد حالياً
مدرس
 
تاريخ التسجيل: Oct 2005
المشاركات: 153
مرحبا أختي نادية:
أكثر شعر المصريين على هذا البحر وتنويعاته؛ لكثرة المتحركات في لهجتهم الدارجة.
وهم مغرمون بتحريك السواكن حتى أنهم ربما حركوا ساكن السبب الخفيف في البسيط فإذا ب(مستفعلن) تتحول إلى (متفاعلن) ولست أدري كيف يستسيغون ذلك؟!

شكرا لاخيارك ودمت متألقة.
رد مع اقتباس
  #3  
قديم 04-28-2009, 11:36 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,573
اخي العزسز علي العمري

مساء الورد .. اشرفت الانوار

اولاً اخي هذه القصائد اختياري مما كتبت من عده مجاراة بيني وبين شعراء مصر

دكتور ابراهيم ابو زيد والدكتور احمد الليثي

ولم اضع قصائدهم كل ماتراه هنا من كتاباتي ردا على قصائدهم على ايقاع الخبب



وهنا قصيدة الدكتور ابراهيم ابو زيد (زي مارحنا)


http://arweqat-adb.com/vb/showthread.php?t=2046

وهنا الروابط

قالو في الستات
للدكتور الشاعر احمد الليثي

http://arweqat-adb.com/vb/showthread.php?t=1628

وهنا بيبان الشوق للدكتور الشاعر ابراهيم ابو زيد

http://arweqat-adb.com/vb/showthread...1009#post11009

اما موضوع الوزن فكما تعرف في الخبب يجوز اللعب والتخبيب .. وبماان اللهجه ليست لهجتي اخترت الخبب لاجاري فمها حاولت لن استطيع اتقان اللهجه بالبحور الاخرى

وبالخبب اتوقع انني اتقنت اللهجه ورأيك ورأي الاخوان مهم

وشكر لك اخي علي دائما تجعلني اعدل موضوعي واوضح مانشرت

لاعدمت اطلاتك المميزه

ودمت بود
رد مع اقتباس
  #4  
قديم 05-12-2009, 02:32 PM
دابراهيم ابوزيد غير متواجد حالياً
مدرس
 
تاريخ التسجيل: Sep 2007
المشاركات: 308
فى هذه المساحة أسترجعت ذكريات جميلة وكيف للشاعرة العفريتة الاستاذة نادية حسين بتلقائية وعفوية رائعة اتقنت اللهجة المصرية ....

للاستاذة نادية جل شكرى

ولاخى واستاذى خشان عظيم تقديرى واحترامى
رد مع اقتباس
  #5  
قديم 05-12-2009, 06:25 PM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,573
اقتباس
 مشاهدة المشاركة المشاركة الأصلية كتبت بواسطة دابراهيم ابوزيد
فى هذه المساحة أسترجعت ذكريات جميلة وكيف للشاعرة العفريتة الاستاذة نادية حسين بتلقائية وعفوية رائعة اتقنت اللهجة المصرية ....

للاستاذة نادية جل شكرى

ولاخى واستاذى خشان عظيم تقديرى واحترامى

اهلا وسهلا دكتور ابراهيم

مســــــــــــــــــــــاء الورد والياسمين

الحمد لله على سلامتك

اشرقت الانوار .. ميت مليون ورده لاحلى طله

ايوه كانت ايام جميله سكني فيها جني مصري وصرت عفريته

ايام حلوه بجد


وامّا تهل علينا تنادي
افتحلك شبابيكي حرير
واهديلك فرحة اعيادي
واهديلك اشواقي عبير
عايزه اشوفك دايما راضي
بس انته اللي تملي تطير

يعنى الحب ماكان بإدينا
وزى مارحنا زى ماجينا


كل الكلام اللي طلع من تأثير اشعارك المفعمه بالاحساس

ولاعدمناك يادكتور

وياهلا وغلا

التعديل الأخير تم بواسطة : ناديه حسين بتاريخ 05-12-2009 الساعة 08:13 PM
رد مع اقتباس
  #6  
قديم 05-12-2009, 07:06 PM
دابراهيم ابوزيد غير متواجد حالياً
مدرس
 
تاريخ التسجيل: Sep 2007
المشاركات: 308
والله يانونش والله زمان

كانت احلامنا لينا امان

لسه الذكرى ف قلبى بتجرى

اوعى تقولى كنا وكان



لسه الدنيا تحت ايدينا

اوعى تقولى رحنا وجينا

..


ويامليون هلا وغلا ننوش
رد مع اقتباس
  #7  
قديم 05-19-2009, 08:05 AM
ناديه حسين غير متواجد حالياً
أستاذة عروض النبطي
 
تاريخ التسجيل: Sep 2006
المشاركات: 4,573
اقتباس
 مشاهدة المشاركة المشاركة الأصلية كتبت بواسطة دابراهيم ابوزيد
والله يانونش والله زمان

كانت احلامنا لينا امان

لسه الذكرى ف قلبى بتجرى

اوعى تقولى كنا وكان



لسه الدنيا تحت ايدينا

اوعى تقولى رحنا وجينا

..


ويامليون هلا وغلا ننوش

صباح الانوار والاشعار

وصح السانك ياملك الاحساس

واسفه ع التأخير في الرد كنت عيانه

كنا زمان وكان كان
ولدلوقتي بقلبي حنان
واما اسمع صوتك اتطمّن
واعرف ان الدنيا امان


دا الشعر بحضنو مْدفينا
وزي مارحنا زي ماجينا

وسلامتك


ولاعدمناك
رد مع اقتباس
  #8  
قديم 05-20-2009, 10:32 PM
دابراهيم ابوزيد غير متواجد حالياً
مدرس
 
تاريخ التسجيل: Sep 2007
المشاركات: 308
لما قالوا لى انك تعبانه

جيت لك اجرى فى ايدى امانه

جبت ومعايا وردة وحقنة

اوعى تخافى منها يا نانا
رد مع اقتباس
رد

Bookmarks


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

 



الساعة الآن 07:30 AM.

  :: تبادل نصي ::

مدخل د/ شاكر للعروض :: لماذا الرقمي ; :: أناشيد على البحور :: منهاج الرقمى ;

ضع اعلانك هنا; :: :: ضع اعلانك هنا; ضع اعلانك هنا; :: ضع اعلانك هنا;


Powered by vBulletin® Version 3.8.4, Copyright ©2000 - 2019, TranZ By Almuhajir
F.T.G.Y 3.0 BY: D-sAb.NeT © 2011
vEhdaa 1.1 by NLP ©2009