كتبت عراق الخير
ــــــــــــــــــــــــــــــــــــــــ
لو ثكَل همــــــــــك يوم والحل تعذّر
إكَصد أسد بغداد موسى بن جعفر
فأجبتها
ـــــــــــــــــــ
إي والله والنعمين من اسد بغداد
بس اطلـــــب هناك يم باب المراد
ــــــــــــــــــــــــــــــــــــــــــــــــــــــــــــ ـ
لو صَعَب هَم البيك والدنيا ضاكَت
إكَصِد أبـــو الشدات , ما شِدّه باتت
ــــــــــــــــــــــــــــــــــــــــــــــــــــــــــــ
الحمل لو كض بيك مو حمل حملين
روح انخـــــــــــــه بالشباج يم الجوادين
ــــــــــــــــــــــــــــــــــــــــــــــــــــــــــ
لو دهرك يوازيك والهم تأزَّم
كَلّه لأسد بغداد جيتك محزَّم
ـــــــــــــــــــــــــــــــــــــــــــــــــــــــ
بَــــــد ما يِرِد عَنّاي موسى بن جعفر
يكَضيلك الحاجات , ما عنده تعسر
ـــــــــــــــــــــــــــــــــــــــــــــــــــــ
الوائلي هنا كَال آنـــه كَصَدته
ما قصَّر وبالحال رَد عين بنته
ــــــــــــــــــــــــــــــــــــــــــــــــــ
وكتب محمد الكواز
ــــــــــــــــــــــــــــــــــــــــــــ
إكَصِد لكاظم غيظ , واصل ودادك
مـــن قاضي الحاجات حصّل مرادك
فأجبته
ــــــــــــــ
أسعى سعي عالراس ولكاظم الغيظ
بلكــــي أحصّل غيظ مو كامل الفيض
ـــــــــــــــــــــــــــــــــــــــــــــــــــــــــــ
أدري بأبو الطلبات بابه وسيعه
توسع لكـل الناس سنّه وشيعه
ـــــــــــــــــــــــــــــــــــــــــــــــــــــــــــ
أنخه السِكن طوس لو أسد بغداد
سايل تنخّيت هــــــــــــــل رايد مراد