من يقول الزين مايكمل/ بحر الرمل - نبطي

[((إباء العرب))]

الأمير خالد الفيصل

من يقول الزين مايكمل حلاه
كل شي(ن) في حبيبي إكتمل
الله اللي كمله والله عطاه
مابقى للزين في خلّي محل
العيون أحلى من عيون المهاه
شافها قلبي و صفّق و احتفل
نظرته من فتنته شعلة حياه
والجفون من الحيا فيها كسل
ساهم(ن) رمشه على الخد وسناه
كن لمعة وجنته ورد(ن) وطل

الشفايا كنها جمر الغضاه
تحرس الريق المحلّى بالعسل
والشعر ليل(ن) نقل حمرة مساه
أجعد(ن) حوّل على صدره همل
مايجٍ من فوق متنه ماطواه
لون شلال(ن) مع المغرب نزل
أنطلق جيده يماري في بهاه
فوق مياس(ن) تعزّل واعتدل
بالرشاقه فيه من ظبي الفلاه
لي مشى كنّه على الريح انتقل
ريحته من كل زهر(ن) منتقاه
والزياده للخزامى والنفل
صافي(ن) مثل المطر فوق الصفاه
باسمٍ مثل البشاير بالأمل
جامع(ن) من كل زين منتهاه
مستحيل الوصف في خلي سهل
كايد(ن) ماهو يلين لمن بغاه
يرتفع عن كل سقطات الزلل

---------------------------------------

[((إباء العرب))]

يبدو أنه يكفي دراسة قصائد الأمير الشاعر خالد الفيصل كي نتقن دروس العروض النبطي !!
وجدتُ القصيدة على بحر الرمل:

مِن يقول الزينِ مايكمَل حلاه
من يِقو لز زي نِما يكْ مَل حلاه
2 3 2 2 3 2 2 3 ه

كل شي(ن) في حبيبي اكتمل
كل لِشَيْ ينْ في حبي بي إكْ تَمَلْ
2 3 2 2 3 2 2 3

الله اللي كمله والله عطاه
ال لهِلْ لي كم مَله ول لهْ عطاه
2 3 2 2 3 2 2 3 ه

مابقى للزين في خلّي محل
ما بقى لزْ زي نفي خلْ لي مَحَلْ
2 3 2 2 3 2 2 3

الله الله قصيده رائعه

شكرا استاذه


والشعر ليل(ن) نقل حمرة مساه
أجعد(ن) حوّل على صدره همل

وش شعر لي لن نقل حم رة مسا ه
اج عدن حو ول على صد ره همل


دمت بخير