وزن هذه القصيدة 2 3 2 3 4 3 4

ولم أجد هذا الوزن في قوالب د. الصويان

http://alarood.googlepages.com/006-sowayyan-arud.htm

وجدته في البحور المهملة في الفصيح باسم المطّرد


وشاهده:

ما على مستهام ريتع بالصّدّ .... فاشتكى ثم أبكاني من الوجْد


ما على مس تها من ري عبصْ صد دي = 2 3 2 3 4 3 4


للشاعر : عبد الله الطلحي


http://www.b-99.com/vb/t96250.html

لاتخبي غلاي إن كنت تغليني=منك حبس المشاعر ظلم يالغالي
كلما شفت عينك يانظر عيني=قلت ياذا العذاب اللي تهيّالي
شفت فيها شقاي وجددت فيني=حيرتي والسؤال اللي على بالي
لامتى وانت تبعدني وتدنيني=ليه اشوفك بعيد وزولك قبالي
لامتى الحاجز اللي بينك وبيني=كلما مر يوم يزيد في العالي
ألمح الشوق في عيونك يناديني=كل نظره تقول إن السعد فالي
وانت دونك جدار الصمت حاديني=صمتك اللي سبب همي وغربالي
كم تمنيت يوم إنك تلاقيني=تشتكي لي وتسألني عن احوالي
إنتظرتك تطيع الشوق وتجيني=إنتظرت, إنتظرت أيام وليالي
عمري اللي تعدى واجمل سنيني=فات والعالم الله ويش يبقالي
خايف إنك تجي في يوم ناصيني=ماتجد شي منى يرسم ظلالي
لاإنمحت من على الدنيا عناويني=ولابقالي مع الحيين منزالي
وقتها غصب من دنياك تلغيني=تحذف إسمي وتحذف رقم جوالي
كان قصدك بعد مااموت تبكيني=ليش تنثر دموعك في الخلا الخالي
دمعةٍ في غيابي ماتواسيني=ولاتبدل هذاك المر بالحالي
لوتخلي بيوت الشعر ترثيني=لين تصنع من الأشعار تمثالي
ماسكبت السعادة في شراييني=ولاانت واصل لروحي والجسد بالي
طيع شوري وحط يديك بيديني=ليش تاقف لحالك وآقف لحالي
دام يمديك يالغالي ويمديني=حطم الحاجز اللي حطم آمالي