خربشاتي

راكبً من فوق مقراشي=بنت حرن دكبه جنه
منوتك لا صـرت طراشي=وسفايف بس يزهنه
حنا للي نستاهل الباشي=بس نجد اسكون ومرنه

قصتي في عزلتي قد عشتها=خلف صمت وخلف ضيم الذكريات
لو كتبت ولو شكيت وقلتها=يفتكرها من قراها تسليات

اليوم شفت قصيدة غناها محمد عبدوة
نوى القلب نية مانواها لحد غيرك-نوى القلب يمشي لك على السمع والطاعة
هي منكوس وبقطعها من باب تجريب نفسي فقط
نول قل بني ية ما نوا ها لحد غي رك -نول قل بيم شي لك علس سم عوط طا عة

اللي استفدت من تصويب استاذتي نادية كثير نوى لاينطق ولايحسب(ى) كذلك على اخطيت فيها كثير لاتنطق
ولاتحتسب تصبح عل بدل على ايضاً ال الشمسية السمع دام فيه لام شمسية مابعدها مشدد وتحذف الام من
السمع فيصبح سسمع وكذلك نفس الامر تكرر في الطاعة !

رغم كل ماقلت ابقى احبو في الرقمي واتدرج بشكل بطيئ واجهل كثير ورقم المنكوس حافظة مدام مقفى بس
لا اهمل اظنه يتغير

انا يا ابلتي مدري انا صح ولا لا

تبي الحقيقه ..مااروعك

تبي الحقيقه ..مااروعك= تحفه وصوّرها الأله
مجبور قلبي دلعك= خلاك تسكن في حشاه
وتحسب جمالك ينفعك= لى صار قلبك من حصاه
تحكي وتبيني اسمعك =مدري غرورك وش وراه
منته معي ولاني معك = واسمك شريكي بالحياه
وماهي غصيبه اتبعك = تفرض علي حكم الطغاه
اعرف غرامي مااقنعك= وادري زمانك وش لهاه
حقّك ولااقدرامنعك = طبعك كذا واعرف دواه
واعرف دوايا يوجعك = والعلم جايك في نباه
برحل بلا مااودعك =هذا دوى قلبي وشفاه
وانسى خفوقٍ متّعك = وانته حرمته مبتغاه

الشاعرة الاستاذة / نادية حسين

من اروع ماقرات سهل ممتنع والله احسه كلام عايدي تقوله في حديثك حين تعاتب

اليوم الاربعاء الموفق 22 /9 / 1434 هـ

امس قطعت بيت على الرقم=3 2 3 4 3 2 3 4

بـــــرحــــــل بـــــــــــلا مـــــااودعــــــك
بر2 حل2 بلا 3 ما 2ود2 دعك3
هذا بنطقي ولا اعلم نطقي صح لكن هكذا شعرت به رغم ان هناك حرف لم يظهر معي بنطق امانة قد اكون مخطي ما ا ودعك ماكان بالاحمر لم يظهر


اتمنى ان كون صح ان شاء الله

اليوم تعثرت بيت غريب!!

وقد تكون غرابته بسببي انا لا بالبيت لكن حبيت ان اقول مااشعر فيه حيال هذا البيت وسوفا انقله كما هو:

الوقت راح ومنك لي وش بقى=الا الالم مع ذكريات الامل

ال 2 وق2 ترا3 حو2 من 2 كلي3 وش2 بقا3
ال2 لل2 الم3 مع2 ذك2 ريا3 تل2 امل3

نهايته غريبة ولم اعهدها بل اول مرة اصادفها في المسحوب

لخالد عبدالرحمن!!

خذ ما تبي بـس أتـرك القلـب يرتــاح=لا بالمودة عطيتــه لا بالصراحــة خذيتــــه

سؤالي : عجز القصيدة يختلف عن الصدر ؟

هرجة فقط؟

هل يلام او يخطئ من قرى هذا الرقم بطريقتين ان لم يكن هناك بيت؟

=2 3 2 3 2
فلو تناولة شخصان ليكتبا عليه وكلاً كتب بطريقة

ساهرة في حياتي-
والاخر كتب
في حياتي تعالي-

انا لا املك اجابة لاني لم اكمل الرقمي فربما الاجابة تكون فيه ولم اصلها بعد

سا2 هرة3 في 2 حيا3 تي

في2 حيا3 تي 2تعا 3لي2

= 3 ((4) 3 ((4) 3 ((4)
= 3 4 3 4 3 4
هذا الرقم لبحرين كذلك لو اتاك اكتب عليه رقمياً لكتبت على بحرين

بيت شعر وبيت شعر؟

هذا ما فعله عمنا الخليل الفراهيدي بصدق شبه بيت الشعر ببيت الشعر المبني الذي يحتاج للاوتاد كي يرفع
البيت بعدها سبب ووتد فما ابتعد عن بيت الشعر الاسود

في خربشاتي؟

فيها اضع بعض مايشكل علي فهمه ويستعصي فمثلاً :

هل=1 ه
هي نفسها نقول عنها:
هل=2
كذلك على=1 1 ه
هي نفسها نقول عنها =3

لكن الذي اجده صعب علي امانة مثل
ذهبت=1 1 1 ه

لا اجيد بصدق قاعدة كتبت ك ت ب ت لو تاتيني في شطر فانا حتماً سوفا اقطعها هكذا
كتب ت =3 1 واظنها =1 3 ك1 ت1 ب1 ت ه فالكاف لوحدها=1 ثم 1 1 ه =3

ماهي الاحرف التي تكون بتلك الصيغة لم اتعلمها بعد ولااعرف قاعدتها قد احس بها فقط وشتان بين العلم
والاحساس والتخمين.

نسجت اشعر بان نسجت تكتب ناسجت وهي تقطع ن 1 سجت=1 3

لا اعلم لما استاذتي غابت عسى المانع خير يارب

عسى المانع خير = عسل 3ما 2نع 2 =3 4

قلبي مع التقطيع

قلبي مع التقطيع ياعزوتي زاغ=طـالب بـليـد وفيه واجـد فداغة
عجزت اصيغه اه وشلون ينصاغ=بـحـر الـشعـر محتاج فـن و بلاغة
الشعر ماهو لبست اثياب وشماغ=ولا تـلـبـس الـجـزمـة بليا دلاغة
مـرات اقـطــع صح ومـرات ينراغ= تقطيعنا الماخوذ مثل المراغة

السود والا البيض تبقى نوايا

بعض النوايا سود ولبعض الاخر بيض=والسود والا البيض تبقى نوايا

اليوم لشعر في صدري حديث؟

استخر وانا استخير والفرج ياذيب جاي=الـزمن لـو هـو يبور ذي تـرى ديباجتة

سقى الله عينن ضاع مبطي دليلها=ان صفـحت لنوم عيـا يجيلها
عيني وانا ادري ليش ماترقد الليل=تسهر مع الهاجوس وعزتيلها
من غاب مضنونه ماغمظت نونه=تذرف دموع الشوق من طول ليلها

في خربشاتي؟

فيها اضع بعض مايشكل علي فهمه ويستعصي فمثلاً :

هل=1 ه
هي نفسها نقول عنها:
هل=2
كذلك على=1 1 ه
هي نفسها نقول عنها =3

نعم

لكن الذي اجده صعب علي امانة مثل
ذهبت=1 1 1 ه

ذهبت ليست كلمه عامية بل فصيحة وعندما تنتهي من دورة النبطي اتجه للفصيح وستعرف كيف نقطع ذهبت لااريد ان اضيف لك معلومه لن تفيدك الآن وربما تضرك

لا اجيد بصدق قاعدة كتبت ك ت ب ت لو تاتيني في شطر فانا حتماً سوفا اقطعها هكذا
كتب ت =3 1 واظنها =1 3 ك1 ت1 ب1 ت ه فالكاف لوحدها=1 ثم 1 1 ه =3


كتبت نفس ذَهَبَتْ فصيحه

ولو قصدت (كتبْت انته )تقطيعها كتب3 ت ه

ماهي الاحرف التي تكون بتلك الصيغة لم اتعلمها بعد ولااعرف قاعدتها قد احس بها فقط وشتان بين العلم
والاحساس والتخمين.

قلتلك ادرس في المنهج فيه كل شي يفيدك فلا تفكر بشي ماذكرته وتشوش على نفسك وتشغلني معاك

نسجت اشعر بان نسجت تكتب ناسجت وهي تقطع ن 1 سجت=1 3

نفس كتبت وذهبت

لا اعلم لما استاذتي غابت عسى المانع خير يارب

عسى المانع خير = عسل 3ما 2نع 2 =3 4

ممتاز

وغيابي بسبب انشغالي ومع انني بفضي نفسي عشانكم وشايفه اني معاكم خطوة خطوة

ودمت بخير

اولاً لايلحقك شك وافية يالاميرة ثانياً هي مجرد تساولات وادري ولله انها بالمنهج لكن من خلا عادته قلت سعادته
بصدق تغلبني طبيعتي عجل مش عجل ههه لو انها شقر تمشي الف شكر على كل اجابة على حده ودمتي في
سعادة لك بلسيان من الكادي والياسمين

مع اني الا اجيد الفضفة والا الحديث عن حالي لكن هذان البيتان يغصان بل انا والعناء

انا طالب انا تلميذ=انا فاشل يا استاذي
انا ياخي بلا تنفيذ=كاني صرت شحاذي

يوم الغشيم يقول دنياة بالحظ=مالوم انا نفسي ولا لوم حظي

الحب وسط القلب يا عزوتي شاخ=واصبح غرامك شيخ وحنا له اشيوخ
نوختني الين قلبي خضع ناخ=والحب مايصلح اذا فيه تنويخ
القلب يبكي من غرامك به اصراخ=ونجخت قلبي ياهوى البال تنجيخ
الحب ما هو دبلتين مع افتاخ=والحب ماله في رجاء العمر تاريخ

:

معكم صـراحـة مـاتفيد المراكيض=مـنكـم لـحقني قـطعت اوجاع ومراض
غلطان ياللي تامن الحب بالبيض=وغلطان من صدق حسينات الالفاض

البارحة سهران عايش متاهه=مـحتار ضايـق واتـرجى الالهي
والعين سهرانة وطال انتباهه=يومن غيري صار ساهي ولاهي
ما غيرو قلبي ابـد بتجاهه=انت هوى عمري وبس اتجاهي

الخبيث اللي يسمونه خبيث= ممتلي بالخبث والله مخبثه
يحسدك والله ذا طبع الغثيث=يفضح اسـرارك وسـرك يبحثة

لا تعجل انتظر حكم الليـــــــــالي=باكر الايام تبدي لك خفـــــــــاه
ياما فرق موجها غالي وغالـي=وهني اللي تمتــع في صفــــاه
ياحبيبي ليش ترضى في بدالي=ليش قلبك مهجتي يرضى عناه
هاك قلبي علته بانت بحــــالي=وانت قلبك مستمراً في جفـــاه
مايداري عاشقن مثل الخلا لي=ناحل جسمه وفي ثوبه كســـاه
بين عظم وجلد وهموم طوالي=لامشاء قدام تسحبه لــــــوراه
واقعن عشته تقل قصة خيالي=كل مااظفر بالسعاده جاء خذاه
ليتك عينك ساعةً تاقف قبالي=تنظر اللوعات روحي مع شقاه
يمكن انك تفتكر فيها وصالي=أوتروف بمقلتن قد جف ماه
اترك الكبره ترى شوفك عزالي=واعطي قلبي من عسل ريقك دواه
لا تعجل انتظر حكم الليـــــــــالي=باكر الايام تبدي لك خفـــــــــاه

فهد عبد المحسن

(( شــمــسنــا غــابــت ))

شمسنـا غابـت وغطتهـا الغيـوم=وغابت نجومٍ ضياها فـي سمـاك
الـقـدر بــدل سعـادتـنـا هـمــوم=وأضلم بدنيا شعاعـه مـن ضيـاك
ومركب الأشواق في بحرك يعوم= في مجاديف الشقى يمشي وراك
ما طـواه اليـأس إلوصلـك عـزوم= لو تروح الروح روحي من فـداك
إنت بدري إنت شمسي والنجـوم= جامـعٍ زيـن الخلايـق فـي حــلاك
يا شعاع الكون لـي فيكـم لـزوم= لا تخيـب خافـقـي يـومـه رجــاك
يرتجي وصلك عسى وصلك يدوم= قبل مـا ترحـل بنـا دنيـا الهـلاك
أنتظـر يـا أبـو محمـد كـل يــوم=يالمحيسـن أنتظـر نــور الـمـلاك

فهد عبدالمحسن

نـآشــدتـك آلـلـه كـــف تـحـريـك إلـجــــفــون=لآتــذبــحـن فــي غـمـزتـــك وإسـهـآمـهـآ
عــينـك حــشـى مـآهـي مـثــل بـآقــي العـيـون=بــــه مـيـــزةٍ مـــحـــد(ن) يـحـل إرقــآمهـآ
لآ نـآ ظــرت إو سـلـهـــمـت فـيـــهـــآ دفــون=إتـحــيــر إلـلـي جـآلـس(ن) قـــدآمـهـآ
وإنـآ سـبـب هــآلـقـلـب غـطــتــه إلـشـجــون=وإلـروح تـآهـت فـي بـحـور إجــسـآمــهـآ
بـيــن إلـمـحـآجـــر وإلـرمــش ذآك الـفـتـون=مـعــذور لـو نـفـسـي تـزيـد إحــلآمـهـآ
لـجـلــك عـلـي إلـصـعـب يـآلغـآلـي يهــون=إطـآآهـ مـآتـشكـي إلـقــدم إلأمـهـآ
حـتـى ولو تـقـسى عـلـي مآ بــك إخــون=نـفـسي رضت ترفـع لـك إسـتـسـلآمهـآ
بـس وش تـبـي آمــر عـلـي وإنــتا تـمــون =إلحـآل نـشـفـت مـآبقـى إلأآ عــظــآمـهـــآ

فهد عبدالمحسن

خــلاص أرجــوك رح عـني=دخــلــيــك وش تـبـي مــنــي
بــعــد مــابــديــت لـــي فـرقـــاكــ=وش لــي رد بــــكـــ , ثـــانــي
غلاك !بذمة الــنـــســيــآآن=كـــفى غــربــه شـقـى وحــزان
آنـــا مــن قـلـب أبـي فـرقـاك=لهــذا أرجــوك تـنـســاآآنــي
بــكم لحــضـه تــرجـيــتــك=وتـــالـــي الــيـــل نــاديــــتــــك
تـعــذبــت بــرجــى لامــاك=الــــين اخــــترت هــجــرانـي
!! و هـــاذي حــالـــة الأيـــام=تــخـــلي مــن ضــلـم يـنــضام
رح احــصــد مـا سـقــت يــمــنــاآآك=وأنــــــا مــــاعـــــاد تــــلــقــانــي

بدر اليمون

ياهبــــوب الريح هبي وارفعيني=لاتنوش الأرض رجلي واغبرتها
الـعواصـف مـن شمـال و مـن يميني=مــرت أنصاب القبور و بعثرتها
ليتها تــــــزحف وراها ماتجيني=المطـــايا في خــــلاها روعتها
ويــــن أبلقاء لي مكان يحتويني=الحيــــايا دخلتني باحجرتها
ان قــــدرتي للسحـايب تدفعيني=ادفعيني للســــحايب وأقترتها
يبست عروقي من الدنيا وعيني=الليالي بالمصـــــايب كحلتها
مالقيت الا الذيابه تـــــــحتريني=ازعجتني بالعوا وامطاردتها
والعرب فوق الركايب راحليني=الديار اخلي والناس اهجرتها
قـــلت يالله داخـــلك لاتبتـــلني=المـطايا حولت فوق ارقبتها
كيف اجـر خطـامها مـاتت يديني=والعقارب من تحتها واقرصتها
يااللـــيالي لو سمحتي اتركيني=معك والله مدري وش هو اخرتها
تحسبيني سالي" لك تحسبيني=قد نسيت المملكة وش عاصمتها

مافيه معلوم هذا كلام مين نفر كويس كلام مال هوا

الفــلك دوار والـدنـيا تــدور
.......................بين زين وشين يالله خيرها
راحت الايام تقفاها الشهور
......................والعباد مواصـلـه في سيرها
وقتنا فيه النكاده والسرور
.......................تـجتمع ثـنـتــين مابه غيرها
قامت الدنيا على العالم تبور
...................والعــرب فـيـها نقـص تقديرها
والزمن ضيق وسيعين الصدور
....................والـبـلاوي فـيه غـرد طـيـرها
والاوادم مــن دبــورٍفي دبــور
.....................واضـحٍ بـين مدى تقـصيرها
تشتكي فالوقت من ضلمٍ وجور
......................من عذابك ياغــفور تجيرها
فيه منهو من على دينه غيور
...................... وفيه ناسٍ غيـر تنفخ كيرها
فيه طيب فيه خيب ومخبور
.....................والحقايق شـابهـت تـزويـرها
الردي ماجيه مااخذ منه شور
.....................والرجال الطيـبيـن اشـيـرهـا
كم دفنأ مـن عــزيـزٍفـالقـبور
....................كلمتن تصعب على تفســيرها
دينا سهل جميعات الامور
......................والمحــبــه مــانــبـي تغييرها
ياودود ويارحيم وياغفور
...................رحمــتك ..والســيئه تكفــيرهـا



كمان مافيه معلوم مين هذا نفر

مهما يكون الشعور اللي علـي بـادي=لا زلت انا الوارد اللي ماطـوى حبلـه
على القـراح الزلالـي طـال تـردادي=اشرب واصدر ظما مدري وش اشرب له
يا من تغاربتي غيابـي وهـو عـادي=بُعد الرجل عن دواعي ذله اهيـب لـه
ماامشي قبل لا اعرف الوجهه بلا قادي=ولا صلـي الا وانـا متقبـل القبـلـه
منزالي النايفه عـن حـدري الـوادي=ورجل(ن) يجي في مسيل السيل يا هبله
أبعدت مالي غـرض فـي ذل مقعـادي=ما دام يلعب لي الذعـذاع والعـب لـه
ماني لعرفي مع اهل العـرف متـرادي=لاشك كبدي من اللـي شفـت مندبلـه
يا لاقيـة خيـر هـاك العلـم للغـادي=اللي عجز يفرق الشيحه مـن الربلـه
أمانـتـك بلغـيـه لـكـل حـسـادي=لا غارت الكدش وكحيـلان باصطبلـه
أنا أول العشر مانـي للعشـر حـادي=مالك ومال افتـراض الجاهـل الأبلـه
يموت انا حاسدي مـا ياصـل ابعـادي=منّي نجوم السما لو يفهـم اقـرب لـه
ولابد ما الهايج المايـج يجـي هـادي=وكل(ن) يشوف المكان اللي يناسب لـه
إن مت مات النبـي وآبـاي واجـدادي=وما دام لي يوم ماني ميّـت(ن) قبلـه

كلمات/عبدالرزاق هذيل
غناء/بدر اليمون