فـــارس .. ( نبطي )

النظم على الخبب النبطي ..


يا ربعي يا هل الفزعه .. المزحه ما تاتي رزحه
كان المقصد منها عادي .. عادي و نمشّيها عادي

لكن لاجاتك مقصوده .. الهرجه دايم مردوده
ردّه جاهز متولم له .. فارس صاحي ماهو غادي

ما حاول افرد جنحاني .. عقلي عندي هو ميزاني
ارقى فوق اغصانن ونشد .. كني طيرن غرّد شادي

اكتب اشعارٍ لـ عيونه .. هو عقل الشاعر وجنونه
اعذب قافيّه ارسلها .. لـ اللي وقته عنّي حادي

نوره لا قلنا يا نوره .. يكفيني في بعْدك صوره
شايلها مابين عيوني .. لا ضاقت قلنا يا هادي

اكشفها ونظر لعيونك .. كني عايش داخل كونك
قوتي من جفنك و الزادي .. حالي من مبسمك الغادي

اذكر مره شفتك فيها .. تدرين بعيني وش فيها
ماغير الدمعه محصوره .. تبكي افراقك يا كادي

مجبرورٍ عايش وحداني .. يطري لي حبٍ سلّاني
في يوم و ليله وضحينا .. ابفرقى يوم الله رادي



و سلامتكم ..




التقطيع :


يا ربعي يا هل الفزعه .. المزحه ما تاتي رزحه

يا 2 رب 2 عي 2 يا 2 ها 2 لل 2 فز 2 عه 2 .. ال 2 مز 2 حه 2 ما 2 تا 2 تي 2 رز 2 حه 2


اكتب اشعارٍ لـ عيونه .. هو عقل الشاعر وجنونه

اك 2 تب 2 اش 2 عا 2 رن 2 لع 2 يو 2 نه 2 .. هو 2 عق 2 لش 2 شا 2 عر 2 وج 2 نو 2 نه 2


شايلها مابين عيوني .. لا ضاقت قلنا يا هادي

شا 2 يل 2 ها 2 ما 2 بي 2 نع 2 يو 2 ني 2 .. لا 2 ضا 2 قت 2 قل 2 نا 2 يا 2 ها 2 دي 2


قوتي من جفنك و الزادي .. حالي من مبسمك الغادي

قو 2 تي 2 من 2 جف 2 نك 2 وز 2 زا 2 دي 2 .. حا 2 لي 2 من 2 مب 2 سم 2 كل 2 غا 2 دي 2



أعذروني إذا تأخرت عليكم بس الأيام هذي ضغط وماعندي وقت كثير ..

تحيآآآآتي

ماشالله عليك ممتــــــــــــــــــاز

والى الدرس التالي

أخــوك