النتائج 1 إلى 3 من 3

الموضوع: ::: سكتــــه دمـــــاغيّـه :::

  1. #1

    ::: سكتــــه دمـــــاغيّـه :::

    السلام عليكم ..

    بعد الغيبه اقدم لكم هالقصيده .. واضعها تحت مجهركم .. نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي .. قصيده جديده ..

    على كثرت همومي جات لي سكته دماغيّه = واتت من بعدها ضيقه وحرقة جوف وهّاجه
    وتسبقهن جروح العاطفيّه والغراميّه = وانا والقلب والاشواق من حاجه ليا حاجه
    ليا من شافني موتي وصوّت وش تبي فيّه = حياتك خالده .. خلك على وضعك ومنهاجه
    دريت اني على وضعي حياتي جات عكسيّه = يموت الموت اللي ترك قلبي ولا هاجه
    ردات الحظّ مغموره بجيناتي الوراثيّه = وتشهد لي مشاهد من ضوى والناس هجّاجه
    صعيب الموت في حالة كدر ماهيب عاديّه = تلازمني ولا ادري بغاية روح دوّاجه
    ايادي متقنه عزّه .. ويا صيحه شماليّه = ملك ما مات لا كن في مجاريحه رمى تاجه
    معارك يا معارك خاضها قلبي لياليّه = سيوف الموت مليانه كتل للموت محتاجه
    ولا راضي على نفسي ولا نفسي عدائيّه = أزيّن في شعوري خافقي وابحث عن اخراجه
    ترى ماهي بحاجات النفس ولا عندي لها نيّه = دفاعات النّفس تدفع مصايب ناس لجّاجه
    ترى ماهي عداله والفوارق اجتماعيّه = قوانين البشر حجّه بلا حجّه و حجّاجه
    بني آدم يفرّق عن بناخيّه وعن خيّه = فوارق يا حسافه .. يا أوادم ما نبي حاجه

    طبعاً ولأول مرّه راح اصرح عن اسمي ( الحرّ هو سالم الخمشي ) .. واتمنى تغيير اسمي من الحرّ إلي سالم الخمشي ..

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    .
    .
    .
    التعديل الأخير تم بواسطة سالم الخمشي ; 08-03-2007 الساعة 06:01 AM

  2. #2
    تاريخ التسجيل
    Sep 2006
    المشاركات
    4,594
    حياك الله اخوي سالم الخمشي وسعداء بك باي اسم
    سعدنا برفقة روحك ايها الحر

    وصح لسانك مليوووووووون قصيده رائعه

    صدمني العنوان والحمد لله طلعت قصيدة فاتنه .خفت يكون خبر نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    ردات الحظّ مغموره بجيناتي الوراثيّه
    ردا3 تل2 حظ2 ظمغ3 مو2 ره بجي3 نا2 تل2 ورا3 ثي2 يه2
    وتشهد لي مشاهد من ضوى والناس هجّاجه
    وتش3 هد2 لي2 مشا3 هد2 من2 ضوى3 ون2 نا2 سهج3 جا2 جه2

    3 4 3 4 3 4 3 4 = بحر الشيباني

    البحر شيباني والقصيدة فاتنة المعاني وربي يحفظك رهيب ماشاء الله تبارك الله


    ودمت بخير

  3. #3
    تسلمين اختي شمس الحريه .. والله سعيد لأنتمائي إلي هذا المنتدى اللي فيه اساتذه افتخر بهم مثلج ومثل استاذ خشان ..

    تصدقين ما كنت اعرف اسم هذا البحر .. إلا منج الحين .. بحر الشيباني

    مشكوره اختي على الحضور .. واشكرج على الاشاده ..

    كل الشكر لج ..

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الاتصال بنا
يمكن الاتصال بنا عن طريق الوسائل المكتوبة بالاسفل
Email : email
SMS : 0000000
جميع ما ينشر فى المنتدى لا يعبر بالضرورة عن رأى القائمين عليه وانما يعبر عن وجهة نظر كاتبه فقط