آخر ماكتبت اهديها لكم قبل اكتمالها عنوانها :

آخر اشواقي




ياهبوب الشوق ودي له سلام= دامه المشوار عاجز بالقدم
روحي للغالي وقولي له بنام = بحضن طيوفه وأعيشه بالحلم
اغسلي روحه وفيضي بالهيام = لين مايبقى على قليبه ألم
هذا معشوقي ومن بين الأنام = ماخذ احساسي ولو إنه ظلم
بالغلا قلبي وطوقني سهام = من لحظ عينه يصوب لي سهم
أصدق عيونه وتغني عن كلام = واشهد ان القلب منها ماسلم
خده الغافي على جنح الظلام = يكسر الظلما ويهديها عدم
القمر جنبه بيبكي يا حرام = نوره مايسوى ولا مية نجم
مع هبوب الشوق وطيور الحمام = بنثر الاحساس ياروحي ولم
لمني لمة صغير ماينام = غير من صوتك أيا أحلى نغم
منحرم شوفك وبدري عالفطام = مالحق يروي عيونه وانفطم
نادني حتى ولو وسط الزحام = بسمع النبضه واجاوبها نعم
زولك بعيني بيبقى ألف عام = لو تغيب العمر كله وانحرم
مايشوف الا الضمير المستهام = والضمير ان مات مايبقى قيم
فدوتك روحي ولو إني حطام = لو طلبت الروح جاوبتك بتم
ما أعز الروح ياعالي المقام = والا انا روحي تطير واستلم
منية الخاطر أيا كل المرام = ياهديات القدر واغلى النعم
من رأى عينك أيابدر التمام = ينطق احساسه ولو حتى صنم
من عرف مثلك فلا يمكن يضام = من غلاتك صار للدمعه طعم
طاهر الاحساس ياقلب اليمام = يالبياض اللي مسح دمعي ورحم
آخر اشواقي وإحساس الغرام = ينثره قلبي ويبكيه القلم

شعر : عنود الليالي

تحيتي لكم