بحر جميل وإستخدامه يفتح للشاعر مساحه أكبر في الشطر الواحد
لإيصال فكرته على أتمّ وجه
هذه إحدى قصائدي على هذا البحر للمشاركة فقط
ولا باقي على موتي سوى تنهيده وزفره=عشان ألفظ بقايا روح ماتت ترجي وصالك
يا همّي مد لي يدّك تعال نكمّل السهره=هناك الجرح يستنّى معَ آلام غربالك
هناك اللي قرا بـ كفّي عوالم همّ مندثره=ملامحها بخطوط إيدي بدت أحلك من الحالك
تنام الكفّ وسط الكف وكف بكف منقهره=تإن الكف من جرحٍ بوسط الروح متهاالك
أليمه دنيت العاشق من السكره إلى السكره=تحسّ إنْـها تحلّق بك وهي تسجنك بأغلالك
أحبك / ذنب طهّرني ومرّدني على كـُـفره=عقب ما كنت كافر بك ياحب ألحين أسعالك
حبيبي شوّه غيابك ملامح أمس من بكره=وتاه الوقت في صبري متى بيحنّ مرسالك ؟!
هنا شاعرك ..مجنونك.. متى بتزوره ؟ فـ قبره ؟!=هنا صدري .. هنا جوفي .. هنا سكّنت تمثالك
هنا يا ما تحلّفني ظنوني (ما لفا عذره) ؟!=هنا يا ما بكى ليلي على ونّات موالك
تعبت أسترسلك شعرٍ / تعبت أبني بك الفكره=تعبت أرسمك بشعوري قصيدٍ كلّه لحالك
ندمت (ومو على حبك) أنا نادم ولا بأكره=ما دامي عايش بقلبك وذا التعذيب يحلالك
يا كثرك داخل أعماقي وحبّك آآه من كثره=تعودني على هجرك وتقتلني وألجالك
تفرعنك الجفا وأدري ولولا طيبة البذره=وربي كان وريّتك عذاب الحب وإهبالك
تمرّ أحوالي بيدّك ليالي ما بها قمره=ظلام وظُلم متظلّم ظلمته حيل بإهمالك
تعال (إهتم في جرحي) تعال وطفّ هالجمره=لهيب الشوق بلّلني ظما وأشياء تـُرثالك
تبعتك لين تعّبني نحيب الصوت من قهره=يشوف الموت بغيابك وإنت تزيد ترحالك
ترى كل اللي سويّته في قلبٍ ضاق من صبره=ترى بيحاسبك ربّك على قولتك وأفعالك
طلبتك بالولي الله وهذي عندك الغتره=طلبتك لعنبو حيّك متى تهديني إوصالك ؟
تقطيع أحد أبياتها
ولا باقي على موتي سوى تنهيده وزفره
ولا 3 با 2 قي 2 على 3 مو 2 تي 2 سوى 3 تن 2 هي 2 دهو 3 زف 2 ره 2
عشان ألفظ بقايا روح ماتت ترجي وصالك
عشا 3 نل 2 فظ 2 بقا 3 يا 2 رو 2 حما 3 تت 2 تر 2 جيو 3 صا 2 لك 2
المفضلات